سر استجابه الله الكريم لدعائي

السلام عليكم ورحمه الله وبركااته
بعد السلام نصلي ونسلم على الهادي البشير نبينا محمد عليه اتم
الصلاه والتسليم
،
كثير من المسلمين سواء رجال او حرمه يدعون الله سبحانه وتعالى
لكن .!!
هل كل الدعوات استجيبت .؟!
,
عشان نكون صريحين بعض الناس تجي في بالها مليون سؤال .؟
طيب لييه .؟!
ياجماعه الخير الدعاء مو بس كلام ونقوله ولا طلب امنيه و نطلبه لا الي يفكر
ان الدعاء كذا غلطان طيب اكيد بتقولون لي كيف .؟
لدعاء شروط ومو صعبه ابد راح نتعرف على اهم النقاط لاستجابه الله دعائنا
بعد رحمته مااعلم الغيب واقول لكم 100% راح تستجيب دعوتكم لكن انا
اتبعت النقاط المكتوبه واشوف ان الله يستجيب لي اغلب دعائي
والحمدلله
اول واهم النقاط ( الحمدلله)
انظري انتي تدعين وتطلبين من مين .؟
بيكون جوابك الله سبحانه وتعالى طيب تعرفين عظمته وفضله عليك.؟
سؤال ثاني ممكن تعددين النعم الي انعم الله عليك .؟
اعطاك اول نعمه نعمه الاسلام ونعمه الامان ونعمه السمع والبصر و..الخ
تقدرين تحصين نعمه الله عليك <---- مستحيل
نعم الله على عباده كثيره فكري فيهاا
طيب قبل لا تدعين وتطلبين من الخالق العظيم حاجتك بسألك سؤال .!
هل شكرتي الله على النعم الي انعم عليك بها طيب اذا الاجابه بنعم فالحمدلله
انتي فيك خير ، لكن كم مره شكرتيه .؟
هل الله اعطاك نعمه البصر يوم او يومين او ثلاثه بعدها تنعمين .؟
هذي بس نعمه البصر كيف النعم الثانيه طيب مو الافضل تشكرينه بعدين تطلبينه
لاتشكرينه مره ولا اسبوع ولا شهر ولا سنه ولا دهر اشكريه بكل وقت لان نعم الله بكل
وقت وماتزول الا نادر خلي لسانك
يردد اللهم لك الحمد حتى ترضى ولك الحمد اذا رضيت ولك الحمد بعد الرضا بعضكم يقول
يوه طويله >< مااقدر اقولها كل يوم >< ، طيب كلمه وحده تكفي
قولي ( الحمدلله ) صعبه كمان او طويله .؟!
ليش نبغى الله يستجيب لنا على طول واحنا مانشكره كثير
ثاني شي توبي عن المعصيه
مافيه احد ماعنده معاصي الكل عنده معاصي محد معصوم من الخطاء الكل بيغلط وبيعصي
الله >< ،سؤال كيف لك بتدعين الله وانتي عصيتيه لك وجه تطلبينه وانتي عصيتيه .؟
طيب انتي توك تقولين ان مافيه احد مايعصي تبغينا ماندعي ..؟
لا لابد فيه حل بسألك عمرك اذنبتي ومااستغفرتي وتبتي بعد المعصيه حتى لو كانت تافهه.؟
، انتي تدرين ان لما تسوين معصيه ثم تصلين ركعتين وتستغفرين الله يغفر لك
بعد رحمته ، قال الرسول صلى الله عليه وسلم
(مَا مِنْ عَبْدٍ يُذْنِبُ ذَنْبًا فَيُحْسِنُ الطُّهُورَ، ثُمَّ يَقُومُ فَيُصَلِّي رَكْعَتَيْنِ ، ثُمَّ يَسْتَغْفِرُ اللَّهَ إِلَّا غَفَرَ اللَّهُ لَهُ ، ثُمَّ
قَرَأَ هَذِهِ الْآيَةَ : "وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا
لِذُنُوبِهِمْ وَمَنْ يَغْفِرُ الذُّنُوبَ إِلَّا اللَّهُ وَلَمْ يُصِرُّوا عَلَى مَا فَعَلُوا وَهُمْ يَعْلَمُونَ") . صححه الألباني في
