شاعره حفرت حروفها في ذاكرة الشعر وغادرت بكل هدوء

1. عابرة سبيل من منا لا يعرف هذا الاسم ؟

عابرة سبيل من منا لا يعرف هذا الاسم ؟

شاعرة كل الاذواق ومتعة الشعر النسائي الحقيقي ، عندما تقراء لها نصآ . تحس بقيمة الشعر الأنثوي ووقاره . ولما لهذه الشاعره من قاعده جماهيريه بحكم ما قدمته من شعر راق كان لابد من ان تكون في قلوبنا دائما .. ( سائلين الله ان يتغمدها بواسع رحمته )
بطاقة شخصية
تقول عن نفسها من خلال قصيدة لها عنونتها بالبطاقة الشخصية
انا عجوز مطلقه وام ورعان = وايضا مدام وبنت وآنس وعانس
انا بدويه وعايشه عند حضران = وبنت البحر وابوي زارع وغارس
اميه ما تعرف حروف والوان = وتلميذه دشت جميع المدارس
ظفره وخبله،عاقله، في نقصان = شرود وانطح لي ثمانين فارس
خلون.اعيش العابره دون عنوان = طيفٍ يمر بلا رقابه وحارس
هذه الشاعرة التي يسكنها الابداع وتنقله لنا في قالب شعري ولا اروع . لها فكر ممتع وافكار قلّما تجدها لدى اغلبية الشعراء ذكورا واناثا..
ياكثر افكار ٍ توارد في مخيلتي = ياكثر ماصدها وكني ادللها
لا وعذابي بليلي وعز قايلتي = الكل منهن تبي مني اسجلها
شاعره تحمل من الواقعيه والحكمه الشيء الكثير ، تكتب الواقع من الشعر وتعزف على وتر الحقيقه التي يتجنبها الاخرون .
الناس سدادة سلف يوم الرخا باكر يضيع = ما ابي اسوي حاجةٍ اصبح عليها نادمه
ابحث بقلب التجربه واخذ من احداث الجميع = عبره تساعدني على صدمات وقتٍ قادمه
تزهر عابرة سبيل كما تزهر الاوراق وتفوح رائحتها النديه مع كل قصيده او فكره تطرحها ..
تدري حبيبي بطبعي حيل وتعرفه = العين بالعين والبادي هو الظالم
ماني ورا العاطفه بالحيل منجرفه = طبعي على صد ردات الفعل والم
قمة الروعه والحفاظ على الذاتيه بكل اناقة ..
ما يخالف ارحل بس لاترحل بعيد = ما يخالف اهجر بس خلك بداري
مايخالف اعشق الف عذرا من الغيد= مايخالف اجرح بس حاول تداري
وهنا توظيف المفرده وجودة في الطرح والفكره ، هنا دها شعري وروعه شعور ، هنا قدره على تغيير السائد والمفهوم ..
هذاك لو قال الشتا صيف عرّقت = ولو قال صيفي برد شبيت ناري
هذاك لو قال الجمل طير صدّقت = اقول ريشه بعثرته الصحاري
هذاك لو قال المطر كذب وافقت = وادّور الاعذار حق الخباري
هذاك لو قال القمر طاح صفقت = اقول مللته كثير المساري
هذاك لو قال النظر عيب دنقت = يصيرلي كف على اللمس ضاري
هذاك لو ينفي وجودي توهقت = ما عاد ليّه حل غير انتحاري
لم تخلو قصائد عابرة سبيل من الطرافه رغم ما تحمله بقية قصائدها من حزن وغزف على وتر الوداع ..
تقول في احدى قصائدها :
لي صاحبٍ منّه تبي تطلع الروح = خبل ومنهي مولعه فيه خبله
عامين المّح له مع الجد ومزوح = واقول ياعنتر تناديك عبله
ومن البطا ناديت بالصوت يالوح = مجروحه جرح مخاطره عجله
دنق وقال انا من العام مجروح = واشّر لجرحٍ مبطي وسط رجله
وتعتبر هذه القصيده من اصدق واجمل ما كتبته عابرلاة سبيل ..
شقول له ؟
باكر يجي ياشيب عيني من الويل = من عقب ما سافر سنين مديه
شقول له صاروا عيالي رجاجيل = شقول له ماني بعهده وفيّه
ان قلت له اني تعذبت بالحيل = وان قلت له اكبر عيالي سميّه
يبي يعذرني ويترك القال والقيل = ولا يجي ويّا زماني عليّه
رحمك الله ياعابرة سبيل، فقد كنت نموذجا رائعا للشعر .. للشاعرات .. وللمتعه الشعريه !!
ولكم اجمل تحيه ..
منقول