زوجي زوجي زوجي وبعدين انا وين مكاني

انا مقهوره وواصله حدي
كل شي لزوجك لزوجك
وانا ليش مالي شي
المصيبه حتى النظافه لزوجك
علاج الافرازات والخراب عشان زوجك
تقويم الاسنان عشان زوجك
طيب سؤال لو مافيه زوج
وش راح يكون حالي
لازم الوحده تحب نفسها عشان تعطي اكثر
افرضي بكره تزوج عليك او طلقك
راح تقولين ياحسافه الفلوس والوقت اللي صرفته عشانه
انا عني راح اقول الحمد لله ماسويت شي له عشان ما انقهر
انا ادلع نفسي ثم نفسي ثم زوجي
ليش الوحده ترخص نفسها ليش كل شي له وهوه مايتعب حتى يحط عطر وقت الفراش
انا ما اتكلم عن زوجي ولا عن نفسي اتكلم عن الكل
وحده تقول حالف يطلقني لوما نحفت
ياشيخه عنه مايرضى
انا احمل واتوحم ويخرب جسمي ويزيد وزني ويطيح شعري واهتم بطفلي ويزودني حضرته هم
يجيب امه وخالته واخوانه في بيتي او يسكني معهم واخدمهم ويقول ما أرضى لين يرضون ويصرف فلوسه في كل مكان ويحرمني وامي تشوف وتعطيني وتعطيني وتعطيني وحضرته مستكثر ازورها او اخذ لها شي في يدي
لعلمكم ما اهل الزوج حق على زوجه ولدهم
اللي مكذبه تسأل شيخ
مين اللي وصلنا لها الحال
لاتجي وحده تقولي تخربين الحريم وحق الزوج عظيم
نعم حقه عظيم لما يكون هوه عظيم
التعدي ع الحقوق مايجوز وربي قال في كتابه (واخذن منكم ميثاقا غليظا)
الخلاصه سوي الواجب ولا تضحين الا لما تشوفين اخلاص وتضحيه ولا تهون عليك نفسك
ان لبدنك عليك حقا ولو عايرك بشي قولي خلقه ربي كما ان فيك اشياء ماتعجبني واسكت اكيد فيني اشياء
الرد اللي مايصلح من الحين راح اخلي المشرفه تحذفه