سؤال عن ورق الحائط اللي عندها فكره عنه

ام ناصر الشروقي

31-10-2022 - 01:09 pm

مرحبا يافراشات،،
انه خاطري احط ورق حائط في شقتي ،،، بس خايفه ان يطيح مع الوقت،،
بس بغيت اعرف اشكثر ممكن ورق الحائط يقاوم وما يطيح او يخترب مع الوقت؟؟
اللي عندها خبره بهالموضوع او مركبه ورق حائط ببيتها او شقتها تجاوبني الله لايهينكم يارب،،،

التعليقات (8)

ام القمر

31-10-2022 - 03:23 pm

هلا حبيبتي انا مركبة في بيتي واعرف ناس لهم 15 سنة مركبينه ما تغير, بس انا في الرياض
يعني ما عندنا رطوبة زي اهل الشرقية واهل البحرين
واللي سمعت انه في الجو الرطب ما ينفع....
وضمانه سنه واحدة بس.

.. * .. السنيورة ..* ..

31-10-2022 - 04:24 pm

يالغالية انا غرفتي فبيت اهلي مسويتها ورق والحين لها 4 سنين او اكثر ماشاء الله مافيها شي وجده رطوبة ولا صار فيها حاجة
توكلي على الله وسويها
بس اختاري نوع جييد وحطيه

البنوتـــهـ الدلوعـــهـ

31-10-2022 - 06:26 pm

أنا بعد نفس حالتك ,,,
واتمنى البنات يفيدونك ويذكرولنا اسماء افضل المحلات الخاصه فيه ,,,
بالتوفيق ...

ام ناصر الشروقي

31-10-2022 - 07:27 pm

شكراً يا فراشات على المشاركات والآراء،،
وصج انه خاطري اعرف احسن الأماكن اللي تبيع ورق حائط وخاصه في الدمام او الظهران او الخبر،،
مشكورين وعساكم على القوه،،،

hggh

31-10-2022 - 08:28 pm

ايه وين لاقيها با الرياض تكفون؟؟

النجمهـ المتألقهـ

31-10-2022 - 09:29 pm

والله حتى انا خااطري احط ورق جدران بشقتي وابغى استفسر هل يصلح للجدران الخشنه ؟؟؟ جدران شقتي كلها خشنه يعني فيها بروزات صغيرة موو تعتيق لا ... دهان عادي ساده بس خشنه .. فهمتو علي ؟؟؟
ووين الاقيها بالقصيم ؟؟؟

rem0o0o

31-10-2022 - 10:30 pm

بنات اي استفسار عن ورق الجدران انا جاهزه
بحكم اني اتعامل معاه من سنين
1-ورق الجدران لا يسقط اذا تم تركيبه من قبل فنيين ومختصين مهره
2- ورق الجدران يدوم سنوات طويلة ...تخيلو مجلس اهلي ورق جدران من 15 سنة والى الآن جديد
3- بالنسبة للمناطق الرطبة مثل المنطقة الشرقية ففيه انواع تناسب المناطق الرطبة حتى يوجد ورق جدران للحمام ودورات المياة .
4- بالنسبة للجدار الخشن يتم معالجته بمعجون خاص ويثبت فيه الورق عشرين سنه على ضمانتي
5- تأكدوا ان الفني اللي يركب خبير وفاهم شغله لان بعض عمال الشوارع صحيح ارخص من المحلات لكن ما عنهم خبرة ويمكن تتورطون
اخير اخليكم مع هذي الصور اللي تفتح النفس

الأصـ 1430 يـلة

31-10-2022 - 11:31 pm

طيب وين اماكن بيعها

اشتري هذا الفرن الجديد فقط ب 200 دولار←
طريقة تنظيف الشمع من الموكيت00000000000→