ساعدوني

السلام عليكم ورحمة الله وبركاته
انا اختكم عمري 24 بعد اسبوع راح ادخل 25
انا الحمدلله على قدر من الجمال والكل يمدح فيا ودائما لما اروح مكان اكون مميزة
والكل يسالني فستانك من فين عطرك ايش هو عيونك حلوة شكلك حلو
لما اروح افراح دائما يقولون ليا ايش الجمال دا ماشاء الله تبارك الله
ايام الجامعه لو كنت ارفع شعري شوي كانوو البنات يجون يقولون ليا حلوة ومن دا الكلام
وكانو بس يسالون لبسك من فين صنادلك من فين
واخلاقي الكل يمدح فيها وانا ملتزمة الحمدلله
مشكلتي انو مع كل هذا عمري مانخطبت
ولااحد دق بيتنا المشكه من يوم كان عمري 17 وانا بطق نفسي اتزوج
وكنت كل يوم ادعي واصلي بالليل وادعي من قلبي والى الان ماجاء نصيبي
طقيت اروح افراح اتواصل مع ذلك مافي اي شي
تخرجت من الجامعه وكنت متفوقه ومميزة شخصيتي الكل يمدح فيها
بيت جيرانا ماشاء الله كانو مررة يعجبوني البنات جارتنا لها 9 سنوات
ماشاء الله كان عندها 7 اولاد وكل سنة تزوج اولادها وعندها ولد قدي
كنت اتمنى من الله يجي يخطبني كنت اتواصل معاهم واي فرح لهم اروح وارقص
بس حاليا في فتور بعلاقتنا يعني امي ماصارت فاضيه وبنات جيرانا تزوجو
انا مااقدر انزل عندهم لانو بدون امي مااقدر
تعبت نفسيا الولد خلص معي جامعه وكان نفس تخصصي وكان يجيب ليا اسئله ويعطيها اخوي وابوي
ودحين طالع بعثه وسمعت من بعيد انو بيخطب بس مدري كيف اخليهم يخطبوني كان عندي اخوات اكبر مني لو كانو يبغون يناسبونا كان خطبو زمان منا صح
في افراح اخواتي اسوي فساتن مميزة واحط مكياج حلو
الكل كان يقول عليا زي الفنانات ومايصدق اني حربيه
ايش اسوي مرة نفسي اتزوج
نفسي اكون أم ،,نفسي احس احد يحبني واكون كل حياته وهو كل حياتي
نفسي احد يكون نصفي الثاني ايش اسوي والله خلاص طفشت