ساعدوني يا اخواتي توني متزوجه ارجوكم ادخلو بسرعه

اختي اكيد زوجك فيه شئ بيخليه يعمل هيك ما فيه شئ من فراغ انتي لازم تعرفي شو به باي طريقة وتحاولي تعالجيه وان شاء الله بتتوفقي.

مشكوره اختي وردة الغروب على ردك اخاف اساله مايقول لي شي
والف شكر على مرورك
انتظر ............

شوفي حبيبتي الصبر ثم الصبر احس طريقه صدقيني مافيه شي بيغير طريقة حياته بيوم وليله انتي باسلوبك الحلو شوي شوي تلاحظي انه بيتغير وانتي توك مالك سبع شهور يعني بدري على الترويض خليه على راحته اذا شفتيه جاي من عند اصحابه مبسوط لا تنكدين عليه بالعكس استقبليه بالاحضان وخذي علومه وقدميله عصير او اكل وحسسيه انك مبسوطه دام هو مبسوط واذا يبي يروح ودعيه وبخريه ووصليه لين الباب واذا صار مع اصحابه ارسليله مسجات شوق وحب وشوفي ممكن تستمر الحاله عنده شهور اذا ماهي سنين انا مااعجزك بس والله من تجربه اهم شي حطي ببالك الرجال يكرهون الحرمه اللي تتشكى وتعاتب كثير ولا تقولين لاتروح لا فيه اسلوب احسن بدالم هالكلمه قولي والله مشتاقه للجلسه معاك والله الوقت معاك غير والله الله في الكلام المعسول والحركات واللبس والريحه اللي تخليه يتجنن
واهم شي الصبر
والله يسعدك يارب

لا بالعكس ريلج كلامه خاطئ مفكر ان لازم يسوي الي يبيه وماعليه حقوق
انتي لازم تقعدين معاه وتقوليله انت زوجي وريال البيت وكل شي لكن الزوجه لها حقوق على زوجها مثل مالك حقوق عندها
ومن حقي تقعد معاي وتخصصلي وقت
لازم تتفقون على ايام تكون لج وايام لاصحابه موقفه جدا سلبي ولازم تغيرينه بس بالاسلوب الحلو والهدوء

السلام عليكم
تسلمين اختى مياس&ميار على ردج الجميل اعجبنى بارك الله فيج
صج اختى هذا هو الحل لاتقولين ماتخرج ولكن حاولى انج تغيرين بروحج سوى حركات خططى لسفر لكم لرحلات حاولى تسويين الشغلات اللى يحس فيها انه تزوج عاد مهوب لسى عزابى غيرى بشكلج سوى نيو لووك وقولى له انج تحتاجينه وتبين تيلسيين وياه وذكريه بأيام الحب وان شاء الله بينسى ربعه وبييج
انا كان مشكلتى الوحيده فى ايام الملجه هى ربع زوجى والله اغار كنت اغار منهم واقول حقه انت مابتتزوجنى لحالى ويايا .... و....... ربعه كان يقول الحين اانا عزابى وانتى موب مويودة عندى وعقب بتغير وبستقر وكنت اهاوشه لين قال لى والله لو حتى كان بيتنا جوة القهوة مابسير القهوة بس الحمدلله الحين مايروح الا كل اسبوع مرة ومايطول وياهم هو يدرى ان هالى بعيدين وانى مااحب ايس بروحى بس لكم على والله بخليه ينسى ربعه ومايزروهم الا مرة كل عشر سنين ههه
اسفه طولت عليكم
اختكم ام عبدالله
الحمدلله كما ينبغى لجلال وجهه وعظيم سلطانه

بالعكس مو شرط إنه المرأه مطفشته عشان يطلع في ريايل يحبون يقضون أطول وقت ممكن مع أصحابهم وحبيبتي دام تقولين إنه طيب وفيه كل شي زين إستحملي لأنه الواحد مايكمل وكلن فيه عيب يعني تبينه يقعد معاج 24 ساعه وهات ياهواش خليه يطلع بس فس نفس الوقت قولي له عطني لو يوم من الإسبوع يكون لي وصدقيني حبيبتي هالأحساس يجيلج من الفراغ في حياتج آنه قبل ما أشتغل كنت أعد الثواني والدقايق لين يرجع زوجي من الدوام وأول مايتأخر 5 دقايق أدق عليه لأني زهقانه من البيت وكنت دايم أقوله لاتطلع وتخليني يعني بصريح العباره زهقته والريال طبعه ملول مايحب يتقيد طول اليوم طبعاً مو كلهم بس أغلبهم
خليه يطلع ولاتضيقين عليه بالعكس إذا كان مايسوي شي غلط خليه لكن من حقج يخصص لج يوم في الإسبوع أدري بتقولين مو كفايه يوم تبين أكثر بس الحمدلله أحسن من ولاشي بالعكس لما يخصص لج يوم بعد فتره خليهم يومين بعدين ثلاث.
حاولي تلهين نفسج بأي شي أدري يمكن صعبه عليج الشغل لكن ممكن إنج تسجلين بنادي صحي أو تمارسين أي هوايه تحبينها لأنج إذا شغلتي نفسج ماراح تفكرين بالملل.
أتمنى لج التوفيق

بالعكس انا اشوفه امر عادي...دائما الرجل يفكر ان المرأه تبي تسيطر عليه وهذا رد فعل عاادي....والزوج يحب يخرج كثير يعني مش مقياس على شي الا انه رجل....وحنا ترى نزودها لاننا نغار حيل ونبيهم دايم معانا والرجل يرفض هذا الشي

الحال من بعضه
بالأول كنت معترضه وازعل واخاصم
لكن الحين تعودت على الوضع خلاص مااقدر اسوي شيء
وخروجه من البيت مايعني الهروب لكن يحب اصحابه مووت ولايقدر يعيش اليوم من دون شوفتهم
عشان كذا لازم ترضين حبيبتي
وكلام الاخت مراوي صحيح 100%

اختي انصحج مااتقولينله لا تطلع او حتي تجيبين طااري ربعه لانه ربعه متنفس له الرجاال يحب يطلع وانتي قايله بنفسج من تفتحين معااه مووضع ربعه يعصب......ومن كلامج ماعندكم عيال الله يرزقكم وساعتهاا بيتغير.......خليج هاديه ولا تحاولين تخربين عليه طلعته هالشي بصير مو بصالحج.......وانتي مو بروحج مع اهل زوجج شغلي نفسج معاهم وصدقيني هو اكييد بيفهم هالوضع وتحصلينه جا لحد عندج وتلااقينه يسوولف تري مااكوو احلي من الريال وهوو راايق ويسوولف يعني مسالة وقت بس........الرجل من طبعه يمل........وسوالج له كل شوي وقت طلعته ابد مو حلو بحقج بمل جذذي بعدين...وانتي الله يعينج شغلي نفسج مررده بيتغير.........والله يوفقج ياررب