زوجي كان عندها ضعف وحملت حمل طبيعي

1. وكان مصر حيل ومحد يقدر يناقشه بهالخصوص ..المهم


2. من بعد مااخذ العلاج ماكمل 20 يوم الا وانا حامل ولله الحمد

السلام عليكم ورحمة الله وبركاته ..
اخواتي .. هذا اول موضوع لي في المنتدى ..
وانا احمد الله كثيرا ..واشكر القائمين على هذا المنتدى الذي أفادني ونفعني كثيرا في اشياء كثيره
وكنت اتابعه باستمرار قبل تسجيلي .. عشان مااطول عليكم
انا تزوجت قبل سنه ةنصف بالضبط ..
بعد مرور أول ثلاثة اشهر من زواجي ولم يحدث حمل انشغلت حيل وكنت خايفه ومتوتره
وكنت أقول لزوجي عشان نكشف وكان يقول لي اذا عدت سنه كامله وماصار حمل نروح للمستشفى ..

وكان مصر حيل ومحد يقدر يناقشه بهالخصوص ..المهم

بعد مرور سنه كامله كشفت عند الدكتوره وتبين اني سليمه والحمدلله وبعد ان كشف زوجي تبين ان لديه ضعف كبير في عدد واشكال الحيوانات المنويه .. كان التحليل 2 مليون وكان تقريبا 30% منها سليم فقط .. فأصابه احباط كبير .. وطلب منه الدكتور ان يزوره مره اخرى ليتم فحص الهرمونات
طبعا زوجي كان محبط وماكان ناوي يمر الدكتور .. سوى حجامه واستخدم خلطة العسل وحبة البركه وحبوب اللقاح ( من هذا المنتدى )- الله يجزاها خير الاخت برونا - لمدة عشرين يوم تقريبا ..
ثم عاد للدكتور وعمل فحص للهرمونات وتبين انها طبيعيه فصرف له الدكتور علاجين .. الأول اسمه ( بروفيرون ) والاخر ( نولفاديكس ) وطلب منه ان يستخدمها لمدة 60 يوم حبتين في اليوم ..
المهم واصل على العلاج مع استمراره على خلطة العسل وحبة البركه وحبوب اللقاح كل ماخلصت عباها واستمر .. بمعدل ثلاث ملاعق كبيره كل يوم ..
وانا كنت مداومه على قراءة القران والدعاء في الليل وكنا قد ذهبنا لاداء العمره وكنت ادعو من كل قلبي ان يشفي الله زوجي وان يرزقنا الذريه الصالحه .. وكان زوجي كذلك في كل صلاة يدعو الله ان يشفيه ويرزقه الذريه الصالحه ..ويقول زوجي انه كان على يقين تام ان الله سبحانه وتعالى يسمعه ويستجيب دعاءه ..كان متيقن وكان يقول انه مافي شي اكبر من رحمة ربي .. رحمة ربي وسعت كل شيء وانا متأكد ان الله سبحانه وتعالى راح يرزقني لأنه وحده يعلم مافي الصدور ..وانا عبده محتاج فلن يردني ربي ..
خلص العلاج بعد شهرين .. وجاء رمضان .. وكان المفروض زوجي يروح للدكتور علشان يحلل مره ثانيه يتأكد من فعالية العلاج .. لكن زوجي قال انه مايبي يروح للدكتور .. ومايبي ينصدم مره ثانيه بنتيجة التحليل ,.. يقول يكفي تحليل واحد .. والحمدلله على كل حال ..
وكان كل يوم بصلاة التراويح وكل صلاة في رمضان يدعو الله من كل قلبه انه يرزقه الذريه الصالحه .. وكان يقرا القران ..
المهم في اخر اسبوع من رمضان تناقشنا انا وزوجي وبعد نقاش وجدال كبير اتفقنا انه بعد العيد اذا ماصار حمل راح نسوي عملية تلقيح صناعي ..
المهم اخر يومين من رمضان سافرت لبيت اهلي .. ورجعت بعد العيد لكن تأخرت علي الدوره .. ولما سويت تحليل منزلي لقيت اني حامل والحمدلله وحده لاشريك له وحمدت ربي كثيرا
واتصلت فورا على زوجي وقلت له تعال بسرعه ابغاك .. وجا طاير .. المهم يوم دخل البيت
جاني يركض وش السالفه وش صاير .. بصراحه من الفرحه عجزت اتكلم قمت ابكي واصيح
وهو يقول وش السالفه وأقوم ااشر له على التحليل وشافه ووعرف وحمد الله وصلى لله شكر ..
اللي حبيت اقوله لكم انكم تخلون الامل بالله كبير مهما كانت الحاله ..
يعلم الله انه اللي يشوف حالة زوجي اول ماعرف نتيجة تحليل السائل المنوي ويشوف حالته بعدين مايصدق .. مع انه كان كله بوقت سريع

من بعد مااخذ العلاج ماكمل 20 يوم الا وانا حامل ولله الحمد

واهم شي اليقين .. مع الدعاء .. كل وحده خلي يكون عندك يقين ان الله سبحانه وتعالى راح يستجيب لدعائك .. خليك واثقه من ان الله سبحانه وتعالى قادر ورحيم وراح يستجيب لدعاءك .. اهم شي هذا ..
صح كنا نقرا قران .. لكن ماختمناه .. وسورة البقره قريتها انا مره وحده بس .. وزوجي يمكن مره وحده في رمضان .. وحتى القران السنه الوحيده اللي ماختمناه في رمضان هي هذي السنه اللي حملت فيها ... كان الدعاء اكثر سلاح تسلحت فيه ضد الاحباط .. وكان اليقين اكثر شي فادنا والحمدلله
وكل هذا من رحمة ربي ..
وانا الان بالشهر الرابع .. والحمدلله ..
كتبت هذا الموضوع لأفيد به اخواتي من تجربتي الخاصه في تأخر الحمل ..
النقاط الرئيسيه اللي ابغى اخواتي يركزن عليها :
1- الدعاء واليقين برحمة الله تعالى وقدرته
2- قيام الليل وقراءة القران
3- اللي زوجها يدخن او يشيش تحاول تقنعه انه يخفف منه او يقطعه .. لأن زوجي يشيش ووقت العلاج ترك الشيشه ..
4-الاهتمام بالعسل وحبة البركه وحبوب اللقاح .. خلطه جدا رائعه
حتى ان زوجي ارتاح جدا لما كان يستخدمها .. وكان قبل مايستخدمها كل شهر تجيه انفلونزا وزكام وحساسيه .. بعد الاستخدام الحمدلله صحته عال العال
منقول للفائدة