زوجك على ماعودتيه

إنتي لاازم ما تعوديينه إنك مو شخصيه ضعيفه ومااشيه على كلامه داايم ,, لازم يكون لك كلمه!!
وبرضه ما تكوون دايماً كلمتك اللي مااشيه ,, بس لما تكوني واثقه من كلامك أوشيء !! تكونين وائقه منه!! ولا تغيرين رايك بسرعه !!
هذي رأيي أنآ ..
والله يوفقك !!

انا بالنسبه لي مهم انك تعوديه على انه يحترم اهلك و يعتبرهم نفس اهله يعني تكون علاقته فيهم قويه وحلوه و يحب انه يجلس معاهم دايما و يستمتع بالوقت وياهم و يحترمهم .. لأن هذا الشي بيريحيك كثير
و بعد عوديه على انه يهتم فيك بالمناسبات الخاصه فيك و انه يذكرك بأشياء حتى لو بسيطه
هذا اللي جا على بالي و موفقه حبيبتي

عودية على الصلاة في وقتها وصحيه لقيام الليل ولا تكسلي
واتفقوا ان كل واحد يدعو للثاني في صلاته
وعوديه على صيام الاثنين والخميس وايام البيض
وزيارة الرحم
والله يوفقك ويسعدك

المقوله هذي صح بعض الشيء...فيه أزواج فعلا يتعودون وفيه أزواج لو تقطعين عمرك مايتعودون..
ومن الأشياء اللي أنصحك تعودين زوجك عليه....وأنا عودت زوجي عليها:
عوديه أنه يساعدك بشغل البيت وأنك ماتستغنين عن خدماته..
عوديه أنه يتكشخ لك ويلبس بجامات بالبيت وأنتبهي تسمحين له يلبس سروال سنه وفنيله ومع الوقت ماراح يرتاح إلا بالبجامه...
عوديه على الأتكيت وإنه ياكل بملعقه مايصير عربجي بأكله لأن بكرا بيجيك عيال إن شاء الله وبيقتدون ببوهم..
عوديه إنه يشيل الأغراض عنك وإذا شفتي حرمه شايله أغراض ورجله معه قولي أستغرب من الرجال اللي يخلون حريمهم يشيلون مايكفي إنه عليه عبايه ويالله تشوف..
عوديه على القطيعه شوي يعني خليه يحتريك شوي وهذا يختلف من رجل لاخر ..الرجل المظبوط بمواعيده ماراح يقبل منك هذا أما الرجال القطيعه ومايعرف المواعيد مثل رجلي راح يتعود ولايقول ولا كلمه..
هذي الأشياء اللي أتذكرهن..أتمنى أني أفدتك حبيبتي..

ياعمري ياخواتي جزاكن الله خير
يارب تسخر لهن ازواجهن
وترزقهن كل خير
فعلا الرجال يختلفون
حتى مااعرف طبعه ولا شي عنه يارب تعين

انا مثلك

شوفي المقوله ذي ميه ميه يعني صح على ماتعودينه بالبدايه راح يمشي عليه باذن الله طول عمره بس انا اختلف عنك فمااقدر اقول لك على ايش تعودينه الشي المهم عندي تافه عندك فانتي شوفي وش تبين من اساسيات بحياتك وعوديه عليها بس اهم شي تعودينه ان طلبك غير قابل للتفاوض والف مبروك ياعروسه وادخلي على زوجك بنيه صافيه طيبه بتلقين ربي يسرلك امورك اهم شي اهم شي تحثينه من البدايه على صلاة الجماعه

اهم شئ عوديه على احترامك وتقديرك وانه مايرفض لك طلب اذا ظروفة تساعده
وعوديه على صلة الرحم بالنسبة لاقربائك واقربائه
والله يوفقك ويكتب لك الخير
طبعا الصلاة امر مفروغ منه لانك ما اخذتيه الاانك متاكدة مليون بالمية انه يصلي

مشكورات خواتي
الله يعين ويسخر لنا اللي نحب
ويعيننا على طاعته