سر طول شعري واعتذر عن التأخير

اخت من المجموعات سالتني عن سر طول شعري
حبيت افيدها هي واي وحده تحب الشعر الطويل..
اولا يمكن ما قصيت شعري ابدا غير مره وحده قصيته مدرج على طوله بس ندمت وبكيت وطلبت من زوجي حتى لو اطلبه وازعل لا يوافقني ويوديني المشغل عشان قص ابدا
ثانيا ما خلي الكوفيرات يلحقونه الابالمناسبات الخاصه زي زواجات الاقارب جدا
واي شي احب اسويه اسويه لنفسي بيدي اصبغ اخصل كل شي لاني بصراحه احس شعري ينحرق مجرد ما اسلمهم اياه خصوصا الصبغات اجلس ست شهور اعالج فيه
ثالثا وذا الاهم الاستشوار الاستشوار الاستشوار ابتعدي عنه قد ما تقدرين اقول لك كم استخدما مره بالشهر يمكن ما استخدمه ولو استخدمته مره وحده تغيير لو حبيت واحس شعري من الجوانب قدام كانه انحرق
بعد غسل الشعر استخدمي فاشكول بالثوم او اي بلسم يناسب شعرك وبعدين خليه براحته ينشف وبعدها سرحيه وحطي اي ريحه حلوه ولفي لفه قويه واذا تعرفين اللفه الي تلف على الكف وبعدين تحطين اي شي بعد ما تخرجين يدك (بسراحه ماعرف اسمها بس تطول وتنعم)
ولا يمر اسبوع بدون ما تزيتينه باي زيت المهم ينحط زيت وعشان يتغذا وينعم عندك الزبادي وصفار البيض والمايونيز رهيبه نعومه طول تغذيه ولو مع زيت جدايل الاحمر جد يطول والله
وطالت اعماركم وشعوركم بطاعة الله