سمك الكنعد والروبيان

طيب اولا خذي الكنعد
ولما يفك من التجميد تماما ملحيه تمام بكميه وافره
واتركيه ساعه
بعد كذا اغسليه من الملح
واتركيه على جنب
الحين جهزي البهار وهو عباره عن
بهار عادي
كاري
كركم
وبودره ثوم
عصير ليمون
قليل من الملح
افركي الشرايح فيها وبعد كذا
غمسيها في الدقيق واتركيها نص ساعه على الاقل
واقليها على نار هاديه
واكليه مع رز ابيض
......................................
الصياديه مره حلوه بالكنعد وممكن بالروبيان وكلهم نفس الطريقه ولكن تجهيزهم غير
اولا الكنعد اتبعي نفس الخطواتالسابقه ولكن لا تغمسينه بالدقيق اقليه بدون دقيق
والروبيان قشريه وشيلي الخيط الاسود او الاخضر الي يجي بظهر الروبيان لأنه مسبب للعقم وانتبهي له زين
بعد كذا اغسليه زين وحطيه في قدر بدون مويه ولا شي فقط شوي كركم وملح
واتركيه على نار متوسطه لما تحسي انه نضج نصف نضج وطلعت مويته
بعد كذا اشخليه واتركيه
خلصنا من اعداد الكنعد او الروبيان الحين نبدا في الصياديه
اسلقي رز معاه ملعقه كمون حب وملح
لما ينضج ثلاث ارباع النضج
بعدين حياتي
اشخليه واتركيه
وفي القدر حطي بصل مفروم ناعم وثوم مهروس وشرايح زنجبيل خليه لما يحمر مع شوي زيت
بعد كذا اضيفي البهار وملعقة معجون طماط
وكزبره مفرومه ناعم
ااضيفي له الحين مقدار نصف كوب من الرز واخلطيها معه
وبعد كذا صفي شرايح الكنعد او الروبيان
وبعدين حطي الرز الباقي كله
وصبي شوي زيت عليه واتركيه لمده نصف ساعه
والحين اكشفي القدر وقولي ياسلام
على الريحه الي كذا
واتمنى اكون افدتك