ساعدوني بخصوص العبايات

بصراحه اختي انا ماعندي صور بس ممكن اعطيك افكار ممكن تحطين فيها كرستال فضي او تحطين فيها دانتيل اسود لان يميزها اكثر او تحطين فيها لميه ذهبي خفيف على الاكمام والطرحه ان شاء الله اكون افدتك

حقت السوق حبيبتي لاتحطين فيها شيء
اما حقت المناسبات اهم شيء فيها القماش لانه ادا جاء االموديل حلو والقماش عادي ماراح تديكيجمال

انا اشوف اهم شي القماش
تبين الصراحة وهذا رأي شخصي انا تقرفني العباة اللي فيها اكثر من لوون وكريستال ومادري ايش
وعلى فكره طايحين هاليومين في الحرير الطبيعي اللي خفيف وناعم
او الحرير البحريني وتحصلينها في البحرين
لاني دورتها في الخبر ماحصلتها الاّ في محل واحد وقالي ما عنده عرضين عنده عرض ونص بس
يعني لازم يخلي في العباة قصة من تحت
وانا ما ابغى العباة تجي فيها وصلة
فصلي لك وحده حرير للمناسبات
وانا ما أأيد الكريستال او اللامية
احسه قروي نوعا ما
سوي اللي تبين في الشيلة
اما العباة خليها سادة اذا تبين نصيحتي

الله يهديكم يافراشات حتى العباية صارت لها موضة انا من راي انه العباية من شروطهاانها لازم تكون ساترة,واسعة,غير ملفتة واذا انت من النوع الي يفصل اكثر من عباية راعي ان يكون حسب المناسبة مثلا الزيارات المنزليةالي من البيت للبيت والاعراس لامانع انها تكون بزينة خفيفة واماكن الاسواق والمختلطة ان تكون خالية من الزينة حتى لاتفتني الرجال ****فانت مقبلة على حياة جديد واتمنى لك التوقيق والسعادة****

عزيزتي : أسوار الليل :
العباءة وضعت للستر وليس من المناسب أن تقومي بتزيينها لأن ذلك يفتن الرجال
خصوصا أنك مقبلة على حياة زوجية ؟؟

لولي:
انه ماقلت ابي ستارة افتتن الناس فيها
بس قلت ابي صور عشان اسوي لي عباية واستخدمها للزيارات او اذا اروح عرس او شي من هذا القبيل مو ان البسها للشارع.. وانه عارفة ان العباءة وضعوها للستر مو للفتن من غير ماتقولين هل كلام .. انتي ماتعرفين لإيش راح استخدمها

الله يهديكم
الحين البنت تبي عبايه ونفسها في موديل لازم تسوون فيها ناصحات وداعيات
كل وحده عقلها في راسها تعرف خلاصها
واتمنىى منكم اللي يضايقها اي موضوع بلاش تنصح احنا مو اطفال هنا عشان كل ما وحده سألت عن عبايه قمتو تنصحوها
ولا وحده حطت فستان قمتو تقولو ستريه وطوليه
احنا هنا بالمنتدى كبار وراشدات ونعرف وش نسوي ووش مانسوي
فبلاش فلسفه زايده
واسفه اذا كان كلامي يزعل بس انا ماشوف لكم حق باللي تقولونه

هلا اختي بالنسبة لي ماعندي صور عبايات
بس احب اقولك ان العباءة اهم شي فيها القماش يكون حلو

جبت لك صور للاعلاميه ندى بالعبايه
يمكن يعجبك شئ من هالمجموعه
اتمنى انك استفدتي