شئ ماتعرفونه يالحريم الحقوا

1. يعني الحين اللي تنزل عليها الدوره توقف اوكي خففي بس مو تجوعين


2. بكذا الجسم يحصل على كل العناصر وتخفين ولا راح تتبهذلين

السلام عليكم ورحمة الله وبركاته
كل عام وانتم بخير وصحه وعافيه وسلامه وتقبل الله منا ومنكم صالح الاعمال
الموهم ولا لكم بالطويله
راح اقولكم واكب لكم مافي جعبتي من حتسي
فاقرووه صح بربرتي كثيره بس صدقوني راح تستفيدون
هذا ياطويلات العمر انا قبل رمضان كنت حاسه اني زايد وزني وعارفه كم الزياده بس قلت خلني اوزن لاني هالايام ذي احسن اني بديت امشي واخفف اكل بس
صعقت طلعت زايد فوق الزياده 2 كيلو واعلن حالة استنفار وادخل قسم الدايت واحصل رجيم التمر <<< وش تبي ذي تقص قصة حياتها هع هع
اصبروا علي واقولكم وش اللي ماتعرفونه
المووهم
وابدا الرجيم ولا اليوم الثاني تنزل الدوره وانتم بكرامه وكملت وصرت اتصفح عن الرجيم واشوف ردود البنات وكم نزلو وانا شاقه الحلق وكاشخه جايبه كوب الحليب والتمر بعدها اروح ادخل اكمل تصفح
بس اثناء التصفح اذكر وحده الله يجزاها خير عطتنا رابط عن الرجيم ودخلت وكانت تسال عنه ومن ضمن الردود وحده قالت وقت الدوره يتوقف الرجيم لانه يخرب المراءه !!!!..
هنا وقفت وبديت ابحث عن الرجيم ومضاره الحين ببدا اقولكم اول شئ اكتشفته والاغلبيه مايعرفونه لاني كل مااقول لوحده تقول صدق
اللي هو
ان الوزن طبيعي راح يزود من 2 الى 3 كيلو قبل الدوره وذلك لان الجسم يخزن الماء والغازات فبمجرد انتهاء الدورة الله يعزكم يرجع الوزن فما تسوون غلطتي وتوزون قبل الدوره وتنجنون<<< سوت حالة استنفار هع
ثاني معلومه ومثل ماقلت لكم بالاول وهي الرجيم وقت الدوره يسوي خراب
عارفين وش معنى هالشئ يعني هو مايسمى ب الخواء وهو عبارة عن أصوات وغازات في البطن تعاني منها البنت أو المتزوجة أثناء الدورة الشهرية وقبلها وبعدها
مصحوبة بنزول أفرازات من المهبل أو مويات ذات رائحة كريهة (ماء تحسين أنك مبللة هذا اليومين اللي بعد الدورة واللي قبلها )
طببعا ياحلوات هذا مو بس يزعج ويحرج راح ياثر مستقبلا على الزواج وطبعا له اسباب كثير غير الرجيم واللي حابه تشوف تدخل على الاخ قوقل وتبحث عنه وله علاج باذن الله

يعني الحين اللي تنزل عليها الدوره توقف اوكي خففي بس مو تجوعين

ثالث شئ وهي نصيحه مو معلومه وخصوصا لرجيم التمر لانه راح يضر بس مو الحين بعدين راح شعرك يتساقط ويروح وطي طبعا مو بس من هالرجيم من اي رجيم لان الجسم ككل يحتاج لعناصر عده فالتمر والحليب او اللبن ماراح يقدر يوفرها له علشان كذا ياحبوبات خوذي فتامينات وحديد على شكل حبوب بالصيدليه
ولا تطولون على هالرجيم يعني اسبوع اسبوعين بعدين ارجعوا كولو من كل شئ بس تخفيف شوي شوي

بكذا الجسم يحصل على كل العناصر وتخفين ولا راح تتبهذلين

وعلى هالطاري اذكر اني كنت جالسه على برنامج مقابله مع ممثله وكانت نحفانه فالمذيع يسالها طريقة الرجيم تقول انا اكل من كل شئ مااحرم نفسي وطول اليوم أكل عارفين كيف تاكل شوي شوي وكذا مره باليوم بكذا ماتحس بالجوع اولا ثانيا راح يحصل جسمها على كل العناصر والاهم الرياضه وهي المشي...
بالنهايه هذا كل مافي جعبتي
واسأ لكم بالله اللي يبي يرد براحته واللي مو راد بعد براحته بس ابي دعوه في ظهر الغيب سواء من الزوار او الاعضاء بان يتحقق اللي في بالي ولكم بالمثل وزياده
ماكتبت هالموضوع الا لاني احبكم ولاني استفدت منكم كثير فحبيت افيدكم