زوجي وزوجة صديقه وش رايكم

1. هاي بنات


2. قالي وش تقصدين؟

هاي بنات

راح ابدأ في موضوعي او بالأصح مشكلتي اللي واجهتها مع زوجي وراح اقولكم كيف حليتها وارجو منكم انكم تخبروني انا حليتها صح او لا
المهم انا متزوجه من 6 شهور والحمدلله زوجي يحبني وانا اموت عليه بس عنده صديق متزوج مايستحي اسراره مع زوجته يخبرها لزوجي حتى ادق التفاصيل ويخبر زوجي كيف انه يحب زوجته ويعشقها بجنون الما ثبتت في راس زوجي انه زوجة صديقه ملكة جما لومع الوقت صرت الاحظ سواليف زوجي دائما عن هالصديق وزوجته (مع العلم انه زوجة صديقه عليها حركات مو حلوه يعني اذا دق زوجي على زوجهابالجوال مايرد عليه الا هي وتميع صوتها بقوه) حتى مره لما زارتني كانت لابسه عباية فاضحه واول مافتح زوجي الباب دشت على طول قبل زوجها! بالعربي قليلة ادب
المهم زوجي وصل حد بالسواليف لدرجة انه قام يسألني عن شكلها حلوه والا شينه؟ بيضاء والا سمراء؟
انا انصدمت لما سألني هالاسئله بس حكمت عقلي , وقلت اسوي نفسي عادي عندي واضحك معاه واجاوب على اسئلته بكل هدوء وروقان علشان احل مشكلتي
سألني هيفاء فلانه بصرااحه حلوه؟
جاوبته بصراحه يالدب عاديه جدا ههه ليه تسأل؟
قالي طيب سمرا والا بيضاء ؟
جاوبته والله سمراء(وفي هاذي انا صادقه)
وكم تقدرين عمرها؟
!!!!!!!!!!
جاوبته بصراحه تقريبا احسها بتطب الثلاثين وسألته سؤال وقلت له -الا قلي هي أكبر من صديقك؟
قالي ما أعتقد!
قلت له الا انا احس انها اكبر من صديقك بكثير , واول ما شفتها استغربت على بالي راح تكون وحده صغيره طلعت كبيره
قالي لو انها كبيره كان قالي صديقي!
قمت قلت له صح يمكن بس تصدق ملامحها كانها وحده كبيره وبصراحه فيها غرور مو طبيعي (شين وقوة عين)

قالي وش تقصدين؟

قلت: بصراحه فيها غرور ومع ذلك مافيه اي مبرر لغرورها لا جمال ولا اخلاق فهمتني اللحين؟ طبعا كل هالسواليف وانا اضحك وعادي عندي كأني احكي بأي سالفه عاديه والا بصراحه كان قلبي يحترق من هالاسئله اللي مالها اي مبرر
قالي: تصدقين يا هيفاء راح اصارحك وما تزعلين, انا كنت محسبها حلوه من كلام صديقي عنها بس من كلامك فهمت انه ما عنده سالفه شكله يبغى يفتخر عالفاضي
وبعدها يابنات ماجاب موضوع هالحرمه مره ثانيه ونساها مره وانا قطعت علاقتي بها من تحت لتحت وزوجي مايدري يعني مثلا تدق علي وما اعطيها وجه ترسل ولا ارد ( على قولة الماما الباب اللي يجيك منه ريح سده واستريح)
انا بصراحه لما فكرت عذرت زوجي ( هو رجال واي رجال راح ينفتن اذا جا احد ولعب بعقله وتكلم عن وحده انه حلوه او انها كذا وكذا) علشان كذا قلت اتصرف بحكمه واجاوب على اسألته بدل ما أقعد اصرخ في وجهه او اتمشكل معاه وبعد كذا تقعد هالاسئله اللي في باله في باله من دون جواب
( صحيح انا كذبت عالمخلوقه وحطيت فيها عيوب مو فيها بس من حقي اني احافظ على زوجي ومملكتي من اي احد يحاول انه يمسها بسوء)
وش رايكم بطريقة حلي للموضوع
تقبلو تحياتي : ذا كوين