زوجي لدية عزومة وأنا ما أعرف أطبخ

ان شاء الله يفيدونك البنات بس انا انصحك تشترين كتاب الطبخ النخبة لامل الجهيمي .مرة روعة

ياقلبى المنتدى مليان طبخات حلوة
انا اذا جتنى عزيمة افتح على قسم الطبخ
كانك تبغين حلى قهوة في حلى الفناجيل والنحله والقراطيس سوى عنها بحث انا سويتها

حبيبتي الله يخلي النت فيه كل الطبخات وبعدين لا زم تكون عزيمة واصرار انك تتعلمين انا بس انصحكي عشان يصير عندك طرقك الخاصه

أنصحك كتاب نخبه الاطباق
لأمل الجهيمي والله روعه وتفصيل كامل وان شاء الله ترفعين راس زوجك
تقبلي مروري

عزيزتي المنتدى مليان من اطباق الفراشات الروعه والمجربه والمضمونه اختاري اي طبق وسويه
واسهل الاطباق الرئيسية واللي مضمون نجاحها هي صينية الدجاج بالخضروات مع صينية ثانيه فيها رولات الباذنجان بالكفته (لا تطوفك كلمة روعه قليله عليها) وتسوين معاها صنفين سلطة (مثل فتوش والسلطة اليونانية او الكول سلو + طبق مقبلات مثل رولات جبن او خضار مقلية مع كلوب ساندويشوبطاطا مقليه والحلى ما يحتاج وما في اسهل منه وهو طبقة كيك وفوقها خلطة كريمه شوكولاته او فواكه سهله) وبالطريقه هذي صارت عندك سفره كامله
حبوبه الاطباق اللي ذكرتها لك ما في اسهل وابسط منها وموجوده في المنتدى واذا كنتي تبين تفاصيلها انا مستعده

يا جماعة الخير
أولا شكرا لمروركم
ثانيا عارفه ان المنتدى مليان والنت أكثر من وصفات الطبخات
بس هو كل طبخة تستوي ؟!
بحثت وايد في موقع نستله وغيره وفي المنتدى بس اللي لقيته أطباق لناس متمرسة في الطبخ
وأنا أبغي شي ممكن أضبطه من أول مرة وحلو في نفس الوقت ...
رورو المزيونة .... شكرا على نصيحتك .. بحاول ادور الكتاب
سما السعودية ... شوقتوني للكتاب .. وشكرا على دعوتج
رهام .. أكيد التفاصيل بتخدمني إذا ما عليج كلافة .. والله يوفقج

مافي زي ((( نخبة الاطباق ))) واطبخي وانتي مغمضه عينك .

حبيبتي دكرتيني بؤول عزومه عند زوجي وسويتله طريقة مره سهلة وسربعه وخصه مبعرف بطبخ بس فننة
لحين حبيبتي خدي دججه حرف لالف ميكتب عندي بس فهمتيني وخليه كمله ونظفيه من دخل وشكله كمله
سلقيه وحطي عود قرفه ورق غر وشويه كركم وليمون سود وملح ولميستوي كبي رزك ود ستوت لحبة صفيه من
لمويه وحطيه بقدر ثني وسوي فحمه وحطي فنجن فيه زيت ورمي فحمتك وسكري لغطى ودججة بهريه وحطيه
بتحمر بلفرن بسلانة مستوي لم سلقتيه وطرف دججة حطي قصدير زي لمطعم وغلي مكسرت وحطي فوقه طريقه
سهله للمبتدئه ورزك تمم

أختي لودي الجميلة ... مشكورة عالفكرة الحلوة
بس تعرفي ايه المشكلة ؟؟
عندنا بالبحرين الرز بالليل نادرا ياكلووه ... يعني الرز يعتبروه طبق الغدا وبس
وعزومتنا عشا
بس أكيد راح أجرب طريقتك لزوجي مرة
أكرر شكري