سالفتي سالفه مع زوجي اتمنى الاقي حل

1. وبعدها بنص ساعه يجب شنطة اغراضي وظليت على هلموال سنين


2. تزاعلناوظليت فتره مااكلمه لكن بعد فتره رجعنا تصالحنا


3. يعني شخص يبيعني بهطريقه كيف اطمن له ..؟؟


4. قلت له بطبخ عليه كبسه عندك مانع ؟؟


5. اهو خذ الجوال من وسط الماي وظل جالس شوي وطلع


6. سكت وهديت السالفه لكن اللي غايضني فيه حبه للجوال شي غريب عجيب


7. اليوم الصباح رحت المستشفى مع ولدي

ولله مو عارفه من وين ابتدي ومن وين انتهي
صار لي 16 سنه متزوجة ونا من هم الى هم اكبر منا
اول زواجنا كان خلافاتنا على اهلها وكانت الامور ماشيه وزي مايقولون يوم لي ويوم علي
بعد 3 سنوات طلعنا في شقه لحالنا لكن تغيرت مشاكلنا ماعادت زي اول على الاهل
بدا اهو يختلق المشاكل ليش تأخر الغدا وين حطيتي ثوبي بدا يطردني على اتفه الاسباب
والمشكله مايقولي روحي بيت اهلك يظل زعلان مني ومايكلمني اذا صار يوم الخميس ورحت بيت اهلي يتصل فيني يقول ظلي مكانك ماابيك وبطلق او يتصل في اخوي او ابوي يقولهم ماابي بنتكم

وبعدها بنص ساعه يجب شنطة اغراضي وظليت على هلموال سنين

قبل 8 سنوات فجئا اكتشفت في جواله رسايل غراميه بس نغزني قلبي قلت مافي رجال يرسل حق رجال ذا الكلام فتحت الرسائل المرسله لقيت كل الرسائل الغراميه اللي انا كنت ارسلهم له ينرسلون لنفس الرقم اللي تجيه من رسايل
قررت اتصل من جوالي واكتشفت انها حرمه جاني انهيار وبديت ابكي واصارخ وجيت له واجهتا بلحقيقه
قال لي هذه واحد من خوياي موزع رقمي وهذي كانت مزعجتني برسايلها وقص علي ابليس وبديت اراسلها بس ولله توبه ماراح اعيدها

تزاعلناوظليت فتره مااكلمه لكن بعد فتره رجعنا تصالحنا

قبل سنتين كان في خلاف بيني وبينه وكلعادة طاردني بطريقته المعتاده يوديني بيت اهلي وبعدها يتصل يقولي لا عاد تجين ظليت شهرين بيت اهلي وتدخلو اخوانه وجاو حلو المشكله مع ابوي وهو جاني متندم في بيت اهلي المهم رجعت عنده وبعد كم يوم جاتني فكره او اللهام افتش سيارته وشفت جوالين
مخبيهم في السياره لكن مامداني افتحم جا خذه مني صارت الفوضى والهوشه ودخلت غرفتي كسرت كل شي قدامي حتى شاري لي هدايا 4 غراش عطور كلهم كسرتهم وظليت 3 ايام بدون اكل وشرب من جد انهرت على الاخر اهو خاف علي ودق على ابوي جا ابوي اخذني وظليت بيت اهلي كم يوم قالي ابوي يبنتي القرار لك تبين ترجعين او لا بس خذيها نصيحه واجد رجال زي زوجك ولو يصير طلاق على سوالف جوال كان نص الديره مطلقين فكرت في عيالي وهو كل ساعه واتصل على ابوي يسئلني كيف صرت وكيف وضعي( يزعم خايف علي) ورجعت البيت لكن انا بغرفه وهو بغرفه محتقرته على الاخر 4 شهور ونا معه في وسط البيت بدون كلام اذا نقص شي في البيت ارسل ولدي له
ظليت اراقبه بدون مايحس وخذت جواله وهو نايم دخلت على السجل اللي يحتفظ بارقام قديمه اللي من كم شهر تم الاتصال فيهم المهم طلعت كل الارقام وجربتهم وطلعت الارقام كلهم اتصلت من جوالي طلعو ارقام ربعه الا رقم واحد جربت ادق عليه مايرد اخذت جوله وهو نايم ودقيت على طول ردت قالت اهلين ونا ساكته
اخر شي قلت لها
اهلين وسهلين
هي تفاجئت عرفت اني زوجتة سكرت
رجعت اكرر الاتصال ماردت
بلاخير ردت قالت شوفي ماله داعي اتخبى اكثر من كذا
انا سبق وكلمت صاحب هذه الجوال لكن بلغلط لكن شوي شوي تطورت وبديت اكلمه
كنتي انتي في بيت اهلك وهو طول فترة مكالماتي معه مايتكلم الا عنك وقال انك دايم على خلاف وهو يحبك بس انتي مو جايه تفهمين عليه يعني مجرد يفضفض لي لكن له شهور ماكلمني
قلت لها شوفي اللي عنده مشكله ويبي يفضفض يتكلم مع شخص قريب له مشان ينصحه ويدله الطريق الصح وزي مايقوول في القران حكم من اهله وحكم من اهلها
هذه كلام القران مو كلامي
اما انه يلتجي 3حق بنت شارع ويبيها تحل له مشاكله عمري ماسمعت بكذا
هي سكتت وماردت علي قلت لها الشرها مو عليك الشرها على زوجي اللي يدور حلول عند اشكالك والشرها على اهلك اللي وثقو فيك وعطوك جوال وسكرت
المهم
ظلينا بعدها شهور ماتكلمنا لبعض لكن شفته تغير ماعاد زي اول هون مايطرني هون مايسبني ولا يغلط علي وعلى اهلي قدامي كعادته محترمني على الاخر ومداري على مشاعري
للامانه زوجي مصلي صايم كريم معاي مايقصر عن البيت ولا عني من اول ما تزوجناولا حتى يمد ايده علي
بس فيه صفة الغدر لما يوديني بيت اهلي يوم الخميس ينتظرني ادخل ييدق علي يقولي لاعاد ترجعني

