زوجي النصاب المخادع

1. المهم هو راح وانا زعلانه عليه


2. المهم بعد مارجع وعدني يسفرني بالصيف انا رضيت عليه

السلام عليكم
بنات تخيلو زوجي في الاجازه اللي راحت اللي مدتها اسبوع
قال انه بيسافر للشرقيه بيحضر زواج واحد من ربعه في القصيم وبيروح للشرقيه وياربعه يغير جو
انا زعلت قلت طيب انا ودي اسافر بعد واغير جو من هالاختبارات قال مامعي فلوس وكذا

المهم هو راح وانا زعلانه عليه

المهم بعد مارجع وعدني يسفرني بالصيف انا رضيت عليه

لكن الطامه الكبرى اكتشفت انه مسافر لمصر ( هو عسكري ولقيت ورقة الاجازة الخارجيه من تاريخ 15 -4 لمدة شهر وهو ماله اجازه الا شهر في السنه واخذها وراح لمصر يعني يكذب علي ماراح يسفرني بالصيف بس يبيني ارضى )
وحصلت سجل محادثاته عالماسنجر مع واحد من ربعه هناك بمصر وكلامهم كله عن بنات ومراقص وخمر وشراب وقلة ادب ووش سو هناك وسهرات وغيره
انا بغيت انجن واجهته اول شي بورقة الاجازه الخارجيه على طول تصريفته جاهزه قال هذي اجازه خارجيه قايل لواحد من اخوايي يزورها عشان اسافر وياك
انا طرطعت قلت بعد تستغفلني مره ثانيه
مايمديك تنصب شفت سجل المحادثه وفلوس مصريه بشنطتك
سكت ولاتكلم ولا حرف
قلت له انا ماراح استمر مع واحد صايع تطلقني يعني تطلقني قال خلاص
ولما رحت ارسل لي انو استري علي ولا تعلمين احد من الاهل
اليوم الثاني رحت وعلمت امه بالسالفه كلها عشان ماينصب عليها وتصدقه
وقلت لها اني حافظه سجل محادثاته وعندي دليل على كل شي هو سواه عشان ماينصب عليكم
لان هو خطير في النصب واللف والدوران والمشكله تصريفاته جاهزه
امه انصدمت وقالت والله اوريه شغله
ولما قالت له امه وهاوشته
ارسل لي مسج ((( لو تموتين ماطلقتك )))
انا اصلا من بداية زوجي مو مرتاحه معه واضح انو فيه شي شاغله عني مره
وربعه واصحابه كلهم صايعين
وانا والله مو مقصره معاه والحمد لله حلوه وكثير يتمنوني
بس انا خايفه الحين وودي اروح احلل
وش رايكم بالي صار