سؤالي موجه لدكاتره واصحاب الخبره لا هنتو بنات

ليالي ما شاء الله عليك
اللهم صلي على محمد وآل محمد
واضح عليك انك مجتهدة في الدايت من الفيتوشيب والكريم والحين بتطبقين كلام الدكتور << ما شاء الله
بس أمانة أبغي خبرتك في الكريم وأي شئ تجربينه عطينا رأيك فيه
والله ينحفك وينحفني بصحة وعافية يارب
بصراحة ما اعرف حساب الكتلة بس حبيت أرد عليك

ليالي جبت لك موقع يحسب لك الكتلة
http://www.nursing4all.com/weight.php
ويلا علميني الطريقة بسرعه

يااختي اللي شفته من السمنه اهو اللي خلاني تضيق فيني الدنيا و اشد على نفسي وانحف
عام 2005 في فصل الشتا وربي تعذبت من الم ركبتي وماابي اروح الدكتور لان عارفه وش بيقولي اكيد من السمنه
لما تصير عندنا مناسبات مفاجئه لااقدر اطلع السوق اشتري على السريع او استأجر ملابس ابد ابد
يمر علينا الاعياد لازم احوس السوق الدمام والخبر والحسا على الله احصل مقاسي
وغير المواقف المحرجه اللي تمرين فيها مره انا وكذا وحده سمينه احنا اربع وكلنا
من فئات الوزن الثقيل ركبنا المصعد وتعطل فينا ماتحمل واخر شي بعد فتره
قدرو يفتحونه ولا طلعنا الا زحمة رجال حولنا ضحكو وربي شي مااقدر انساه
يوم كنت غي تركيا كانو يودونا اماكن خطره زي المغارات وفتحات ضيقه زي الكهوف
الكل يدخل انا مااقدر ادخل
يعني تحطيم 100%
عندي حالة من احد يطري لي ميزان اقوم ارتبك وارفض اوزن قدام احد
استحي اللبس قصير يم ابوي واخواني
كل هاذا وماتبيني اكره الاكل واللتزم برجيم غصب طيب
الان انااستعمل الحبوب والكريم ولله شكلي متغير بس مدري اهو من الحبوب او الكريم
على العموم انا هدفي من الكريم اساس الشد للمناطق اللي ترهلت من نزول وزني لاكن
خليني اخبركم الجمعه الجاي بعد مااوزن

ليالي6
روحي يا شيخة ربي ينحفك بصحة وعافية وبدون ترهلات .... <<< حسيت بالمعاناة
بس ابغي اشوف تجارب البنات .... وحتى الكريم انتظر تجربتك فيه
وعلمينا شنو قال الدكتور عن طريقة رجيم حساب الكتل

ولا يهمك يغاليه
يقول الدكتور اللي كتلة جسمه 40 يحتاج الى عملية حزم المعده
واللي كتلة جسمه من 45 وما فوق ماتنفع معه هاذي العمليه لابد من عملية تحويل المعده يقصون جزء من المعده وجزء من الامعاء والمريض بهاذي العمليه ينزل بطريقه اسرع من مريض تحزيم المعده على الرغم من عملية تحويل المعده اخطر من عملية الحزام
اللي كتلته اقل من 40 يمارس الرياضه ويتبع حميه مناسبه له ولا انصح بعمل هاذي العمليات له
واشوى
انا كتلة جسمي الى الان 38
وان شالله تصير اقل من كذا
انا ماافكر بلعمليه هاذي بس جاني فضول اعرف كم كتلة جسمي

