سنة من زواجي

اهم شي اشتري تذكار واكتبي عليه كلام حلو واكتبي التاريخ وغلفيه للذكرى وبرضو اشتري له هديه وغلفيها مثلا بجامه حلوه او عطر او ساعه وغلفيها وحطي معها كرت واشتري لك لبس تكوني اول مره تلسبينه عنده يعني تنوره قصيره اذا ماكنت متعوده عليها او قميص نوم بموديل جديد على زوجك بعدين جهزي الغرفه باضاءة الشموع والورد المجفف وجيبي تورته واكتبي عليها عباره حلوه ومعها عصير على الطاوله او لو بغيتي نسقي مع مطعم يجهزون لك طاوله وفاجئي زوجك بالدعوه واذا رجعتوا قدمي له الهديه

مرحبا حبيبتي ,,
بالنسبه لتغيير في البيت اول شي تسوينه هو غرفة النوم اشتري كفرات جديده لاتشترين لحاف جديد واشتري كفرات للمخدات الصغيره خليهم ساده ويفضل اللون الازرق تراه حلو وتحسين بالتغيير لو حطيتي لحاف ازرق .. واشتري شموع متنوعه ومختلفة الطول وحطيهم على الطاولات الصغيره اللي في الحجرهواشتري ساعه وعلقيها في مكان يبين وغيري اللوحات ويفضل لو غيرتي الطاوله اللي بالصاله لو كان عندك صاله او تغيرين المفارش اللي عليهم وحاولي تغيرين اماكن الطاولات والكنب واشتري سجاده صغيره انا شريت سجاده فرو روعه من ذا ون وفعلا غيرت شكل الغرفه وحطيتها صوب التسريحه وشريت صندوق لساعات زوجي وصندوق لاكسسواراتي فعلا غيرت شكل التسريحه

وفكرة اختي زهور حلوه انا سويتها شريت له بجامه من نكست في بيجامات للرجال وايد حلوه وحطيتها في صندوق مبيت >>> اهدتني اياه اختي يوم زواجي واستغليته ههه وغلفت الصندوق بنفسي وحطيت عليه شريطه وداخله نثرت عليه ورد مجفف لاتشترين عطر لانها هديه متوقعه واكيد بيكون متوقع هالشي اشتري له طقم ازره ومحفظه وقلم انصحج بمونت بلاك ماركة راقيه ومناسبه للمناسبات والله يوفقج ويخليكم حق بعض مب سنه مليون سنه

السلام عليكم حبيبتي اشلونج يا ام سواف
شوفي اذا تبينها ليله رومنسيه خلي فستانج و الملابس الي بتلبسينها بيضه يعني كأنها لية عرسكم هذي حركه حلوه وانا الصراحه افكر اسويها انشالله اذا كملنا سنه يعني في هاليله سوي الاكل انتي عشان اشوي يستانس ان انتي الي طابخه
اي واول ما يدخل شغلي شريط زفة عرس وحطي البوم عرسكم تشوفونه قبل لا تعشون وبعدين الله يسلمج جود انتي شاريتله هديه تترس القلب قبل العين مع كرت عنونو مكتوب فيه كل كلمه حب انتي تبينها وبلا شك هله هلله بالشموع
واذا تبينها ليله حاره انتي غيري من شكلج اول يعني صبغة شعر جديده او قصه شعر جديده مع شي يديد ما صار من قبل طبعا ما اوصييج بحركات الاغراء البنات اهني مشالله عليهم ما قصروا لبسي شي ما لبستي من قبل الصراحه انا اقترح عليج اذا ما لبستيه من قبل ملابس الشخصيات يعني الرنوبه ولا الشرطيه يعني في مديلات وايد حلوه شي غريب مع تغير بالغرفه شبك ولا شيفون يتعلق على اطراف السرير بالاظافه الا الهديه
وفي بعد حركه اظافيه تجيبين اوراق الورد الطبيعي الابيض وتسوينه نفس ممر من الباب لين غرفة النوممع الشمع الابيض وصيريله انتي ملاك
وعسى الله يهنيكم وعؤبال 100 سنه حبيبتي

هلا سويلة عشوة خفيفة في غرفة الضيوف كتغيير
وحطي شموع سوي جو رومنسي
سوي العاب زوجية
البسي لبس مغري
وبعض الافكار ماتحضرني بس الفراشات ماقصرو