سيتحقق ما تريدين باذن الله ادخلي و طبقي ولن تخسري

السلام عليكم و رحمه الله و بركاته
قررت كتابه هذا الموضوع عشانكم
فلا تحرموني من دعائكم يالغاليات
بسم الله الرحمن الرحيم
لا اله الا الله محمد رسول الله
ماشاء الله لاحول ولا قوه الا بالله
تعرفون باقي كم يوم و يجي اسبوع اجازه و اكيد فيه ناس ناوين يخطبون لولدهم وينتظرون هالاسبوع يجي عشان يدقون على اهلنا >> قولوا اميين
عشان كذا بكتب لكم كم شي نطبقه من اليوم ننخطب اليوم (الله على كل شي قدير)
1- حسن الظن بالله
يقول الله تعالى : ( أنا عند ظن عبدي بي)
يعني اذا ظنيتي ان ربي بيزوجت بتتزوجين باذن الله و اذا العكس العكس
هذا مو كلامي ولا كلام أي احد هذا كلام ربي وربكم
2- الاستغفار
كل وحده من اللحين كل يوم تستغر اقل شي 1000 مره باليوم
قال تعالى (فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا. يُرْسِلِ السَّمَاءَ عَلَيْكُمْ مِدْرَارًا. وَيُمْدِدْكُمْ بِأَمْوَالٍ وَبَنِينَ)
مو كلام أي احد هذا كلام ربي و ربكم
البنين من وين يجون ؟ اكيد من الزواج
ولا يخفاكن فضل الاستغفار و عجائبه
3- الدعاء
الله الله بالدعاء اذا احتجتي شي لا تطلبين من أي احد واذا ضاقت بك الدنيا لا تشكين لاي احد
اطلبي من ربك الواحد الاحد الفرد الصمد ترى مااحد يقدر يعطيك اذا ربي مااعطاك
الحين مو امك و ابوك لو طلبتي منهم بيعطونك احسن شي و بيزوجونك احسن زيجه طيب واذا قلت لك ربي ارحم منهم عليك
ادعي ربي و ابكي عنده و اشكي وبيعطيك باذن واحد احد
قال تعالى وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ)
الله وعد انه يستجيب ومن اصدق من الله قيل
" الدعاء يرد القدر " معناها ان القدر يتغير بالدعاء
يعني حتى لو مالك رزقك وماكتب لك زواج ودعيتي ربي ان يرزقك بيرزقك باذن واحد احد
فالله الله بالدعاء و لاتنسون ان (دعوه المسلم للمسلم بظهر الغيب مستجابه وهناك ملك يقول لك بالمثل )
يعني اذا دعيتي لوحده تتزوج بظهر الغيب دعوتك لها مستجابه و يقال لكي بالمثل
فخلونا ندعي لبعض من اللحين
4- قيام الليل
كلنا نقوم بالليل و نصلي و ندعي و نبكي و نشكي لربي
يالغاليات سهام الليل لا تخطي ابدا
5- الصدقة
بأي شي تقدرين ريال وإلا حتى ابتسامه وإلا أماطه الأذى عن الطريق كلها تعتبر صدقه
سوي اللي تقدرين
6- اذكار الصباح و المساء
مثل الذي يذكر ربه والذي لا يذكر ربه مثل الحي والميت
اول شي نحصن نفسنا و بنفس الوقت نذكر رب العالمين
7- قراءه القران
فلا نهجر القران كل يوم اقري اللي تقدرين ماراح اخصص سوره والا عدد صفحات انتي و قدرتك
يعني كلنا نحاول تقراء كل يوم لو سطر بس لا نهجر القران
8- الصلاه على وقتها و سنن كل صلاه وصلاه الضحى وصلاه الوتر
الصلاه صليها على وقتها
والسنن عن عائشة قالت قال رسول الله صلى الله عليه وسلم من ثابر على ثنتي عشرة ركعة من السنة بني له بيت في الجنة أربع قبل الظهر وركعتين بعد الظهر وركعتين بعد المغرب وركعتين بعد العشاء وركعتين قبل الفجر)
صلاه الضحى
(إن الله تعالى يقول في الحديث القدسي يا ابن آدم، صل لي أربع ركعات من أول النهار أكفيك آخره )
9- الصيام
فكلنا عرف اجر الصيام وكلنا يعرف ان دعوه الصائم مستجابه
10- هذا كم دعاء حاولي ترددينه ماراح احدد عدد قد ماتقدرين
(رب اني لما أنزلت الي من خير فقير)
(لا اله الا انت سبحانك اني كنت من الظالمين)
(ربنا آتنا في الدنيا حسنة وفي الآخرة حسنة وقنا عذاب النار )
(لا إله إلا الله الملك الحق المبين)
(لا إله إلا الله وحده لا شريك له له الملك وله الحمد وهو على كل شيء قدير)
( سبحان الله و بحمده سبحان الله العظيم )
(ربي لا تذرني فردا وانت خير الوارثين)
11- كل شي لا يجوز من اللحين من هالحظه اتركيه و احتسبي الاجر عند ربي
من ترك شي لله عوضه خير منه
كل شي مايجوز اتركيه من لحظتك هذي
سوئ كنتي تسمعين اغاني اتركيها من الحين قولي ماراح اسمع
والا كنتي تكلمين شباب من الحين احذفي رقمه وقولي يارب تركته لوجهك عوضني بحلالك عن حرامك
والا كنتي تنامين عن الصلاه قولي يارب سامحني ومن الحين بصلي كل صلاه بوقتها
والا كنتي تعلين صوتك عن اهلك والا ماتسمعين كلام امك وابوك قولي يارب سامحني ومن الحظه هذي روحي حبني على راسهم واسمعي كلامهم
والا ضايفه شباب بالمسن اللحين الحين احذفيهم واحذفي الايمل بكبره وقولي يارب لوجهك حذفتهم عوضني يارب بحلالك عن حرامك
والا اي ذنب تسوينه من لحظتك هذي اتركيه وقولي يارب تركته لوجهك عوضني
.
.
هذا مالدي اسال الله ان ينفعني و اياكم به
هذا الموضوع من كتابتي و اجتهدي و يشهد ربي لم اضعه الا لكم و عشانكم وودي افرح انا وياكن
ودي اتفائل و اشوفكن متفائلات
حاولت اكتب كل اللي اعرفه و ابحث عن الادله بقوقل واجيبه لكن
ولونت وزكرشت الموضوع عشان يكون اسهل لكم في القراءه
والله والله يابنات اني كتبته من قلبي كل شوي اتذكر شي و اجي اكتبه بس عشانكم
فلا تحرموني من دعائكم
بالزوج و الذريه الصالحه المعافاه عاجلا غير اجل و اجعلها زيجه العمر لي وله
وان يرزقني ربي في هذا الاسبوع فالله قادر يقل للشي كن فيكون
تصدقون يا بنات احنا كنا بمنطقه و نتقلنا لمنطقه ثانيه
ولي كم يوم افكر بواحد ابوي صديق ابوه واخته كانت تدرس معي بس ماكنت صديقتها وامها شافت امي مره او مرتين وهم من قبيله واحنا من قبيله ثانيه
مدري ليش طرى في بالي تتوقعون رغم كل هالفروقات وان علاقتنا مو قويه معهم انهم يفكرون يخطبوني لولدهم ولا لا
ادعولي اذا فيه خيره لي وانه بيسعدني و يرزقني ربي منه بالذريه الصالحه المعافاه و اكون زوجته الوحيده انه يكون من نصيبي واذا مافيه خير ربي يرزقني باحسن منه
يارب يارب يارب هالاسبوع