ساعدوني في تأثيث شقتي

&لمعة الماسه&

25-04-2022 - 06:25 am

يابنات احتاج لمساعدتكم ومشورتكم وخاصه بنات الخبر والدمام الي عندهم خبره بمحلات الاثاث
انا لسه مخلصه تجهييز شقتي في جده حيث سكن اهلي وزوجي يشتغل في الظهران فاظطررنا الى استأجار شقه في الظهران وهي دحين على البلاطه مافيها اي اثاث فانا محتاجه تدلوني على اماكن اثاث مايكون غالي ويستهلك ميزانينتا وخاصه ان تونا مخلصين تأثيث شقه ... فودنا في اثاث حلو ورخيص وكذالك اجهزه كهربائيه ماتكون غاليه وحاجات ثانيه كماليات للشقه فياليت تساعدوني وتدلوني على اماكن اثاث وتحف واواني مطبخ وغيرها من هذي الاحتياجات وانتوا اكيد عارفينها ,,, وتكون في الخبر والدمام
ساعدوني في تأثيث شقتي بشكل مريح مادي ا

التعليقات (9)

&لمعة الماسه&

25-04-2022 - 08:55 am

شدعوه يابنات مافي احد خبره وعنده افكار يقدر يساعدني فيها,,,,,,,ولا حتى رد واحد

soso7973

25-04-2022 - 09:56 am

يسعد صباحك انا من سكان الدمام فية اديفوس قدام سوق الشاطي في الدمام والدليجان في الخبر اثاث روعة واسعار معقولة ومحلات الاواني فية كذا محل في السويكت
وهذا الي اعرفها وادعيلي بالذرية الصالحة

bashair.almadina

25-04-2022 - 10:57 am

يا حبيبتي يا ليتني في الخبر كانت ساعدتك
إن شاء الله البنات ما يقصرو معاك

rosesdreams

25-04-2022 - 11:58 am

اختي في محلات ايكيا اسعارهم حلوه وخامه نظيفه

احلام العصر

25-04-2022 - 12:59 pm

الله يهنيك فيها لكن ماعندي اي خبره بالدمام

chord

25-04-2022 - 02:00 pm

شوفي أختي الحين أيام تخفيضاات .. شوفي الكنب اللي في هوم سنتر يمكن يناسب الميزانية ..
وفيه اماكن تفصل تفصيل روحي لهم فري عليهم وشوفي اللي يناسب الميزانية ...
الله يعينك .. تأثيث شقتين صعب .. هو الواحد زين يقدر ياثث شقة وتكون على مستوى وفخمة ..
انصحك استغلي ايام التخفيضات ..
عندك في الدمام سوق يسمونه سوق التلفزيون اسألي عنه وأكيد الكل يعرفه ..
فيه أشياء حلوة بالنسبة للطاولات والمناظر والتحف والسجادات ..
مثلاً إذا ودك بتحف وزجاجيات واكسسوارات .. عندك في الدمام شارع الأمارة عند الإشارة على يدك اليمين محلين يبيعون تحف بأسعار الجملة ..
وأكيد عشان تكتمل الزجاجيات راح تشترين لهم زجاجيات ملونة وأحجار وورود اصطناعية وسعف وخوص و
روحي كل شي بريالين خذي لك الأشياء اللي تحتاجينها .. من هناك نفس اللي في هوم سنتر
وسيتي ماكس مافيه فرق إلا السعر .. ( فيه محل اسمه دنيتي الصغيرة او دنيا صغيرة مو ذاكرة بالضبط ويكون في نفس شارع رامز الشارع المقابل له ... اللي في اصلاحات عنده أشياء حلوة وتساعدك على التأثيث بالنسبة للإكسسوارات .. روحي ماراح تخسري شي اللي تحتاجيه راح تاخذيه منه ..
بالنسبة للأجهزة .. روحي ساكو واكسترا وشوفي العروض ..
بالنسبة لاكسترا في الخبر ساعات يسوي عروض لمدة يومين استغلي الفرصة ..
إذا بتشترين الأجهزة مثل التلفزيون والفيديو والمايكرويف والثلاجة والفرن ..
روحي للوكيل حقهم مو تروحي الأماكن العادية لبيع الأجهزة انتي روحي الجميع وسجلي
الأسعار وشوفي الفرق وشوفي الأرخص اشتري منه ..
المطبخ .. دوري على كذا محل وشوفي سعر المتر في كل محل وشوفي اللي يناسبك ..
عندك شارع المطابخ في محلات كثير كثير ...
ان شاء أكون ساعدتك لو بشيء بسيط ..
وخلي في بالك وأكيد لاحظتي هالشي إن الأشياء الصغيرة والكماليات هي اللي الواحد يصرف عليها الشيء الفلاني ...

chord

25-04-2022 - 03:01 pm

ايه اختي بالنسبة للستائر .. مو تروحي الأمااكن اللي تكون مرة مرة فخمة ..
ترى فيه اماكن بسيطة بس شغلها عن جد نظيف ولا يعلى عليه
صحيح أقمشتها يمكن تكون مش ولا بد .. بس انتي روحي محل اسمه السريع في الدمام
محل كله اقمشة ... روحي هناك واختاري اللي يناسبك وخلي العامل يقص لك من القماش اللي اخترتيه ويسجل المعلومات عنه في ورقة وهم يعرفون هذا الشي لإني سويت هالشي وروحي
لمحل الستائر وخليه هو اللي يروح يقص القماش لإنه أكيد يتعامل معاه بيعطيه اياه بسعر أقل
وفصلي على كيفك ..
تدرين حبيبتي إني فصلت اربع ستائر ب 3000 تقريباً وخالتي فصلت ستارة وحده في محل فخم ب
6000 آلاف تخيلي الفرق وتقول لي إن ستارات أفخم بكثير منها ...
هذي المعلومات كلها من واقع تجربة وانا لسه عرووس ومأثثة شقتي وبشهادة الجميع إنها حلوة ..
حتى خالتي اول مادخلت الشقة تقول لي شقتة تفتح النفس وتريحها ..
قولوا ماشاء اذكروا الله .. لا إله إلا الله ..

المستهامه

25-04-2022 - 04:02 pm

الله يساعدك ويكون بعونك الف في الاسواق مو بسيط وخاصة دحين أيام برد ... روحي سوق التلفزيون ومخطط ثمانية وستي بلازا وهوم سنتر ورامز والدنيا الصغيرة عندهم تحف تجنن محل السجاد مقابل لهم عند الهرم الجديد وعليك بالاواني الجيدة للمطبخ لا تاخذين الرخيص لأن الرخيص بخيس يصدي بسرعة المطبخ عليك بالجيد وراح يضل معك على طول

&لمعة الماسه&

25-04-2022 - 05:03 pm

مشكور يابنات عن جد مشكوره من قلبي وراح ارتب اموري مع زوجي وارجع استفسر منكم اكثر وشكر خاص لك ياchord على تعبك معاي
وياريت يابنات الي تقدر تفيدني اكثر لاتقصر ومشكوره يالغاليات

ابغى طريقة لازالة رائحة الدهان البوية←
مساعده في تزيين الكراسي→