ساعدوني فراشات بليز شدو عيون

الفراشة دلع بحريني تطلب طلب و لا حد يساعدها ودي اشوفك بس ودي اساعدك
انا بصراحه ماعرف اشرح الخطوات و بصراحه اعرف احط مكياج حق نفسي و الكل يقولي ان مكياجي حلو بس لحد الآن ما تدربت اني احط مكياج حق حد خصوصا الكحل صعب اما رسم العين جدا سهل بالنسبة لي و دمج الالوان سهل ودي اساعدك حبيبتي

سمعي حبيبتي اقرأري الخطوات وحده وحده و بالتركيز
1_ اول شي لازم يكون وجهك نظيف و جاف اوكي و مرشوح بماي بارد عشان يسد المسامات و بعده تجفيفنه زين
2_ تحطين خافي العيوب تحت العين و فوق العين لأنه مثبت للشدو كثري منه لأنه عندج مناسبة و بعدين تحطين الكريم الاساس السمر كيك لأنه في المناسبات ما يطلع الوجه مشرق و منور الا به اوكي هذا الخطوتين خلصنا من الكريم الاساس
3_ اوكي تبتدين بالشدو الالوان اللي بختارها لج انا البنفسجي و الاخضر الفلاش لا تستغربين لانه هذا اللون روعه اخذي درجات من البنفسجي جهزيهم عندج
4_ تحطين في الجفن من البدايه الى نهاية حد العين ما تطلعين من طرف العين اللون الاخضر بكثافه خليه مركز يستحسن ان يكون فيه لمعه اوكي
5_تعالي حطي خط ضعيف شوي من اللون البنفسجي بالضبط فوق الاخضر و نازل تحت عينج كأنج تحطين كحل من تحت هذا باللون الغامج طلعي شوي بره من الجفن عشان يصير مكياج الفراشة
6_ بالبنفسجي الفاتح تحطينه فوق الغامج لا تخلينه يبين طبقات حاولي ان يبين مدموج اوكي
7_ تحت الحاجب حطي اللون الذهبي الفاتح او البيج الفاتح هني حطيه بيدج لا تحطين بالفرشاة لأن باليد يكون اضبط
8_ بهذي الطريقه انتهينا من رسم الشدو الحين حاولي انج ترسمين الكحل بطريقه حلوة من تحت و داخل و فوق
9_ حطي مسكرة في عينج بحذر و بالعدال و رفعي رموشج و انتي تحطين عشان عيونج تكبر و تصير حلوة اكثر طبعا اهيا حلوة صح ؟؟؟
10_ رسمي الانف باللون البني على جوانب الانف و بالوسط حطي من اللون البيج الفاتح
أهم شي تكونين مرتاحه و عندج وقت طويل و جهزي نفسج من وقت و صدقيني بتطلعين حلوة احلى من البنات اللي راحو الصالون اهم شي الوقت و الراحة و هدوء الاعصاب
اوكي حبيبتي صورة بنفس الطريقه اللي كتبتها لج الحين ما حصلت ان شاء الله بدور لج و بحطها و على فكرة في موضوع حق احدى الفراشات بالمنتدى رائع بالصور فضيع انا من زمان شايفته بتحصلينه في الصفحات الاخيرة و انا عن نفسي بدورة لج و اذا ما عجبتج الالوان بدليها بشي يناسبج و يعجبج بس اتبعي نفس الطريقه
ان شاء الله أفدتج ولو انج كتني تبين صور
تحياتي لج ........

تسلمين يااختي الغاليه عروس البحرين
وبصراحه كلمة شكرا وايد قليله على مجهودج
عالعموم ربي يعطيج العافيه وعساج دوم عالقوه يارب

هالرسمة مافي اسهل منها بس حاولي تتدربين عليها قبل يوم المناسبة واسهل شى حطي اللون الغالب على فستانك في الجفن العلوي و اللون الاقل حطية كخط اسفل الكحل الاسود في الجفن السفلي والمدامع وطرف العين حطي خط ذهبي او فضي حسب الاكسوار او المجوهرات لان ها لونين ازين من الابيض الي يخلي الوحدة كان فيها برص وارجو اني افدتك

:aqws1
حبيبتي شنو لون فستانك علشان أعرف أساعدك
وأعطيج الألوان المناسبة
خطوات أختي عروس البحرين صحيحة وسهلة
بس لازم تتدلربين على هالخطوات قبل العرس بأيام
علشان تتقنيها أوكي؟؟؟
:aqws1

العفو يا قلبي ومشكورين على المرور حبيباتي الغاليات و مثل ما قالو انج لازم تتدربين قبل بيوم و هذا الشي اللي نسيته

مشكورين خواتي على مروركم الطيب
وعلى فكره الفستان اسود وراح البس اكسسوارات فضيه او زرقه
ويريت تحصلون لي صور يافراشات

مشاء الله روح تعاون مطلوبة من بين الفراشات انا سعيدة كثير بمحبتكم لبعض بارك الله فيكم

حبيبتي انا نفسك كان عندي مناسبه وطلبت من الفراشات انهم يوضحون لي طريقة المكياج وما قصروا والله وكنت في المناسبه حلوة مره وكحلي كان الفراشه اللي وضحته لي فنتوليو الله يعطيها العافيه وهو حلو كثير ويليق بالمناسبات واللمعه الذهبيه عند المدامع وتحت العين حلوه مره وودي افيدك اكثر لكني بسيطه في المكياج وشكرا