صحيح أبي داود ، يعني لاتدعينه وانتي عاصيه كيف تبغينه يستجيب لك وانتي عصيتيه شلوون.؟
طيب الله هو ال اله هو حر يستجيب ولا لا امكن هذا العاصي سوى في السر عمل صالح
وبرحمت الله سبحانه لانه رحيم رحمان يستجيب الدعاء حتى لو كان الانسان عاصي
بس تأكدي ان في استجابه الله لدعاء العاصي لحكمه الله كل شي يقدره في هذي الدنيا لحكمه
لذالك اي ذنب تذنبينه صلي بعده ركعتين واستغفري انتي الكسبانه مو احد غيرك
اولا تكسبين رضاء الله سبحانه وتعالى ومين مايبغى رضا الجبار الكبير
لكن بشرط .! وانتبهي لهذا الشرط زين لاتتوبين لمجرد تبغين الله يستجيب لك دعائك لاا والف لا
الله يعلم الي بقلبك لذالك انوي توبتك تكون لرضاء الله عليك
ثالث شي الرضاء بالقضاء والقدر
اعترف لكم ان الرضاء بقضاء الله وقدره غير حياتي كثير كثير كثير ، مو بس بأستجابه الدعاء والحمدلله
اول شي بقولكم كيف غيرت حياتي الحمدلله واسأل الله ان يثبتني ويجعل هذي الصفه فيني ماتتغير
آمين يارب العالمين ، اول ماتحل علي مصيبه او مشكله كبيره مااقولكم ماابكي طبعا مو دايم بس اغلب الاوقات اكتفي بالدموع
واحمد الله على المصيبه ثم اقول (اللهم ان كان هذا قضائك وقدرك فاللهم اني راضيه بكل ماقدرته لي
من خير وشر اللهم اني راضيه بقضائك اللهم اني راضيه بقضائك ) ، اقسم لكم بالله بأقرب فرصه
تنزل عليك سكينه وطمئنينه غير طبيعيه وتحسين بعدها بسعاده حتى لو
كانت الصدمه قويه , مره من المرات ضاقت علي الدنيا وكنت
محتاجه فلوس كنت مكتئبه بعدها رفعت راسي لسماء وقلت
اللهم ان كان هذا قضائك وقدرك ان ماتكون مامعي فلوس فاللهم اني رضيت بقضائك وقدرك
من اليوم الثاني جاتني فلوس لحد عندي سبحان الله وربي من الفرحه كانت بتسيل دموعي
غير كذا متى مادعيتيه بأذنه ورحمته يستجيب لك لانك استجبتي لامره ورضيتي بقضائه وقدره
والله الرضاء بالقضاء والقدر بعد الله شي عظيم بس كثير غافلين للاسف ><
قبل كم ساعه صارت بيني وبين اعز صحباتي بالمسن سوء فهم وتحولت الى مشكله <---- يارب لاينعاد من يوم ><
وبما اني انسانه وللاسف عصبيه كبرت المشكله بعد الجدال بعدين خرجت من المسن نظرت لسماء
وعيوني كلها دموع وقلت اللهم انك تعلم اني راضيه بقضائك وقدرك فاللهم لك الحمد والشكر اللهم اني
اعلم ان لقضائك وقدرك حكمه فاللهم اني رضيت بحكمتك وقضائك وقدرك فاللهم لاتجعل لشيطان سبيل بأن
يسبب بيني وبين فلانه مشاكل يارب وجلست بالكثير 5 دقايق او اكثر
اردد الحمدلله على القضاء والقدر بعدها جاتني رساله اعتذار اثلجت صدري ^__^ وبعدين تراضينا <-- ماشاء الله تبارك الرحمن
بنات انا مااقول لكم هذي القصه عبث ولا فضفضه ابي ابلغكم بسرعه استجابت الجبار لدعائي بسبب
الرضاء بالقضاء والقدر
رابع شي قدره الله جل جلاله + الثقه به سبحانه بأنه قادر
اش هي قدره الله .؟!
