زوجي خانني شوفوا وش سويت

1. على اللي تسويه والفجر لمن راح يصلي مسكت الابتوب ابغى اشوف وش دخل عليه


2. لقيته كالعادة على مقاطع رقص وصور فنانات قفلت الابتوب وصليت ونمت


3. ولا راح ربي يستجيب دعائك ويرزقك لانك تشوف هالمحرمات


4. ويمكن ربي يبتليك بعيالك بعدين ومن هالكلام

السلام عليكم ورحمه الله وبركاته
بدخل في السالفة على طول
انا بنوته تزوجت من ثلاث شهور يعني
لسى عروسة فديتني
الشهر الاول كله قضيته مع عريسي
وبعد شهر رجع لدوامه وانا مع اني ساكنه بنفس مدينة اهلي
الا اني ساكنه بعيد عنهم فكنت اجلس لحالي كثير
كنت انظف واغسل واسوي كل شئ وبرضوا احس بطفش
وبصراحه اشتقت للنت والمسن واقترحت عليه يجيب النت
وصار اللي ابيه ودخل النت بيتي وصرت اجلس عليه كل ماطفشت وخلصت شغلي
اما الاوقات اللي زوجي فيها فهو اولى اني اقعد معاه فيها واشوف طلباته
المهم انا اعرف للابتوب واعرف اطلع المواقع اللي دخلها زوجي من الابتوب كلها من المحفوظات
وعودته من البداية اني اذا جلست عليه مايقاطعني لا ني اكلم بنات في المسن ولا احب انه يشوف سواليفنا خصوصا ان اغلب البنات اقاربي واخواتي فكنا نسولف في امور عائلية خاصه
وانا بعد كنت اعطيه حريته واذا طلع اروح وراه واشوف هو دخل على وشو....
تخيلوا شهرين وعليها وهو مايدخل الا على مقاطع رقص
بس يدخل يشوف هالمقاطع ويطلع ابد ماله اي اهتمامات ثانيه حتى انه صار خبرة في جميع انواع الرقص
المغربي على المصري على الدقني ,,,
تدرون انه من اول اسبوع قلي انا احب الرقص ارقصيلي بس انا استحي موت واصلا ماعرف مرة
يعني انا اللي وصلته لهالحال انا زوجته حلاله ملكه المفروض اسويله اللي يبيه
وغير هذا عرفت ان عنده ايميل قديم وفيه اصحابه وكم بنت عرفت كل هذا وسكت تخيلوا
شهرين وانا كاتمه في قلبي وساكته واشوفه يجلس عليه وانا اتقطع ودي اقوم اكسر الابتوب
وعديت السالفة لحد امس من الساعه وحده ونص لحد الساعه ثلاث وربع وانا اشتغل في البيت
وبعدها بديت اسوي السحور طبعا جاء من برة زوجي وسلم علي واخذ الابتوب وفتحه وجلس عليه ولا فكر حتى انه يساعدني وانا رايحه جايه من قدامه وشايفني تعبانه ولا فكر حتى يقولي الله يعطيك العافية

على اللي تسويه والفجر لمن راح يصلي مسكت الابتوب ابغى اشوف وش دخل عليه

لقيته كالعادة على مقاطع رقص وصور فنانات قفلت الابتوب وصليت ونمت

صحيت بعدها وانا وحده ثانيه ابد مو معطيته وجه ولا امزح معاه والا ابوسه يعني بالعربي رسمية معاه لا بعد حد وجلست على هالحال يوم كامل وهو بيتجنن يقولي وش فيك وش مزعلك وش مضايقك وانا اقوله ابد مافي شئ انا طبيعية مو مزعلني شئ
ولا اجلس معاه حتى يافي المطبخ اسوي السحور او ارتب في غرفة النوم وبعدها لبست هذاك القميص واتمكيج واكشخ واحط ذاك العطر اللي يدوخ واطلعله رايحه جايه من قدامه ولا حتى خليته يلمسني
والعذر اني تعبانه حيل من شغل البيت وانت ماساعدتني مرة مااقدر اسوي شئ لاني هلكانه
وربي انه يابنات صار بس فاتح فمه ويناظر فيني بجد عذبته ههه يستاهل
وتسحرنا وراح يصلي وانا مسكت سجادتي وصليت ودعيت ان ربي يثبتني
ويقويني لاني نويت اني اواجهه وهذا هو اللي صح انتي على حق ليه تخافين تواجهينه هو غلطان
ولازم تبينين له غلطته مايصير تكتمين بقلبك وربي ماراح يتعذب الا انتي ولا هو مرتاح لا ويسوي غلطته ومستمر فيها
جاء وانا في الصاله وسيدة فتح الابتوب انا وقفت وقلت له اقول اذا بتدخل على شي كذا ولا كذا تاكد بعدين انك سكيته عشان لا اجي وراك واشوف شئ يعور القلب
رميت عليه هالكلام ومشيت ولا انتظرت اي رد منه.
بعد خمس دقايق قفل الابتوب وناداني رحتله قلي اجلسي بعد ماجلست قلي بهدوء انتي وش تقصدين
هنا انا طلعت كل اللي بقلبي وبزعل لاني على حق وقتله كلمه وربي يابنات انها زلزلته
حتى انه قام من مكانه وجلس عندي يضمني ويبوسني قتله (وربي موجالسه عندك لحد اللحين عشانك لا والله الا عشان امي وابوي الضعيفين)وجلس يقولي انا ماعيش بدونك من هالكلام ويتاسف
وماعاد اعيدها وخليته يوعدني ان الابتوب ماعاد يلمسه لا من قدامي ولا من وراي وقتلت قدامه اشهد ياربي اني ماني مسامحه فلان ليوم القيامه لو رجع لها الاشياء مرة ثانية
وبعدها جلست اذكره بربي وانه كذا ماراح يوفقنا وان الشيطان راح يدخل بيننا وماراح نكون سعيدين

ولا راح ربي يستجيب دعائك ويرزقك لانك تشوف هالمحرمات

ويمكن ربي يبتليك بعيالك بعدين ومن هالكلام

ابدا لا تسكتي على خيانه زوجك انتي بكذا تخسريه فهميه باسلوبك وعيه وارشديه وربي انهم زي الاطفال يبالهم مراقبه وتوجيه ومحاسبه على غلطاتهم عشان مايعيدوها وقوليله انه بفعلته هذي جرحك وكسر قلبك وكان سبب لنزول دموعك انا بصراحه واجهته بزعل وقوة وبعدين بديت بعتاب ودلع ودموع
هذي قصتي واتمنى الكل يستفيد منها الله يبعد عننا اولاد وبنات الحرام يارب