سندويتشات ام عثمان حلوه وسهله

السلام عليكم ورحمه الله وبركاته
شخباركم يااحلووين
اليوم جايبه لكم سندويتشات لذيذه وسهله مره فطاير او سندوتشات مسويتها امي
ام عثمان يسلملي يدينها
بقولولكم السالفه >مطولتها
بمااننا صايمين يوم الاثنين جيت لاهلي وكل شوي اشتهي شي اكله المهم قلت لهم خلوونا نطبخ
طبعا تحدي بنشوف وش احلى طبخه...
انا سويت صينيه البيتزا بالبطاطس والدجاج
امي سندويتشات بالصامولي
واختي مكرونه صينيه
وتعالو شفو انوواع الونااسه والحووسه >تخبرون تحدي
المهم ندخل لزبده بما ان امي هي الي فازت بكتب طريقتها
سهله ولذيذه
المقادير والطريقه
اولا صدور دجاج تسلقينه وتطحنينه اوتنتفينه براحتك
بعدين تحمسينه بالبصل
والثوم
وزيت
وملح
بهارات
واذاخلصتي من الحمس اضيفي بقدونس واذا بغيتي جزر مبشور
واضيفي مايونيز شوي على حسب الرغبه
ومخلل خيار الصغار تقطعينها حلقات
واخلطيها
المهم
تجيبين خبز صامولي اثنين كيس
وتحشينها فيها وبعدين تقطعينها ثلاث او اربع اقسام
وبعدين تجيبين كاس لبن وثنين بيض تخلطينهم
وتغمسين الخبز فيها
وتحطينها على البقسماط او الدقيق
واخيراتقلينها بالزيت
واو حلوه وربي اشتهيتها
وبصحه وعافيه اتمنى تعجبكم
دمتم بخير