سؤال يهمني مارايكم بالعدسات وما الافضل لي

ريوفه
منوره يالغلا
زين ان الوحده تغير وتحاول انها تحدث الجمال وتتبعه العدسات لها ميزه حلوه انها تعطيكي لفته جماليه
حاولي انك تاخذي براون فاتح او الاخضر الغامق ابتعدي عن االوان التي تحسس الناظره لج انج واضعه لون بعينج يعني
ماتاخذي الرمادي ولا السماوي ولا تضعي الالوان التي فيها قلب او عين قطه او ماشابه
انا جربت الاخضر غامق فعلا رهيب
وهو من فرش لوك
كوني الاجمل
كوني الافضل
الناعسة

شكرا حبيبتي على المعلومه
وجزاكي الله الف خير

عزيزتي انا بشرتي حنطيه مثلك وشريت عدسات اللي بلمعه الجديده هالي يلبسونها الممثلات حلوه بالمره اخترت الون العسلي الفاتح وطلع روعه واخذت الدائمه رصاصيه وايضا روعه مناسبه للون بشرتي وتراني ماخذتها من المغربي """"""""" واتمنى اني اكون افدتك

إذا تبين نصيحتي لا تشترين عدسات لأن أنا شريتها زينة وبصراحة ما ألبسها إلا في المناسبات مثل الأعراس والأعياد لاكن بدئ نظري يضعف وسالنا دكتور قال العدسات الملونة تسبب حساسية للعين أكثر من الشفافة الطبية يعني حقت نظر وتسبب تلوث للعين وتحبس عنها الأكسجين لذلك تسبب الضعف مجرد نصيحة من مجربة للعدسات وما شافت من ورها خير وعلى فكرة أختي سار معها نفس المشكلة بسبب العدسات الزينة وشكرا

هلا حبيبتي ..
اعملي كشف عند نفس المحل لعينك ويشوف اذا عينك سليمه او لا ..
اذا سليمه اوكي اختاري اللي يعجبك .. بشرط ماتكون عينك حساسه
وممكن بالمحل تجربين جميع الاشكال والالوان لحد ماتحصلي اللي يناسبك.

حبيبتي
أنا استعملت كثير من الماركات بس أنعم واحده فيهم ماركة جونسون أند جونسون ( أكيوف)
أما عن الألوان ، فأنا بشرتي حنطية ولون عيوني بني غامق قريب من الأسود و أفضل الألوان
المناسبه لي هي اللون الرمادي حيث تعطي اللون الزيتي (الأخضر) الغامق بعد أن ألبسها وتصبح
طبيعية جدا جدا جدا ، وقد استعملت أيضأً العدسات ذات الثلاث ألوان منها اللون الرمادي
من ماركة فرش لوك روعة مع الشادو الذهبي أو البرونزي أو درجات البني عموما للمناسبات.
ولكن إخذي مني هذه النصيحه
إيّاك ثم إيّاك تجربة العدسات في المحل إلا إذا كانت جديدة
حتى تمنعي من إنتقال الميكروبات إلى عينيك وفقد لبسها الكثير ، ومافي شيئ يعوضها.
سامحيني للأطاله
تحياتي لك

حبيت اضيف حاجة ماقالوها الاخوات ....
وهي ان عدسات الزينه (بدون نظر) لاتجوز بحسب رأي العلماء ..
اما اذا كانت نظر ملونة فهذه لاباس بها ............. والله اعلم ...
الا هل بلغت اللهم فاشهد .......

عزيزتي ريوفة..
لازم اول شي تتأكدين ان ماعندك ضعف نظر علشان تقدرين تلبسينها وانتي مرتاحة
واذا لبستي العدسات استخدمي القطرات المرطبة للعين refresh eye drops
هاذي مرة تريح العين الجافة حتى لو بدون عدسات فما بالك بعدسات وبجو مو جونا
هاذي باذن الله مأمونة ومامنها خوف حتى لو استخدمتيها الى اربع مرات باليوم بالعدسات او من دون
وبالنسبة لألوان العدسات جربت اكثر من لون بس اكثر شي مميز هاذي العدسات من فريش لوك اللي بلمعة
هاذي الوانها
وتلقينها عند المغربي واعتقد سعرها 100ريال

هلا حبيبتي العدسات اللي بلمعة والفرش لوك وكل العدسات اللي تجلس مدة قصيرة ثلاث شهور على ماظن هي افضل شي اول شي تسمح لك تنوعين بالالوان واسعارها معقولة
وهالنوعيات موجوده بمحل rays ريز للبصريات نسائي بمركز حياة المرأة وتقدرين تجربين عندهم وتاخذين راحتك
واكثر شي عجبني اللون الموف خطير