زوجي والرجيم تعبني معاه

باختصار زوجي لمن خطبني اتفقنا انه ينزل وزنه وفعلا كان متحمس ونزل وزنه كثير وبعد الزواج رجع وخرب الرجيم ولمن تأخر حملي وعملنا الكشوفات وتأكدنا ان السبب من زوجي قرر يعمل رجيم وسبحان الله بعد مانزل وزنه حملت مع منشطات عادية ومن يوم حملت ترك الرجيم والعلاج وكانت غلطته لانه بعد ماجبت ولدي جلست تقريبا 4 سنوات تأخير بالحمل مع انه ماكان في سبب معروف وبعد ماطفشنا من العلاجات وطلع ان الضعف للمرة الثانية من زوجي قرر يعمل رجيم وكانت عزيمته اقوى حتى اشترك بنادي صحي واستمر ونزل وزنه كثير حتى الناس استغربو وارداة ربنا حملت للمرة الثانية ولمن عرفنا السبب انه السمنة اتفقنا انه خلاص يستمر عشان صحته وعشان موضوع الانجاب لانه عمره مو صغير ولا انا كمان بس عند الأكل خلاص مايقدر يقاوم ويطفش على طول في رمضان ترك الرياضة والنادي وترك الرجيم وزاد شوي قلت خليه عشان برمضان وقال عشان دوامه صعب مع وقت الدوام وبدأ في التكاسل سار يروح النادي بالقوة لمن اجلس اقله روح وانصح فيه والرجيم مو راضي يخفف في الأكل وعزيمته جداا ضعيفة ومشكلته هو واهله عندهم قابلية سريعه جداا للسمنة وكل العائلة تعاني من هذا الموضوع وعندهم الضعف وتأخير الانجاب بسبب السمنة المفرطة وقبل كم يوم قلت له ليش مارحت النادي قال خلاص انتهى الشهر ومابغى اروح الشهر الجاي خلاص بطلت اتقهرت منه وقلت له على كده حتى بأكلك رح اقيدك طالما انك ماتبغى تروح تسوي رياضة وماعجبه كلامي قال جسمي وانا حر فيه وانا خلاص ايش اسوي معاه المشكلة ماقدر اسوي اكل خفيف عشان نفسي جسمي الحمدلله كويس مو محتاج انزله ومحافظة عليه بس هو زي الطفل كل تفكيره بالأكل بكرة ايش راح تسوي على الغداء وكل يوم له طلبات على الأكل يعني شهيته قوية ماشاء الله ايش اسوي معاه لاتقولو شجعيه شجعته لمن قلت بس حتى اقله الامراض واحلكيله على ناس جاتهم بسبب السمنة والمشكلة هو عارف ان السمنه هي سبب تأخير الحمل بس يعاند نفسه ويعاندني