ساعديني بليز تعالي لكل جداوية

هلا اختي
بالنسبة للمقينة لسة موجودة وبصراحة ماقد جربتها الا في صبغة وماعجبتني.. بس سمعت ان احسن اللي كانو يشتغلو عندها زمان واللي هما عواطف مكياج وفوزية شعر راحو صالون سيرينا.. ماعندي اي معلومات غير انو كثير يمدحو بس خطيبة اخويا ماطلعت تمام يوم شبكتها.. بصراحة خبصوها مرة بس سمعت عن ناس راحولهم وطلعو شي خيال.. ماعرف الموقع ولا الرقم
نوارة... مانصح فيه لعرايس مادري ليش
اروى الغامدي شفت شغلها مرة زمان على وحدة قريبتي في شبكتها وشفته على صور عرايس........حلو وعجبني بس فيه أحلى وعندي رقم جوالها بس ماقدر احطه لانه ممنوع وما اقدر ارسل رسالة خاصة لان لسة مشاركاتي ماوصلت 30.. بس اعتقد انه موجود على النت
ريما في ماقد جربته بس سمعت ان تعاملهم زفت بس شفت وحدة من صاحباتي يوم شبكتها ويوم فرحها كان حلو بس الالوان كثيرة
جاك ديسانج في مركز الخياط شارع التحلية
مانصح فيه للفرح.. مرة بسيط بزيادة على ستايل اجنبي الا لو رحتي لنهى في الماكياج شغلها حلو وانا ماروح لغيرها من فترة طويلة بس خلاص قررت اقاطعهم بعد الموقف الزفت اللي صار لي معاهم قبل اسبوعين.. مواعيد ماهي مضبوطة ابدا وكدابين بشكل لدرجة اني خرجت من عندهم الساعة 9 وانا موعدي 5على رجلي ولسة مامسكوني ونطيت على بثينة والحمدلله لقيتهم فاتحين.. حجزت نهى وقالو طيب وحطوني مع وحدة تانية.. بس لو حابة تروحي مانصحك الا بنهى مكياج وشعر نبيهة فقط..
على فكرة لو اول مرة تروحيلهم نصيحة لا.. لاني لاحظت انهم يضحكو على الناس اللي لسة جدد.. عادي والله بنفسي شفتها الحركة.. وحدة ضعيفة عشان متورطين يوم جمعة فتحو ومافي عاملات خلو وحدة من اللي يسوو الشعر تعملها المكياج لانها جديدة وماتعرف هي متخصصة في ايش وخبصتها وسكتت البنت وماقالت شي..
لاتروحي الا وانتي محددة مين تبغي بالاسم
نجي للزبدة.. انا يوم فرحي قبل 5 اسابيع رحت منا سنتر مكياج في الخالدية عند نجلاء.. مو ذكرى زي مايتحاكو البنات هنا..عليها اخلاق عسل وشغل محترفين.. وماشاء الله لاقوة الا بالله ليومك هذا الناس يحكو ويتحاكو عن طلعتي يومها.. وهي نجلاء نفسها ماصدقت ان هذا شغلها وطلبت صورتي عشان تعرضها عندها للزباين لو زوجي وافق..............طبعا مارضي
عنك كمان بثينة.. فرع المساعدية مو التحلية مع مدام بثينة نفسها يقولو حلو بس بصراحة ماشفته
والشيخة في شارع صاري.. اللي هيا اخت اروى الغامدي برضو شغلها حلو ومرتب وشفته بنفسي وعجبني بس ماعرف الرقم
الله يوفقك يارب ويتمم عليك وعلى نياتكم ترزقون واتوكلي على ربنا.. مابغى منك غير تدعيلي ربي يوفقني مع زوجي وفي شغلي ويبعد عننا الهم

المقنيه موجود قبل فتره مسويه ميك اب عندهم

انا زيك ياعسل محتارة اروح اروى الغامدي ولا الشيخة
ياريت البنات يقولوا مين احسن ؟ زايش رأيهم في اروى الغامدي بالذات...؟؟
انا يوم ملكتي رحت ريما وعملت مكياج عند لينا وشعر ردينه
طلع شكلي جناان بصراحه
الكل سألني فين عملت مكياجي وبالععكس ما كان كثير كان مرتب وحلو بس ماراح اروح ريما في فرحي لسببين
الاول عشان التغيير والثاني عشان معاملتهم زي الززفت بصراحه يخاصمون كأنهم يعملون لك ببلاش مو بفلوسك بالذات لينا هذي ماحبيتها بس تشوفينها سواليف وضحك مع زباينها المعروفيين والزحمه موطبيعيه لان يوم ملكتي كان في 10 عرايس ماشاء الله بس عند لينا مع انه مو موسم كان في ذو القعدة وانا منت رقم 6 خرجت الساعه 10 ونص

والله ياأختي انصحك تروحي ريما شغلهم مره حلو
عند لينا المكياج او الشيخه شغلهم مره حلو
والله يوفقك ان شاء الله ودعواتك

اول شي نوارا بس تنظيفات
ريما معاملة مرة زفت الكل يقول
جاك والله مااعرف عنو شي
اروى الغامدي كانت تشتغل بالشيخة يقولو حلو مكياجها
بس في احلام المها حلو مكياجهم غريب
اما المقينة المكياج عواطف شي بس اعتقد فوزية اللي لشعر خرجت لها مشغل ثاني
اي استفسار انا بالخدمة

حبيبتي المقينة موجود
واللي دايما يمدحو منة سنتر
ويقولو مها ابو الفرج اللي كانت في مقينة وفتحت محل لوحدها اسمو احلام المها يمدحو بس انا لسه ماجربتهم ومحتارة بينهم مها او منة سنتر

hi rema o dear they r very bad and their make upr very heavy ,megynah are old fashion,buthinah is good but not in ur wedding,menah center is good and alshekah all pepole say that they r good,anyhow dear u r the only one can make ur make up good by giving them the instruction and do no let them do whatever they want,and do not forget to make a brova then u take u r photo to see if u look good or no,,,,goodluck

أنصحك منه سنتر روعه وخصوصا ميك اب سلطانه والله يوفقك ويرزقني بالزوج الصالح ويستر علي

شيخة عند أميرة الغامدي ومانا سنتر عند نجلاء
وادعيلي بالتوفيق