سااعدوني معرف اطبخ

عندك منتدى عالم حواء فيه طرق الطبخ با الصور بتتعلمى منه اكيد فيه كل الاطباق

حبيتي لا تشيلين هم إن شاء الله رح تتعلميي
أنا ماكنت أعرف أسوي ولا شي والمشكلة إني تزوجت وسافرت على طول أستراليا فغصب عني كان لازم أتعلم
والحمد لله الحين صرت خبيرة حتى صديقاتي يقولون انت جنية أول ماجيتي علموني وعلموني والحين انت تعلمينا خ ماشاء الله
المهم حبيبتي أنا بالخدمه أي شي تبيني أعلمك من عيوني الثنتين واذا تبين نتراسل على الخاص عشان انتبه
وبعد عندك كتاب أطباق النخبة كثيرر من البنات تعلموا الطبخ منه
الله يوفقك يارب

والله الطبخ يبي لوه طريقه ولاتنسين اذا تبين بهارت ولا قرصان ولا مرقوق ولا كتاب ام عبدالله لطبخ ولا بهارات ولا شي يخص الطبخ تعالي ع الايميل وابشري موب مقصره معس ابد ابد
وهذا ايميلي
omabdulla123@hotm
طبعا هوتميل كوم وان شاء الله اني بساعدس

انا ابى اساييات الطبخ...تخيلو كل مااسوي مكرونة باشميل تطلع زي العجينة..
طلع السبب في الموية المغلية...عشانا كدة بتعلم اسايات الطبخ ع الاقل

حبيبتي ماني عارفة وش تقصدين باساسيات الطبخ
لكن راسليني على الخاص وخليني اعلمك اللي تبين>>>حاسة فيك اسال مجرب خ

من باب المساعده حاسه بمصيبتك خ
أول ماتزوجت احتست في الطبخ مع اني كنت اعرف بس كنت اجيب العبد في كل طبخه
من الأساسيات في الطبخ وهو أساس الأساس اختيار النوعيه الجيده
مثلا الرز لما تشترين الرز احرصي أشد الحرص انه يكون محصول قديم كلما كان قديم كلما كان أحسن الجديد بيبهذلك
المكرونه اختاري قودي او بيتوني احسن شي فيه انواع تطلع لك كأنها عجينه اذا طبختيها
أول ماتزوجت كان الرز يطلع معي بني شوي اكتشفت السبب!!
البهارات المطحونه كان معها دارسين (( قرفه))...........
تبين تصلحين مكرونه بالبشاميل وتطلع معك تمام
ابدي بالدجاج استعملي بهارات ماركة الفارس جنان
قطعي اليصل حطيه في القدر وحطي عليه الزيت وحركيه لحد ما تطلع ريحته لا تخلينه يحمر
حطي عليه الدجاج المقطع وحركي حركي حركي لحد ما يشرب المويه كلها اضيفي له الملح والبهارات وحركي اقل من خمس دقايق وطفي عنه
ثانيا البشاميل
حطي قطعة زبدة ذوبيها على النار ثم زيدي عليها زيت <<< هالحركه عشان ما تكثرين الزبده خصوصا انه موب كل الناس تحيها
حطي عليها تقريبا ثلاث أو أربع ملاعق دقيق تكفيك أنت وزوجك
حركيها مع الزبده فتره بسيطه تقريبا خمس دقايق او لما تشوفينها تتعقد
اضيفي لها ثلاث ارباع كاس حليب وحركي بمضرب البيض الين تشوفينها ما فيها عقد اتركيها على النار تطبخ فتره وتثقل اذا كان البشاميل مرره ثقيل زيدي مويه واذا كان خفيف زيدي دقيق وحطي عليه الملح
اسلقي المكرونه في ماء وملح خشن وزبده ترى الملح الخشن ألذ الف مره من الملح الناعم في الطبخ
طبعا المكرونه ماتغسلينها اذا فكيتيها من كرتونها حطيها في القدر وحطي مويه تزيد عليها ب 2 سم
واذا استوت اشخليها بعض الناس مايخلونها تستوي مره لأنها بتنطبخ زياده في الفرن
حطي نصف المكرونه في الصينيه وعليها ملعقتين بشاميل واخلطيها ثم الدجاج ثم باقي المكرونه ثم باقي الخلطه حطيها في الفرن من تحت ربع ساعه وحمريها من فوق
الرز اختاري الرز البسمتي طبعا مثل ماقلنا محصول قديم يغسل وينقع مدة ساعه مويته تكون اكثرمنه ب3 سم تقريبا
اذا بتحطين صلصه او ماجي حطيها مع اللحمه عشان ما تتكتل مع الرز اذا غلت المويه حطي عليه ربع ملعقة هيل مطحون وذوقي ملحه اذا هو زين او لا اذا نشفت المويه قصري عليه وخذي بالملعقه وناظريه اذا حسيتي انه ناشف شوي زيدي زيت وبعد ثلث ساعه خذي بالملعقه من اسفل القدر و ذوقيه اذا كان قاسي زيدي مويه
استعملي مع اللحمه البهارات العدله دارسين مسمار هيل حطي شوي فلفل شوي كمون وزنجبيل مطحون ولا تكثرين مويتا يطلع طعمها سامج
ام
فيه حركات تخلي الطبخ لذيذ
مثلا اضيفي زبادي على عجينة الفطاير تطلع واو
اضيفي كريمة خفق للمكرونه مهما كان نوعها تطلع يممي<<<< تقريبا فنجال قهوه
اذا جيتي تصلحين الكيكه افصلي الصفار عن البياض واضربي البياض في الخلاط مع السكر حتى يطلع مثل الدريم ويب ثم اضيفي باقي القادير
وأهم شي أهم شي
لا تقولين ماأعرف ابدا
وتابعي قناة فتافيت بالذات الطباخة جيادا طبخها يمي
بالتوفيق عزيزتي اذا في بالك تساؤل عن طبخه معينه انا بالخدمه

لحظة حنان
ياقلبي والله تسلمي في اشياء ماكنت اعرفها....والله اخش المطبخ احوس...
تسلمي والله متشكرة اوي..الله يسعدك يارب

اساس الرز اللذيذ حطي زيت والبهارات العدله << الصحيحه ( القرنفل - القرفه - الهيل - الكزبرة الناشفه والماجي وخليها مع بعض شووي لين تطلع ريحتها وحطي الرز المغسول والمنقوع وحركيه بلطف معاها عشان ياخذ نكهه البهارات وبعدين اضيفي الماء المغلي واضيفي الملح يمي يمي روعه جربيه وادعيلي

حبيبتي اذا انتي بجدة راسليني