شخبار عينك روايه رومنسيه اجتماعيه

سلام عليكم و رحمه الله و بركاته
احب اطرح في منتداكم الراقي هذي الروايه واتمنه تعجبكم
روايه اخذت من وقتي وجهدي الكثير ومثل مثل اي كاتبه ما في شي يفرحني اكثر من رد حلو ومتابعه حلوه مثلكم
هذا اول بارت واذا شفت عليها اقبال وانا عجبتكم كملت
الفصل الآول..
البارت"1"
,‘
شمس حآره..ودرجة حرآره مرتفعه..وجآفه..
تعبر عن جو عاصمتنآ آلحبيبه..
"آلرياض"
في آحد قصور آلعليا..الفخمه..
اللي تعكس طبقة من يعيش..
فيهآ..
قصر سكري..بأعمده رومانيه....وبوآبه ضخمه..
يحاوطه..سور..سكري عآلي..
محاوط بالزرع..في داخل السور..
قصريين..بنفس الحجم..ونفس آلديزايين..
حديقه مصصمه ..مثل حدآئق آروبآ..
نافوره بالنص مثل نوافيير إيطاليآ..
وكرآج مليآن بالسيارت..الفخمه..
"مرسيدس\ليكزيس\اوودي\بنتلي\بانورما\ميرسلااغو وغيرهم"
.
.
في آلقصر الآول..
وتحديدآ بالطابق الثاني..
بالجنآح اللي يغلبه الطابع الاوربي البسيط..
غرفه بورق جدران سمآوي مقلم بالكحلي والابيض..
ممر بسيط ..مبلط بالبلاط..السكري..
بآر صغير لتجهيزات صغيره..
وثلاجه..غرفة ملابس كبيره..عاليمين..
بدواليب من "وآيت كومبني"..
مقابله..حمآم "الله يكرمكم"
مجهز بكل سبل الراحه..
وعاليسار..صاله ..
بجلسه على شكل ..Lبالكنب السماوي والكحلي..
تلفزيون بلازما ضخم مع سماعات طاوله صغيره..بيضا
وتكملة الممر بالنص..
غرفه..تصميمها دائري..
ستائرها كحليه..ورفوف بيضا..خشبيه..فيها صور
وشهادات وغيره ,وكنبتين ..عالجنب..
وتسريحه صغيره مليانه عطور رجآليه..
يتوسط الغرفه سرير بالخشب الابيض..
وشراشف الكحليه ..نايم فيها ومو حاس بشي..
وجو الغرفه بآرد ويغلبه الهدوء..
ماعادا صوت الجوال بنغمة نوكيا الممله..
اللي قطع جو الهدوء..ورآحة آلنوم..
مسك مخدته القريبه وغطى راسه ..منزعج من الصوت..
فتح عينه اليمين العسليه..
بكسل وشاف الساعه اللي تشير ل9 ,30
فز من مكآنه وقام بطريقه تضحك وهو لابس شورت
بيجامته بس..وميت برد بعد ماكان متغطي بلحافه الدافي..
قآم للحمام الله يكرمكم..وخذا شور سريع..
وبعدها صلى..وهو يدعي ربه ما تجيه تهزيئه..
راح لغرفة ملابسه وفتح دولابه الاول..
وطلع ثوب مكوي بترتيب..وشماغه الاحمر..
لبس بسرعه..ولبس شرابه..وجزمته السودا .."الله يكرمكم"
"gucci"
تقدم للمرايه ..وبدا يعدل شماغه..
لبس ساعته.."كارتيه"..
وتعطر من عطره "ايف سالوران"
ناظر نفسه لاخر مره..
عيونه عسليه فاتحه..ورموشه طوآل,ناعسه شوي..
خشم مثل السيف مع دقه خفيفه..
بشره حنطيه فيها حمار شوي..شفايفه
اللي محاوطه بسكسوكه خفيفه غمازه على خده اليمين
رن جواله..قطع تآمله بنفسه..
مسك جوآله..وهو يشوف رقم ..ويدعي ان الله يستر..
رد بصوته اللي فيه بحه خفيفه..