والله شو يعني كتله الجسم هل هو الدهون الزائده؟
يعني انا دايما اسمع بس ما اعرف شو هو
بس فعلا خلي عندك اراده قويه ياليالي 6 ان شاء الله ينزل وزنك
انا كنت نفسك متينه اقصد دبدوبه صغيره يعني الوزن الصراحه كان يخرع 90 كنت فاقده الأمل
لأني يوم كنت بنت وزني كان دايما 48 الي55 كيلو مايزيد واذا زاد علي طول رياضه ورجيم
وبعد ماتزوجت طبعا الراحه النفسيه والطلعات والأكل والحمل والولاده في اول طفل يعني صار 60 وقدرت اني انزل
من الوزن وبعد الطفل الثاني صار 70 وبعدينهنا كان الغلط في الطفل الثاني اني هملت روحي ووصل وزني 80
طبعا قبل الحمل في الطفل الثاني مريت في ظروف نزل وزني من تقريبا كان 88 الي 60 في شهر واحد
وايد استانست ان وزني نزل بس الاله الله لايجيبها لي مسلم المهم بعدها علي طول حملت في الطفل الثالث
وطبعا كانوا توائم وكنت فرحانه جدا بنت وولد طبعا زاد الوزن بس يوم ولدت الله ماكتب عمر حق ولدي الله يرحمه
بس تمت البنت الله يحفظها ويخليها طبعا هنا رضعت بنتي الأخيره رضاعه طبيعيه وكانوا يقولون ان الرضاعه تضعف
استانست وتميت ارضع بنتي المشكله اللي صارت اني بعد ما ارضع بنتي كنت اجوع وتميت اكل لحالي دجاجه كامله
وانواع الأكل بعد كل رضاعه وطبعا تصوروا الوزن بعد كل هذا المهم خلاص ركبتي ما اقدر حتي اصلي كنت اصلي
في بعض الأحيان علي الكرسي وكنت اسمع صوت في الركبه لأن عندنا درج في البيت والصراحه كل ما اروح عرس
انقهر وارجع واكل زياده ولين اسافر تصير عندي انواع العقد اللي بالعالم فيني الصراحه كرهت شكلي
ون هنا قررت اني لازم اضعف حق عيد الفطر هذا الكلام كان بداية السنه الميلاديه شهر واحد
في شهر خمسه يعني بعد خمس شهور تفكير اني اسوي رجيم ورياضه الحمد لله وصل وزني ولله الحمد تقريبا للمقبول
طبعا لأني متزوجه احمل واولد طبعا الكرش الصغير شئ لا بد منه بس لله الحمد الحين اطلع واروح واجي بثقه
والشئ الحلو لقيت الفيتوشيب في الأخير طبعا احسن لي لني بصراحه ما احب اعتمد علي الحبوب احب اعمل الرجيم
والرياضه لأنه هذا اللي يدوم الي النهايه
ادري اني طولت عليكم وايد تكلمت بس حبيت اقول لكم ان بالصبر وقوة الأراده يصير كل شئ
يعني الوحده منا لا تأيسين من منظر جسمك انتي حطيت هذا الوزن علي مر سنين واحنا ناكل وناكل بدون رياضه
طبها وقت الرجيم والرياضه والصبر تحتاجين من سنه الي سنتين علي اساس ينزل الوزن بطبيعيه بدون الرجوع الي الوزن السابق
فلازم تتحملين كل شئ علشان في النهايه يصير جسمك حلو ورشيق وتقدرين تلبسين اللي تبينه
انا ابي جسمي يصير نفس جنيفر لوبيز المغنيه او هياء وهبي او نانسي وايد اتحلم
مشكورين بنات وتسلمون

انا الى الان لم افهم ماهو المقصود بالكتلة لكن عن نفسي اكره شرب الحبوب لانها تؤثر على كامل الجسم ولقيت الشفط ارحم

ان شاء الله كل البنات الدبدوبات ينحفون ويتمتعون باجسامهم ،،،

فراشه ايطالية
يالله جبتي تؤم مشاء الله عليك الحمدلله بقاك واحد منهم والثاني بتشوفينه من والولدان المخلدون
انا كان بكري تؤم ولدين بس مااستمر الحمل 6 شهور وسقطت فيهم
بعدها الله عوضني وعطاني عمري وبعد قلبي محمد وبعدين جبت المفعوص ريان وقلت خلاص ابي انحف
تصدقين يااختي انا في الحمل مايزيد وزني يعني
الوزن اللي انقصه ونااتوحم يرجع لي في الشهور الاخيره بس
والمشكله ماني حبابه لاكل الرز ولااتذكر يوم بحياتي اكلت رز في الليل ومالي خلق اسوي ذا الطبخات على وجبة العشالان دايم نتعشى متأخر فيكون عشان خفيف بس اللي ذبحني الشوكلاتا والباور هارس احب طعمه جنان
وزي ماقلتي الم في الركبه وقت الصلاة واحيان شد عضل وربي مئساه احين لمااصلي لا يفرق ماعاد زي اول واكيد بستمر يمكن انتو عطيتوني دافع عشان استمر وربي موعارفه اشكركم اول اسوي الريجيم شهر واطفش واتركه احين من الصيف الحمدلله ماتركته وبواصل بذن الله