قروب ستار بنت الفهد لقهر الوزن العنيد السادس والأخير بإذن الله

استغفر الله واتوب اليه
عدد ما خلق في السماء
وعدد ما خلق في الأرض
وعدد ما بين ذلك
وعدد ما هو خالق
وسبحان الله مثل ذلك
والحمد لله مثل ذلك
ولا اله الا الله مثل ذلك
والله اكبر مثل ذلك
ولا حول ولا قوة الا بالله مثل ذلك
هلا والله وغلا
ومرحبا بكم ترحيبة عطرها المسك والورد
والمهلي ما يولي
وويلكمو
وكل جمل التراحيب بكل لغاتها
بعد انقطاع دام طول فترة الاجازة
وشهر رمضان والعيد
وبعد المصايب الي حلت في اوزاننا ونفسياتنا
نعود عودة بإذن الله انها قويه
نعود تحت شعار (( وراك وراك يالسمنه ))
نشجع فيها عجايزنا العجازات الي هجروا تجمعنا الأخير
وبنفس الوقت نطالب بدماء جديد تدفع هذا القروب للحماس وتحقيق اهدافه نحو الرشاقه
والحين كلمتي لأعضاء القروب القديم
لا تفكرون اني بسمح لكم بحركاتكم في تجمع 3و4و5
وحده تجي تتثاوب في وجيهنا وتطلع
والثانيه تنسج خيوط العنكبوت وتطلع
والثالثة تدخل تذب كلمة وتطلع
لا لا لا لا هازا كلام ما في كويس
ولا يخارج معايا
دخولكم يومي واكثر من مرة يعني زي اول
واظنكم تذكرون
والا ترى والله لا اكسر الكنكت
والا ليه اكسرها الا ببيعها واشتري لي بدالها كيكه وشيبس وبطاطس وبيبسي
واصير تسذا
وتصيرون انتم السبب في تحطيمي
بالنسبة للدماء الجديدة
احنا يا طويلات السلامة قروب فلة
يعني حكينا عن الدايت والرياضه نقوله واحنا حابينه
لاننا ما نتقيد بنوع دايت او نوع رياضه
نعتمد في السبت دايت ورياضه
ونوزن كل نهاية اسبوع
عشان نشوف معدل النزول عند كل وحده
ونعرف من الي يخربط ومن الي ماشية مزبوط
بس المهم ما فيه خربطة والي تخربط يا ويلها ويلاه
بنخليها تكره الخربطة والتخريب
احنا نحكي في كل شي وبكل وقت
بيوتنا مشاكلنا مناسباتنا
افراحنا واحزاننا
ناخذ راي بعض بكل شي
حتى اللبس والاكل والشرب
نسوي حفلات هنا ونخرب ونغازل وكل شي
التجمع هذا له ملكة
اللي هي انا احم احم
وانا بصراحه اشجع الفساد والفلة
(( خوش ))
على كل المشتركات
تعبي هذا الاستبيان
الاسم:
العمر:
الوزن:
الطول:
الهدف:
نوع الدايت:
الرياضه:
بنات ملاحظه مهمه
ترى قلمي الوردي لا احد يسرقة
الي بتسرقة برسل لها قوة الدفاع تكسرة لها
تقبلوا تحياتي
وحياكم الله وال........