يعني شخص يبيعني بهطريقه كيف اطمن له ..؟؟

حتى اخوانه لما جاو يصلحون الموقف خبرتهم بكل تصرفاته معي وكيف طريقته لما يجي يطردني وعن الفاضه معي ولله اخوه انحرج من ابوي وقال بصوت واطي سود الله وجهك من اخو
استمرت علاقتنا من اخر موقف بين المد والجزر يعني احيان اروق معه ولما اتذكر انعفس لحالي ومااخبره ازعل بيني وبين نفسي كم يوم الى ماهداء اهو يشوفني بلوضع هذه لكن مايبي يجي يسئل يخاف اصدع راسه كنت اتمنى يجي ويقولي كلام يطيب خاطري لكن مايحصل انتزعت الثقه بيني وبينه لكن مااتظاهر له اني مااثق فيه مره دخل السوق واشترى لي 3مجموعة عطور يمكن 3 او 4 علب
دخلت السوق وشريت له 6 غراش عطر وقلت له شوف قد ماتعطني من هدايا وكلام طيب بعطيك دبل اللي تعطيني انا مو ناقصني عطور انا ناقصني حب ناقصني امان محتاجه اثق فيك محتاجه استند عليك مااتذكر يوم صارلي موقف حزين وقفت معي فيه حتى لما مات جدي بدل ماتقولي عظم الله اجرك طرتني
اي مصيبه تحل علي دايم في وقتها تتخلى عني ظل ساكت ماتكلم
المهم استمر مشورانا بين المد والجز احيان تشوفوني اعمل ليلة رومنسيه واجهز الغرفه من شموع وفواكه وانثر ورد على الغرفه واحيان تشوفوني مكتمه مالي خلق حتى اشوف نفسي بلمريا
جا عيد الاضحى يعني يقبل اسبوعين فتحت جواله ابغى رسايل مشان العيد انقلهم
حست اشوي في الجوال لقيت رقم اتصلت من جوالي طلعت وحده قلت لهانوف ؟؟قالت لا غلطانه وصوتها كنها حرمه كبيره في السن سكرت دقيت من جواله اهو ردت علي قلت لها ريم ؟؟قالت لا يمه مو ريم وعلامك كل ساعه داقي علي من كم رقم مو عيب ؟؟قلت لها ونتي مو عيب اشوف رقمك في جوال زوجي قالت من زوجك استحي على وجهك ونا كبر امك سكرت من عندها شفت رقم جوال ثاني دقيت مايرد
رحت له وقلت له من صاحب هذه الرقم اهو شافني معصبه فهم السالفه قال هذه وحده زاعجتني قلت له طيب دام الجوال مزعج انا عندي لك حل
دخلت المطبخ وجبت صحن عميق حطيت الجوال فيه وصبيت عليه ماي قال وش سويتي

