ساعدوني ارجوكم

اذا كان بيناديكي هيك على سبيل الدعابة ليش تنفهرين ممكن صحيح ما بيعرف يقول كلام حلو ويحب يقهرك ليشوف ردة فعلك لا تكبري الموضوع وخديها على انها دعابة واضحكي ورديلو اياها اذا قالك بقرة قليلو يا دب
وحدة بوحدة وكلمة نكدية يمكن ما فيه واحد ما يقولها تقريبا كل الازواج بس يشوف زوجته تسال وتنكوش وراه بيقول انت نكدية وتحبي النكد بس المرة الذكية هي اللي تعرف كيف تمتص فضب زوجها وتحول اي كلمة يقولها لنوع من الابتسامة يعني بدل ما يقهرك تقهريه

قولي له ت رضى اني اقولك نفس الكلام الي ماترضاه على نفسك لاترضاة على غيرك وانا ام عيالك والكلام هذا يجعل بين الزوجين عدم احترام وكوني حازمه في ردك وانك لاتقبلين على نفسك مثل هذا الكلام القبيح حتى ولو كان يمزح لان فيه اشياء كثيره يمزح فيها

.عزيزتي هبة أحد دعائم الزواج الناجح (( الإحترام المتبادل بين الزوجين))
والأولاد يتعلمون أن يحترموا أمهاتهم وأبائهم من إحترام الأبوين لبعضهما البعض فإذا كان أحد أو كلا الأبوين لا يحترم الآخر فتأكدي 100% أنهم لن يحترموكما ولن يحترموا بعضهم بعضا كأخوة وبالتالي ستسود لغة الكراهية والإستهزاء في محيط الأسرة
واسمحي لي أن أقول لك أن زجك لا يحترمك
والواجب عليك أن تكلميه بحزم وتفهميه أنك قبل أن تكوني زوجة فأنت إنسانة لك إحترامك وكيانك وأنك ترفضي بشدة أن ينعتك بتلك الصفات الكريهة, وإنه يجب عليه أن يتوقف عن مناداتك بتلك الأمور ليس فقط أمام الأولاد بل حتى فيما بينكما
بيني له عواقب ما يفعله في زعزعة الرابط الزوجي بينكما كأسرة واحدة,
فإذا كان لا يعرف أن يكلمك بذوق ورمنسية فلأجدى أن لا يكلمك بمثل تلك المسميات
فإما أن يقول خيرا أو ليصمت
كما قلت لك كلميه عن رفضك بكل جدية
واعذريني على صراحتي معك
وتأكدي بأني أحب لك كل الخير
وهذا رأيي ولك أن تأخذي به أو ترفضيه
موفقة

حبيبتي..ديري بالج..
أنا زوجي لو شتمني حتى لو بضحك..أتهاوش معاه وأزعل وأقوله لا تكررها..عشان ما ياخذ عالكلمه..
انتي كلميه وفشليه وقوليله هالشي يزعلني وازعلي لين يقولج اسف..
حتى مو بس عشان كرامتج بعد عشان ما تطيحين من عين عيالج ويحتقرونج اذا كبروا..ديري بالج
كلميه

شوفى اذا كان يقولها وهو معصب تقدرين تقولين طبيعى اغلب الرجال اذا عصبوا تفلت كلمات ولازم اذا راق تكلمينة بهدوء اما اذا يقولها كذا على طول فهاذي اللى مالها داعى مرة ازعلى بقوة وصدقينة بيبطلها اذا هو عادى عندة هالكلام وهو رايق اجل الله يعينك اذا عصب وش يقول

تشكرون اخواتي
بس هي مو اول مره يقولها لي
صارت قبل وزعلت منه
بس هو يقول انا هي طبيعتي شنو اسوي ما اقدر اغيرها
والله تعبانه موت

انا انصحك اذا ناداك مره ثانيه كذا اسفهيه ولا تردين عليه لحد مايناديك باسمك مثل الناس
ولا زم تفهمينه انا ذا الاسلوب مايصلح قدام الاطفال
اما اذا على قولته انه طبعه طيب طبعه هذا كذا مع الناس؟؟اكيد لا

مااقول إلا الله يعينك عليه والحل الأمثل لمشكلتك إنك اذا ناداك بهالأسماء انك تطنشينه ولا تردين عليه وهو بيعرف غلطته واذا رد عليك قولي له انا مااخطيت في حقك ولا قصرت معاك واظنك ماترضى احد يناديك بهالاسماء
وخليه قدام الامر الواقع

اسمحي لي اختي هبة البحرين....
زوجج هذا قليل أدب....و سوري اذا كنت صريحة معاج...بس بجد هذي قلة أدب
شلون يهون عليه ان ينادي على زوجته ..شريكة حياته ...أم عياله...بلقب بهايم...( الله يعز اللي يقرون ردي )
وانتي لازم توقفينه عند حده ... وتتخذين موقف القوة...ولا يقولج طبعي...وما اقدر اغيره...
طبعه الخسيس يغيره عشانج...لأنج انتي الوحيدة اللي بتنفعينه...لانج زوجته وام عياله
وازعلي زعل قوي ... واذا ما عمل لج حساب الحين... الله يستر من الجاي
هذي نصيحة ... وانتي حرة...
والله يصلح بينج وبين زوجج