زوجك شمالي مثلي زوجي تعالي اقولك شوية معلومات عنه

1. الشمالي مايهتم لكلام الناس عنده تنطنيش عكس الجنوبي.


2. الشمالي يتصرف بشكل عملي.

بسم الله الرحمن الرحيم
المقصود بالشمالي تبع البوصلة الشخصية تقعد تنط لي وحده تصير فاهمه اني اقصد شمال المملكة<<ماقد صارت ابد
تقول الدكتورة ناعمه الهاشمي انه اسهل الانماط بس افهميه. << هذي المشكلة !!
الشمالي رجل صعب لكن عند فهمه يصبح باذن الله هين لين ولاننسى التوسل الى الله بطلب التوفيق والمعونة.
ولا احد يقول لي انه مستحيل يتغير لان لاشي صعب على الله سبحانه.. انتي بس ادعي وبيقين وابشري .
المعلومات هذي جمعتها من هنا وهناك وغالبيتها من مملكة بلقيس والتعليق تعليقي انا وبصراحة غالبيتها صح ميه بالميه.
الشمالي رجل بمعنى الكلمة..
طبعا بعضكم بيقول لالا.. لكن لو فكرتي في حياتكم لما يجي مواقف تتطلب تصرف رجل راح تتذكرين ان زوجك كان تصرفه قدها وقدود وقام بمايلزم.
ينسى المواقف البايخة بسرعة ويرجع للبيت وكان شي ماصار ..
دائما مشغول .
يراضي بالجنس وليس بالاعتذار يعني احلمي تسمعين كلمة اسف.
يعبر بالهدايا وليس بالكلام.
اذا ودى فندق لازم يكون خمس نجوم لانه مايرضى باي مكان لازم يكون على مستوى.
لما يكون مسافر وتبينه يرجع اذا كلمك قولي انا مشغولة واذا سال بايش؟ قولي اشياء تجذبه لك مثل احف جسمي, مسوية برنامج لبشرتي, او اي شي فيه اهتمام بنفسك وجسمك.
الشمالي مو رومانسي بس لكن اذا عودتيه على حركاتك ورومانسيتك يصير يقلدك. وفعلا يابنات الشمالي قلود درجة اولى انتي بس راقبيه بتلاقينه يستخدم كلماتك ويسوي حركاتك.
يمووت بالدلع والفرفشة ومايحب النكد. النكد عدوة ومايحب يشوف دموع المراه يعتبرها دموع تماسيح يعني اللي زوجها شمالي تخبي دموعها الله لا يهينها.
اذا تزاعلتوا في شي وتناقشتوا انتبهي ترجعين تفتحين الموضوع معه مرة ثانية لانك كل ماناقشتيه اكثر عنًد اكثر. الحل ايش طيب؟ الحل انه من يوم يقول لا على شغله تقولين طيب ولا ان شاء الله وتروحين من عنده على طوول كذا بيرحمك وبتكسرين خاطره وبيوافق.
الشمالي انسان صريح ومايعرف الكذب. يعني مايجامل وصراحته ممكن تجرحك احيانا.

الشمالي مايهتم لكلام الناس عنده تنطنيش عكس الجنوبي.

الشمالي يحب يعرف وش اللي يبي. *نصيحه اذا طلعتوا وسالك وين تبين تطلعين لاتقولين بكيفك ولا ماادري لانه مايحب اللي ماعندها سالفة هو يحب اللي تعرف راسها من رجليها وواثقة من نفسها على طول قولي ابي كذا ولا ابي المكان الفلاني.
لا للعتاب للشمالي ومسجات العتاب. تبين تبعدينه عنك عاتبيه دايم وابشري سواءا مسجات جوال ولا ورق. وصدقني ان عتابك له مو مغير ولا شي.
الشمالي اذا زعل غرور الدنيا وكبريائها كله فيه صامد وجامد ومن دون احساس. واحسن حل اذا جته هالحاله ماتعتذرين له لانه لن يقبل اعتذارك ابدا فانتي مارسي حياتك عادي واهم شي تعابير وجهك مو زعلانة ولا راضيه عادي جدا وهو مع الايام بيرضى من نفسه.
الشمالي لا يحب الالتصاق. وشولون يعني؟ يعني مايحب اللي تلزق فيه قاعده جنبه ولا يحب الحضن ممكن يكون حضن سريع لكن طويل لالا. ولايحب اللي تزعجه بالاتصالات والمسجات يعني اذا طلع من البيت لا تدقين الا لشي ضروري جدا او محتاجه شي ضروري لانه مايحب اللزقة ولا يحب اللي تساله وين بتروح ومتى بترجع ومن كان معك. انتي اسكتي وهو ممكن مع الايام يحكي لك وش صار من دون ماتسالين. حتى اذا سافر لاترسلين مشتااقه ومن هالكلام لين تحسين انه هو اشتاق وبالمناسبة الشمالي مايحب الرسايل الا اللي من تعبيرك انتي يعني هالمسجات المتداولة بين العالم ماتهمه ولا ينبسط منها.
الشمالي يطلع مع ربعه مرتين او ثلاث بالاسبوع وومكن اقل وغالبا يكونون نفس الاشخاص.
الشمالي شديد الرومانسية الغامضة يموت فيك ومايبين لك الا بمواقفه بس لاتترجين منه كلام لانه مايعرف يعبر بالكلام ودايما يشعر ان افعاله تكفي انها تبين حبه يعني مثلا يطلعك يمشيك او يجيب لك شي عارف ان نفسك فيه من زمان او يفاجئك بسفره وهيك يعني.
الشمالي ماعند حل وسط اذا عصب صار يرمي بالكلام الجارح ومايحس بنفسه والمشكلة انه مايقولك بوقتها يعني يجمع عليك يجمع ولما ينفجر يطلع الاولي والتالي.
يحب المرح كثير ويتقرب من الناس اللي ينبسط معهم وتكثر طلعاته معهم اذا مالقى سعادته بالبيت يعني انتبهوا ياحريم.
الشمالي متعلق جدا باصحابه ولا يسمح لااحد حتى ولو كان زوجته انها انها تمنعهم منه ابدا.

