زوجي وإلا جوالي

1. قالت خلاص فداك مابي فلوسه بس أنا رفضت ..


2. (طبعا الكلام هذا كله قلته لزوجي وأنا صادقة)

مرحبا ياعسولات
بغيت رأيكم في شغلة مهمة بالنسبة لي
زوجي يمر بظروف عائلية سيئة جداً مأثرة في نفسيته كثير وهذا الشئ أثر على علاقتنا طبعاً
قبل فترة حبيت نغير جو سوى واحسن نفسيته شوي قمت حجزت لنا في فندق كان وقتها مسوين عروض خطيرة ودفعت بالفيزا وانا مليون في المية متأكدة إنه راح ينبسط بالفكرة..
لما جا الوقت اللي يبنروح فيه قلت له عالمفاجأة قام رفض وقال: كنسلي انا نفسيتي تعبانة وماتساعد إننا نروح نتمشى , طبعاً زعلت وبكيت يعني انكسر خاطري بمعنى أصح..
ومن البديهي إن فلوس الحجز راحت علي وانسحبت من الفيزا..
المهم لنا فترة أنا وأختي نبي نشتري جوالات جديدة ونبي نشتري نفس الجوال (نطقِّم) <<<< ياقدمها ذي الكلمة خ
وجاء الوقت اللي نزل فيه الجوال اللي نبيه وراحت أختي من وراي واشترت لي ولها على أساس تسوي لي مفاجأة (طبعاً راح أعطيها قيمة الجوال يعني مو هدية) و أنا فرحت وطرت من الفرحة بعد بس فيه مشكلة تدرون وش هي؟؟
إن الفلوس اللي جمعتها عشان أشتري فيها جوال راحت علي لما حجزت في الفندق ومارحنا تهئ تهئ :(
قمت قلت لأختي مشكورة ماقصرتي بس ترى ماعندي المبلغ كاش الحين راح أعطيك إياه على دفعات (2000ريال )

قالت خلاص فداك مابي فلوسه بس أنا رفضت ..

(طبعا الكلام هذا كله قلته لزوجي وأنا صادقة)

المهم الكلام هذا كله صار وأنا في بيت أهلي وزوجي مسافر كلمته وحكيته السالفة وأنا طايرة من الفرحة قام قال: ليش تحطيني في هذا الموقف ؟؟ وتخليني قدام الناس إني مقصر عليك . الجوال هذا ماأبي أشوفه تصرفي فيه واحسن إنك تبيعينه وترجعين للبنت فلوسه الحين أنا قلت طيب ولا يهمك (كانت نفسيته أزفت من الزفت بسبب الظروف اللي يمر فيها مع أهله عشان كذا قلت طيب) وأنا كلي امل إنه يغير رايه والأمل الثاي إنه يشتري لي هو الجوال اللي أبيه..
الحين يابنات زوجي راجع بعد بكرة وش أسوي في ذي الحالة أرجع على جوالي القديم واشيل هذا وأأحاول أقنعه ؟؟
وإلا أجيبه معاي البيت و أقول له إني تصرفت وأعطيت البنت فلوسها من ثاني يوم (على اساس إني بعت من ذهبي وأعطيتها فلوسها)
وإلا وش السواة ؟؟ تهئ تهئ
ملاحظة بسيطة: نوع الجوال بلاك بيري وأخاف بنسبة بسيطة إن زوجي ممكن يكون رافض نوع الجوال بس وسوالي هذي السالفة كلها عشان مايبيني آخذ بي بي (مجرد احتمال بسيط) لو كان صدق وش أسوي ؟؟
يعني سؤالي هو التالي:
وش أسوي في الحالتين؟؟