ساعدوني يا حبيباتي اشعة الصبغة

السلام عليكم و رحمة الله و بركاته اخواتي
انا بصراحة اتمنى من كل وحدة تدخل تقول شي يريحني لأني الوسواس ذابحني و من كثر التفكير معدتي دايم تؤلمني
المهم انا ان شاء الله بسوي أشعة الصبغة هالشهر بعد كم يوم ... و انا كنت مسويتنها الشهر اللي طاف بس ما استفدت لأن كان عندي التهابات و الالم طلع عيوني لبره و الحين انا اخذت تحاميل مهبلية عشان الاتهابات و المفروض اني تجيني الدورة بعد كم يوم و اروح اسويها
انا دايما افكر هل الالم وقت اشعة الصبغة و اقصد ( الالم الشديد) معناه ان الانابيب (بعيد الشر) فيها شي من الانسداد او الالتصاقات ؟؟؟؟؟
هل كل وحدة تسويها و تتألم وايد يقولوا لها ان الانابيب مالتها فيها شي؟؟؟
انا بصراحة وايد خايفة و احاتي وايد وايد وايد
و على فكرة انا دايما تطلع مني ( و انتوا بكرامة) افرازات صفراء فيها رائحة نفاذة بس ما فيه حكة و لا الم الا في الفترة الاخيرة و على طول قلت للدكتورة و عطتني ادوية مثل ما قلت لكم سابقا
لا تبخلوا على يا اخواتي باجاباتكم المفصلة و لا تنسوني من دعائكم بالذرية الصالحة قريبا ان شاء الله
(( رب لا تذرني فردا و انت خير الوارثين))