: سم
:صدق والله..
:والله ما قمت الا توي نسيت يبه والله نسيت..
:على حساب نسيانك يا سيد نواف توقفت اعمالنا..
نواف:والله اسف يبه ..هذاني بالطريق..
ابونواف سكر السماعه قبل لا يسمع الرد..
ناظر نواف بجواله:ههه الحمدالله جات على كذا
خذا نواف مفاتيح السياره,وبوكه,وجواله..
طلع من جناحه متجه للدرج الحلزوني..
الكبير..نزل وهو يشوف امه تناظره..مبتسمه..
نواف بعد ما حب راسها:هلا بالغاليه ..
ام نواف:هلا يا وليدي وراك تأخرت على ابوك
نواف بابتسامته :راحت علي نومه والله..
ام نواف:طيب تعال افطر وبعدها روح له..
نواف:لا يا يمه تبين رجلك يذبحني باخذ كوفي ..وبروح..
ام نواف:ههه على راحتك ..
نواف:يالله تامرين على شي..
ام نواف:سلامتك..
نواف:يالله اجل مع السلامه..
ام نواف:بحفظ الله..
طلع نواف..من بآب الفله متجه للكراج..
آتجه لسيارته البانوراما السودآ..
فتح السياره..وركب مر من النافوره بشكل دآئري..
واتجه لبوابة القصر فتح له العامل البوابه..وطلع متجه لشركة آبوه
,‘
في آجوآء مختلفه تمآمآ..من حيث البيئه ,المجتمع..
في آحد آحيآء آلريآض آلمتوآضعه جدآ..
بيت بشكل مربع صغير مصبوغ بصبغه بيضا رآيح نصهآ..
ومحاوط بسور ..ابيض مقشر..
دآخل البيت وتحديدآ في الغرفه..البيضا..
وعلى اطرافها سريرين خشبين..قديمين مره..
وتسريحه خشب بدرج مكسور..فيها عطر وكريمين..ودرج اكسسوارات صغير
وعلى اليسار دولا ب خشبي للملابس..
جآلسه على السرير.ومتكوره وبيدهآ آلجوآل..نوكيآ القديم..
وتلعب بخصل شعرهآ وهي تضحك بخفه على مسجآت أختهآ..
آنفتح الباب الخشبي ..بقوه..
:هيه..دآنه هآتي الجوال يا الدبه مين آمرك تآخذينه..
دانه:ههه محد قآلك تتركينه..شفته وقلت خلني اتونس بسوالفكم انتي و آحم..آحم..
:اسكتي لا تسمعك آمي..
دآنه:ليش خايفه..؟!
:اكيد خآيفه وعارفه انه غلط بس مااقدر امنع نفسي احبه وآخاف يدور غيري..
دآنه تقدمت ومسكت طرف كتف اختها:يا قلبي يا جود..الظفر عمره ما يطلع من اللحم..
وهو ولد خالتك ويحبك..
جود بعد ما تركزت على طرف التسريحه:والله يا دانه العمر يمشي ..والكل يسأل ليش ما تزوجتي..!؟
دآنه:وش يسوي الرجال يا جود..يشتغل في الشركه وكوفي..كله عشان يبني نفسه ويتزوجك وانتي عارفه ان اخوك مارح يخليك تتزوجينه وهو حالته كذا..!
جود:اموت واعرف وش الفرق هنآ وهنآك واحد حتى خآلتي حالتها آحسن مننا ..
دآنه بحزن:صح ..ممكن بس اخوك يبيلك الفرحه يا جود..
جود:آلله يلعن الفقر اللي مانعني عنك يا ثآمر..وبدت تبكي بهدوء..
دآنه:احمدي ربك آحسن من غيرك..
جود بحزن:آلحمدالله..
دخلت امهم..وتخرعت يوم شافت جود..
آم سعد:جود وش فيك؟!
دآنه:لا يا يمه بس بطنها يعورها شوي..
آم سعد:آكلم اخوك يمه؟!
جود:لا يمه خلا ص شوي ويروح..