قلت له بطبخ عليه كبسه عندك مانع ؟؟

اهو خذ الجوال من وسط الماي وظل جالس شوي وطلع

كود وقتها الجوال خلاص راح في خبركان ظليت اتصل على الرقم الثاني مايرد ومن كثرا تصالي اغلق الجوال فهمت وقتها ان الرقم هذه اهو صاحبه دزيت له مسج وقلت له ماله داعي عرفت انك صاحب هذه الرقم بعد كم يوم جا وحلف لي على عمره لا اهو يعرف الحرمه هذه وان اهي اللي زاعجته والرقم الثاني رقم صديقي قلت له رقم صديقك ليش مايرد مستحي مني اهو اساس مايعرفني قال مدري عنه
وظلينا طول ايام العيد مانكلم بعض وهو يبي يحل الموضوع معي ونا مطنشه حاول يدخل بنت اخته في الموضوع قال لها ولله احبها ولا عمري خنتها بس اهي مو جايه تثق فيني يمكن عندي اخطاء سابقه لكن الان كل شي كبيته ورا ظهري هي جات وبلغتني بلكلام هذه خبرته بسالفه الحرمه الكبيره والرقم اللي مايرد علي قلت لها ودينك وصلاتك وصايمك انتي مكاني بتشين او لا قالت بصراحه الوضع مفسر نفسه اكيد اهو صاحب الرقم الثاني ولا اذا على قولته صديقه ليش مارد عليك قلت لها خلاص يعني انا ماانلام
قالت هدي الوضع وسايريه يمكن تنكشف السالفه

سكت وهديت السالفه لكن اللي غايضني فيه حبه للجوال شي غريب عجيب

قبل يومين وهو نايم حطيت جواله في الماكيرويف وشغلت عليه 10 ثواني انتهى اجل الجوال
رحت نمت جلست الصباح تعبانه ضربت عندي الكلى اهو شاف جواله خربان ظل ساكت قلت له ودي المستشفى وداني دخلت كشفت علي دكتوره قالت لازم دكتور الجراحه يشوفك احتمال دوده زايده انا استحيت قلت لها اوكي بس ابغى زوجي يكون معي لحظه اناديه طلعت ادوره في المستشفى مالقيته طيب كيف ادق عليه جواله خربان قلت يبنت دقي شكله راح يصلح الجوال مايصبر بدونه اتصلت ورد قلت وينك قال انا بلمحل جوالي خربان وشريت جديد قلت له مسرع اشدعوه مافيك صبر وسكرت
رحت لدكتور قلت بدخل عليه لحالي ولله من شدت الوجع ماقدرت اصبر قالو لي الدكتور استدعوه غرفة العمليات وراح
اتصلت فيه فيه لازل في نفس المحل قلت له خلاص انا برجع البيت قال انتظري اشوي قلت له ولا دقيقه برجع البيت مشي وخل الجوال ينفعك
ولله طلعت من المستشفى مو عارفه راسي من رجي من الألم ومن حرقت اعصابي شافني بنص الطريق قالي اركبي
قلت له شوف ولله لو ماتمشي اللم عليك خلق الله واقولك انك تلاحقني اهو سكت
ونا كملت مشواري الى البيت اهو راح العمل ونا ظليت اتوجع طول اليوم ولا حتى اتصل ولا قالي كيف وضعك الان وهو كان مداوم في العمل 24 ساعه المهم المغرب دقيت على سواق وجااخذني اناو عيالي ورحت المستشفى عطوني ابره ورجعت

اليوم الصباح رحت المستشفى مع ولدي

هو جا البيت ماشاف احد اتصل على اخوي يسئله عني قال ماادري وللع عنها اتصل في امي وخبرها اني عصبت عليه وقلت له بلم عليك خلق الله انزعجت علي وظلو يتصلون علي وامي هزئتني وقالت بنت الحمايل ماتطلع بدون علم احد ليش سويتي كذا ؟؟انا سكت يعني تبين اقولها السالفه اقولها على سالفه جوال وعن سواد وجها اتصلت في اختي قلت لها شوفي بلغي امي قولي لها انا مومرتاحه وابي اتطلق
وهذه انا جالسه في المجلس طول اليوم لا كلمته ولا شفته وهو يسرح ويمرح مع العيال ولا كنه مسوي شي القهر اذا السالفه سالفة جوالي او جوال ولدي بلموت يفكر يوديه يصلحه وهو جواله اذا اخترب خلال نص ساعه شاري له جوال جديد ابي اعرف سر حبه للجوال ؟؟