زوجي يطلبني

حمسي بصل مع ثوم لين يحمر
لو تحبين بطاطه قشري وخليها بدون تقطيع وحمسيها مع البصل...ضيفي الروبيان وخلي الماي ينشف
بهري الروبيان...مسالا فلفل احمر واسود وبابريكا وبزار بحريني ومكعب ماجي
خلطي الخليط وضيفي معجون طماط وورق غار
مرقي الروبيان بالماء المناسب لكمية الرز المنقوع
خليه يغلي ربع ساعه تقريبا
ضيفي الرز
والكزبرة
وخليه يغلي لين قريب ينشف الماء ووطي النار وغطي الجدر
م الريحه روعه

احمسي بصل مع ثوم لين يحمر ضيفي الروبيان وعقب لين نشف ماي الروبيان حطي كوب من الخضار المشكله المجمده وقطعي فلفل رومي وضيفيه
حطي البهارات ....مسالا..فلفل احمر بابريكا...وفلفل احمر مجروش,, وكركم وفلفل اسود وورق غار
وبزار بحريني
ومكعب ماجي
خليه شوي يتسبك على نار متوسطه
اسلقي رز نص سلق وضيفي على الروبيان ووطي على النار
وضيفي شوي زيت مع صبغه صفراء وغطي الجدر لين يطلع بخار من الرز
جهزت الطبخه الروعه
عذاب
وهني بعد

من يومين سويت برياني الروبيان صراحه لذيذ وغريب في طريقته المعتاده
خذيت طريقته من شيفه تشتغل في مطعم
ع المقادير:انقعي ملعقه صغيره زعفران في ربع كوب حليب ساخن
وخليه ع جنب
حطي في جدر 3ملاعق سمن او تحبين تبدلينه بالزيت ينفع
وحطي عليه الروبيان المنظف المقشر وخليه بس لين يتغير لونه
هني جاهز الربيان
طبعا رفعنا الربيان من السمن فور تغير لونه
وهني الماي حق الربيان في السمن خليه يتبخر كله وبس يبقى السمن
لما يتبخر ماي الربيان من الجدر حطي البصل
وزنجبيل مفروم وثوم مفروم وخليهم يتحمرون شوي
رجعي الروبيان مع البصل وخليه شوي ياخذ النكهه
ضيفي الحين البهارات للروبيان:بهارات برياني.هيل حبوب.عود قرفه.ماح.كزبرة.
ونص كوب زبادي
عقب ماتخلطين البهارات ضيفي 3ملاعق معجون طماطم وحبه طماطم مبشوره وعلبه بازلاء وورق غار
وخليه يتسبك على نار هاديه
جهزي رز الكميه المناسبه وغسليه ونقعيه ساعه
وبعدين صفيه وحطيه على الربيان المتسبك زين ...الرز حطيه بدون استواء رصيه على الربيان بملعقه
من على جنب وبدون اختلاط الحمسه مع الرز ضيفي كميه ماء مناسبه للرز وحطي في بالك كميه الحليب مع الزعفران
رشي شوي سمن على الوجه
سوي فجوات ووزعي الحليب بالزعفران
قصي قصديره في حجم الجدر وغطي سطح الرز
وطي النار وغطي الجدر وخليه لين ينضج الرز تقريبا 35 دقيقه اخذ معاي
بشوكه خلي الرز مع الربيان واغرفي وشمي احلى روايح شهيه
صدقوني لذيذ لذيذ لذيذ
ملاحظه:نسيت اقول مع الرز ضيفي ملح قبل الاستواء...
وادعيلي ان الله يفرج علي ويسهلي طلقي ويجملني بعين زوجي ..
ويصرف نساء الكون عنه ويخلي لي امي وخواتي ويرحم ابوي ياربي ..

الله يوفقك ويسهل حملك وولادتك ويسخر لك زوجك يالغاليه ويمد في عمر امك وخواتك ويدخل ابوك فسيح جناته قولي آمين ومشكوره

الله يفرج عليك ويسهل طلقك ويجملك بعين زوجك ..
ويصرف نساء الكون عنه ويخلي لك امك وخواتك ويرحم ابوك يارب ..
والله زمان اختي ادور كبسات ربيان
الله يسعدك يارب