ام سعد:طيب ارتاحي اللحين..,دآنه روحي وآنا امك غسلي الحوش..الغبار ذبحنا..
دآنه :ان شاء الله يمه اغير ثيابي واطلع..
ام سعد:الله يرضى عليك ,يالله انا بروح آرتاح شوي بعدين اجهز الغدآ..
دانه:طيب..
دآنه:جود قومي ارتاحي لا تخلي آمي تشك..
جود بهدوء :طيب.. انتي ليش مارحتي الجامعه اليوم..؟!
دآنه:عندي آووف,,
جود:آها طيب انا بنام ,يلا وسعي صدرك بالحوش ههه
دآنه مدت لسانها و..قامت وفتحت دولابها المتواضع..
وطلعت بنطلون اسود ..وبلوزه عمليه عشان تساعدها,,بالشطف الحوش..
غيرت ثيابها..وطلعت..رغم الفقر والحرمان الا ان
"الله يآخذ ويعطي"
آعطاها الله من الجمال الكثير..
بشره بيضا صافيه ..وعيون وسآع وهدب طويل..خشم صغير برفعه خفيفه..
وشفايف..صغيره ورديه وحبة خآل مميزتها فوق الشفايف بشوي..
جسم ممشوق وشعر آسود..لين نص الظهر نآعم..
.
نزلت الحوش الصغير اللي مبلط وفيه شجره صغيره عالجنب...
وبدت تنظفه وهي تغني ..وتلعب بالمويه..
,‘
نرحع للقصر اللي في العليآ..
بس بالقصر الاول مو الثاني..في القصر الثاني..
كان نسخه من بره من القصر الاول بس اختلافه من جوه..
الاثآث غير..والذوق غير..والنفوس غير..!
في الجنآح الكبير بالطابق الثاني..
صوتها وآصل للي في القصر كله..
:شلون يعني مافي حجز..آنتي تعرفين انا مين..انت لازم تجيبلي من تحت الارض
الدي جي المصريه:طيب حضرتك بس أعمل ايه؟!
:وشو تعملين ايه انا زبونه عندكم ومافي وقت اجيب فرقه وحفلتي بكره..
الدي جي:---------------------------
:اعطيني المانيجير حقك بسرعه انتي مامنك فآيده..!!!
الدي جي بخوف:طيب..
ردت عليها حرمه اكبر بشوي بالسن:ايوا نعم..
:آلو..
الحرمه ارتبكت:ايوا يا ست مشاعل اقدر اخدمك بأيه..؟!
مشاعل:الغبيه حقتك هذي تقول انها ما تقدر تجي حفلتي بكره..!!
الحرمه"الدي جي" خافت:لالالا دا كلام برضوا انا بنفسي حاجي بكره الساعه 6 نركب الاجهزه ونبدا زي ما تحبي..
مشاعل:ايوا كذا علمي الخبله اللي جنبك..,آستناك..
وقفلت بوجهها..
دخلت امها عليها..
ام مشاعل :وراك يا بنتي تصارخين..
مشاعل:هذي الخبله تقول انها ما بتجي حفلتي بس جبتها من خشمها وانا بنت ابوي..
ام مشاعل:على طاري ابوك تدرين بينام عند البومه اليوم..؟!
مشاعل:بكيفهم..يمه انتي احلى واصغر من ام نواف هذي..!
ام مشاعل بقهر: اي يا يمه بس هي جابتله الولد..
مشاعل بغرور:وانتي جبتيله احلى بنت..!!
ام مشاعل:ههه بهذي صدقتي..
مشاعل:انا مو حارق دمي الا هذا نواف..معينه نائب مدير..
ام مشاعل:ما سمعتي ابوك وش قال ..قال ادرسي وجيبي شهادة وهو يفتحلك قسم خاص للحريم بس عشانك..
مشاعل:اكيد مو آنا دلوعته...,ماما انا بطلع مع صاحباتي جهز للدي جي بكره اوكي..
ام مشاعل:اوكي..
"ام مشاعل زوجة ابو نواف الثانيه واللي ساكنه بالقصر الثاني.."
,‘
وقف سيارته البانوراما في المكان المخصص له..