الشمالي يتصرف بشكل عملي.

الشمالي لو كان في قلبه وحده ثانيه بيتضح من تصرفاته لانه مايعرف يخبي عكس الجنوبي يلعب على الحبلين والشمالي اذا حب يغير زوجته يبان عليه على طول, اصلا مايقدر على ثنتين, لان شخصيته ماتتحمل تسوي شغلتين بوقت واحد. ولو حب غير زوجته بيسحب عليها.
الشمالي لو عنده علاقة ثانية مايعرف يمثل بس يعرف يخبي لانه يحب يكون مثالي امام الجميع ولايحب ان يجرح زوجته لانها لو عرفت راح تنجرح مشاعرها.(وممكن تستغل نقطة حبه للمثاليه امام الناس في اشياء كثيرة انك اذا احتجتي اي طلب ممكن تقولين لازم توفر لي هالشي هل ترضى ان اهلي والناس يقولون فلان(هو يعني )مقصر عليك وكذا.
التعامل مع الشمالي زي المعادلة سوي كذا تحصلين على كذا.
الشمالي لا يجرح في الكلام حتى لو زعل يعني صحيح يعصب لكن يحترمك حتى وهو زعلان يعني مايقول كلام غير لائق.
الشمالي يصبر عليك كثير ممكن يوصل سنوات ويبيك تهتمين بدون مايتكلم بس المشكلة اذا تكلم الله يعينك صريح ومايحس انه يجرحك من كثر ماهو صريح.
الشمالي يحب انك تساعدينه بس لا تزوديها وتوصلي لخصوصياته . والذكية بتلاحظ انها اذا وصلت المساعدة لخصوصياته بتلاقيه يصرفها او يقولها شكرا خ.
الشمالي فيه نوع من الفضول يعني ملقوف شوي ويحب يكون صداقات.
تقول ناعمه الهاشمي انه اسهل الانماط بس افهميه. << هذي المشكلة !!
الجنوبية اللي متزوجة شمالي اذا بغت تصلح فطور زوجها لازم تقوم قبله بس الشمالية
تقوم معه وبتلحق تسويه في الوقت اللي هو يلبس لانها سريعة عكس الجنوبية .
الشمالي اذا تعبت زوجته وطلع فهو قصده انها ترتاح يعني مو قصده تطنيش فهمتوا؟
ولو مادق يتطمن فقصده انه يخاف تكون نايمه ويصيحها باتصاله يعني مو قصده بعد تنطيش. ياقلبو ذاالشمالي والله اننا فاهمينه غلط خ.
اي زوج وقت قدومه للمنزل لازم اترك الي في يدي واستقبله.
الشمالي يكره التحقيق وين بتروح؟ بتتاخر؟ من كنت تكلم؟ اهلك من عندهم اليوم.....
الشمالي يعشق المدح جدا دايم امدحيه وبيطير فيك. اذا جاب لك شي امدحي ذوقه . واللي عندها افاده في المدح تعطينا
استشارة الشمالي شي يبسطه مرة خصوصا في الاشياء المهمه.
احلى شي عند الشماليين ( ترى الدنيا سهله)
الشمالي اذا حس ان الطرف الثاني بدا يبتعد عنه او ينشغل عنه يعود باسلوب سياسي لاشعال هذا الحب في الطرف الاخر.
الشمالي وماادراك مالشمالي يكون كالطفل عند اهماله ويبدا بالتودد واستنزاف حنان الطرف الاخر.
الشمالي يكره خروج اي شي من بيته ولا يحب ان تتحدثي عن حياتك مع صديقاتك لانه يعتبرها خصوصيات ولو علم لاصبحت مشكلة.
الشمالي يحب المراه الواثقة من نفسها.
يهتم بالمواعيد واذا ماتقدرين تلتزمين بوقت لاتحددين لو وقت معين.
اذا صارت هوشة وطلع من البيت بيرجع مروق ولا كان شي صار فانتبهي تفتحين الموضوع ثانية.
اسأل الله ان ينفع بهذا الموضوع واللي عندها معلومات زياده تفيدنا
دعواتكم لي بالذريه الطيبه وتسخير زوجي لي وجعلني قرة عينه الوحيده وجعله قرة عيني بحول من الله وقوه..