زوجي يدق علي الحين وش اقوله ساعدوني

السلام عليكم ورحمة الله وبركاته
داخله على الله ثم عليكم
متاكده باذن الله بتنفعوني بعد ارادة رب العالمين الجواب عندكم
اناا من الاربعاء اللي فات يعني قبل 3 ايام كنت عند اهلي نايمه لان زوجي يقول عنده عمال وماعمال
قالي نامي عند اهلك قلنا طيب
يوم صار امس كان متحمس انو جينا وكذا وقاال ابيك اليوم لازم قلت له طيب
يوم صار بالليل انشغل باوراق تخص دوامه ونام وخلاني
قلت كيفه اكيد انو نعس
يوم صحيت اليوم الظهرر لقيته جاي من الدوام وطالع كلمته قالي انا طلعت
ارسلت له رساله انو ليه امس نمت وخليتني والحين بعد طلعت
كلمني قال اليوم قررنا وسكر السماعه
يوم جا المغرب وهنا الاهم
دخل وبسرعه بسرعه بدل ثيابه وقال دقيقه وانا جاي
انا ساكنه عند اهل زوجي قلت اكيد راح عند امه وكذا
طق الباب علي اثاريه اخوه غرفته قبال غرفة الجلوس حقتنا يعني قريبه قال وين ابو فلان
قلت له تحت وانا مافتحت الباب
قال طيب ياليت تصلحين المودم حق الانترنت سكريه وافتحيه قلت له اعطيك اياه قال لا بس سكريه وافتحيه
المهم راح دخل غرفته انا ماعرفت فتحت الباب وطلعت المودم جنب بابي حتى انا رجلي ماطلعت براا
وسكرت الباب وبس
يوم صار شوي ويدق زوجي قلت له وينك قال انا برا قلت ليه ماقلت لي قال السالفه بسرعه صارت
قلت بنفسي انا عندي مذاكره ومالي خلق وجع راس جهزت شنطتي قلت بكرا بروح لبيت اهلي
رحت اخذت لي شور وبديت اذاكر
يوم جا زوجي قال ليه المودم برا قلت له السالفه كذا وكذا
قال ليه تفتحين لاخوي الباب
قلت له من ورا الباب حاكيته
قال طيب ليه الشنطه مجهزه قلت له بروح لاهلي
قال امشي اوديك انا هنا انهبلت وش فيه هذا علي اليوم سكت ودمعت عيني ورحت لاهلي
وقلت لامي بذاكر عندكم
يوم صار شوي ويدق زوجي
قالي ليه فاتحه لاخوي الباب
وليه انتي ماخذه شور وش عندك
انا هنا انهبلت اول مره يقولي كذا زوجي
زوجي مو من النوع الشكاك ابدا مدري وش جاه اليوم
قلت خير تقول كذا وش هالكلام يقول لقيت مناديل بالزباله قلت انا ممسحه المرايه فيهم
قال احلفي
احس مدري وش فيه انا ربي نزل علي برود مو طبيعي كانه قايلي قصه عاديه
يسالني واجاوبه
سكرت منه دق مره ثانيه قال انا اسف والا انا واثق فيك بس الدنيا تخوف قلت له طيب
بس مااتوقع انو عدت على خير بالنسبه لي
وسكر ودق مره ثانيه قالي احلفي ان المناديل من المرايه قلت له خير انت وش هالكلام
قال انا مدري وش فيني الدنيا تخوف وكذا قالي تعالي قلت له لا منب راجعه اليوم وش بيقولون اهلي
توني داخله عليهم
بعدين انا مو لعبه تقولي كذا واجي اركض عندك
وسكرنا
الحين يدق ماارد عليه
وش اسوي يابنات احس ابي احط حد له ليه يقول كذا مع انو مو من طبعه ومضغوط
بس ماابي يحط الحره فيني
انا غير والشغل غير
دلوي وش اسوي جزاكم الله خير