الله سبحانه وتعالى قادر على كل شي اعرف ماجبت شي جديد لكن مو كل الناس مهتم فيهاا
طيب بعضكم يقول جيبي مثال اوك راح اجيب مثاال ، مره من المرات وحده عندها مشاكل برحمها
وقالها الدكتور احتماال اذا تزوجتي ماتنجبين اطفال انا قلت لها الله يقدر بس يقول كن فيكون وتجيبين طفل
قالت عارفه >< مدري قالتها عفويه ولا لا الله العالم لكن المفروض تقولين ونعم بالله او الحمدلله
قوليها وكلك يقين بأن الله قادر ، ثاني شي قلت لها شوفي الله رزق زكريا طفل بعد عمر طوييل وهو
رجل كبير وعجوز ربي قادر ورزقهم بطفل قالت لكن زكريا نبي , سبحان الله >< يعني ماتثقين بأن الله
يقدر ويخلق المعجزه فيك ويرزقك بطفل .؟ يعني قدره الله ومعجزته بس للأنبياء او الصالحين -_- .؟
لا طبعا الله يقول تبارك وتعالى انا عند حسن ظن عبدي
بي فليظن بي ماشاء ، حتى لو كان الشي مستحيل لاتستحيلينه على الله يعني مو صعب على ربك
لاتقولين انا عاصيه انا مو صالحه مو شرط اهم شي ثقتك بالله كبيرره رددي انا املي بالله كبير انا اثق
بأن الله مايخيبني مو بس قول ايقنيها من قلبك لاتشكين ولا 1% ثقي ثقه تامه بأن الله يسمعك
وبأن الله يراك ويعلم مافي قلبك يعلم الله انك موقنه بأنه قادر ومو مستحيل انه يحقق لي حلمي
استغرب من بعض الناس تروح لوحده صالحه وتقول لها ادعي لي , ليش تدعيلك ...؟!
ليش تحطين بينك وبين الله واسط ليش ماتؤمنين وتثقين بأنه بيستجيب لك مو انتي تعبدينه .؟
مو انتي تحمدينه .؟ مو انتي ترضين بقضائه وقدره .؟ مو انتي تتوبين له كل مااذنبتي طيب لييش
تخلين انسان ضعيف مثلك يدعي لك هو صح مو حرام وعادي لكن كأنك موقنه بأن الله بيستجيب من فلان
الصالح ومايستجيب مني انا صح ولا لا .؟ ، ماجبت كلام من عندي هذا الواقع بمجتمعنا للأسف
جربي منتي خسرانه شي الله رحيم رحمن بس جربي وانتي موقنه بأن الله قادر على ان يستجيب
لك دعائك و متأكده بأنه سيستجيب دعوتك ولو بعد حين
مو شرط على طول اعرف راح تقولون انتي تقولين ان الله يستجيب الدعاء بهذي النقاط الي
بالموضوع طيب ماقلنا لا لكن انا مااعلم الغيب وكمان قبل ابيك تجربين النقاط الي كتبتها وانتي
موقنه وواثقه بأن الله يقدر اذا شاء ان يستجيب لك ويقدر اذا شاء ان يؤجل دعائك
الى متى الله اعلم ويقدر اذا شاء ان يعطيك
بدل استجابه الدعاء حسنات
بنات ظنو بالله خير وثقو به صدقوني ماراح تندمون
وبأخر شي بقولكم على دعاء راائع لكن بشرط لازم توقنون بأن الدعاء لوحده ماراح ينفعك
نبغاء دعاء + ثقه بالله عز وجل ، الدعاء هو
طبعا انتي سألتي الله بشي عظيم اول شي افهمي الدعاء قبل لاتقولينه مو بس نقوله ونطلب حاجتنا
وننتظر استجابه الدعاء ، انتي قلتي اللهم اني اسالك بالقدره التي قدرت بها اهل السموات والارض
يعني يالله انا اسالك بقدرتك بهذه القدره العظيمه التي لايملكها سواك بكل شي قدرته بالسماء واهل
السماء وبكل شي قدرته بالارض واهل الارض شفتو كيف عظمه الله سألتيه بشي عظيم
نعم الله لاتحصى والله قدر اشياء كثيره لانحصيها سبحانه
اكرر ادعو الله وانتم موقنين بأنه قادر بأنه سوف يستجيب لك ، عاد كل وحده وثقتها بالله وكل ماكانت الثقه
اكبر راح تشوفين كيف الله يستجيب دعائك بسرعه بنات انا مااعلم الغيب لكن هذا الي اشوفه يحصل
ولاتيئسين إذا يئستي يروح تعبك كله وصدقيني ماراح يطول الوقت وانتي تدعينه الا برحمته استجاب لك ماتتمنين
ولاتيئسين ولا ييأس من رحمة الله الا القوم الكافرون
اتمنى منكم ان تستفيدو من موضوعي مثل مااستفدت وكل وحده طبقت النقاط الي قلتها
والله استجاب دعائها تجي تكتبها هينا وانا متأكده بأنكم راح تجون وتكتبون ان الله استجاب لكم دعائكم
للامانه خواتي الموضوع منقول
اللي يعجبها موضوعي تدعيلي من قلبها ربي يوفقني بوظيفه واصرف على امي عاجلا غير اجلا اختكم ذكريات