زوجي والخيال تكفون لاتخلوني

السلام عليكم
انا عندي مشكله وهي ان زوجي عنده خيال جنسي!!
اما وشلون عرفت ...هو قال لي مره ان فيه صديق له يرسل له رسائل فيها صور اباحيه وانه حذفها ويقول انه مايبي صديقه يرسل له رسايل مثل هذي!!
المهم قال ان الرسول عليه الصلاة والسلام قال بما معناه انه اذا شاف الرجل مايعجبه يعني يروح لأهله !
المهم انا ماقلت له شيئ وحاولت باللبس وهالتزيين اغطي علي اللي شافها يعني احاول املى نظره مع العلم اننا تونا مالنا الا سنه تقريبا متزوجين
مع العلم اني مااقصر والله اسوي له ليالي وخرابيط لكن مااعرف وش سالفة هالخيال لين قريت عنه بالنت!
المهم رحت أزور اهلي ولما رجعت لبيتي وانا اتصفح النت لقيته داخل مواضيع عن علاج الخيال الجنسي!!
معناه للحين عنده هالخيال (الخيال هو ان يأتي الزوج زوجته وبباله غيرها )
والله هو انسان ملتزم يعني ويخاف الله لكن ماادري وش هالسالفه اللي جت
انا احاول اعالج هالموضوع لكن مو عارفه كيف ارجوكم قولوا لي وش اسوي!! من يوم شفت الموقع اللي دخله وضايق صدري احس بإهانه لكن انا بحاول قد مااقدر احل الموضوع