ونزل ..متجه للشركه اللي,,عباره عن مبنى طويل مغطى بشرائح زجاج زرقا..
فتح له البواب الباب وهو مرتبك من هيبة نواف..الجايه من طوله وعرضه غير انه ولد صاحب الشركه...
نواف بروحه الحلوه:صباح الخير يا بو علي..
بو علي البواب الكبير في السن:صباح النور طآل عمرك..
ابتسم نواف له واتجه للاسنسير..ضغ الزر ودخل..
وضغط الطابق ال6
الموجود فيه مكتبه...انفتح الباب وطلع الا يلقى بوجهه..سعد موظف..في المحاسبه..
سعد:صباح الخير طال عمرك الوالد يبيك..
نواف مبتسم:هلا والله سعد صباح النور,شكرا على البشاره الحلوه..
سعد:ههه,ولو طآل عمرك..
نواف:الا ما قلتلي متى زوآجك يا سعد؟!
سعد وبانت الفرحه عليه:ان شاء الله الاسبوع الحآي..
نواف:الله يتمم عليك بس ليش مااخذت اجازه..؟!.ما جاني طلب ولا شي..!
سعد:والله طال عمرك انا مو ماخذ اجازه..
نواف:هوو ليش؟!
سعد بحزن:الظروف ما تسمح للاجازات خصوصا بعد ما تزوجت رح احتاج لشغلي اكثر..
نواف ابتسم له :ولا يهمك يا سعد خذ اجازه اسبوع وانت مرتاح مارح تنقطع من راتبك
سعد مو عارف وش يقول من الفرحه:بس ..
نواف:لا بس ولا شي..والله يوفقك ان شاء الله..
سعد:الله يطول بعمرك يارب والله مو عآرف وش اقول..
نواف:لا تقول شي انا مثل اخوك..,يالله انا رايح للوالد واذا تبي شي بلغني
سعد:سلامتك طآل عمرك..
راح نواف لمكتب ابوه بعد ما دخله السكرتير..
لان عطاه خبر..
دخل نواف وشاف ابوه لاف الكرسي لجهة الشباك الكبير..
ومعطي الباب ظهره ويتكلم بالتلفون..
ابونواف:والله يا حبي ادري ..ادري بس وش اسوي ..مااقدر اعلن زواجنا يا عيوني انتي افهميني..
كتم نواف ضحكته ..على ابوه الرومانسي,,
وقعد عالكرسي اللي على يمين المكتب..
وهو يسمع ويحاول قد ما يقدر ما يطلع صوت..ضحكته..
.
.
انتهى ابوه من المكالمه..ونزل الجوال بتعب..
لف الكرسي وشا ف نواف فيه الضحكه ومنزل راسه..
ابونواف:نوآف مين سمح لك تدخل.؟!
نواف:انت
ابونواف:وشو؟
نواف:انت قلت للسكرتير يدخلني
ابونواف:ها..اي صح
نواف:----------
ابونواف بأرتباك وهدوء وهو يلعب بقلمه "مونت بلانك":ا نواف
نواف:سم..
ابونواف حك خده بأرتباك اكثر وتردد:بتقول لآمك..
نواف انفجر: ههه ههه
ابونواف عصب:نويف وشو له الضحك هاه؟!
نواف: ههه لا بس يبه الله يهديك..كلنا نعرف عن زواجاتك..
ابو نواف:-------------------
نواف:الا قلي رقم كم هذي الثالثه...
ابونواف:لا الرابعه..
نواف: ههه ماشاء الله ,الله يباركلك فيهم..
ابونواف:ماعلينا,متى ناوي تنتظم..؟!
نواف:امس يبه كنت مشغول مع منآل عزمتني عالعشا في بيتهم وطولت
ابونواف ابتسم:كيفها منآل؟
نواف:اي اللحين عفوت عني هاه؟
ابونواف:بلا كثرة حكي...كيف بنت عمك ؟
نواف:الحمدالله بخير..
ابونواف:مره ثانيه خل جمعتك معها اربعا او خميس..
نواف:ان شاء الله
ابونواف:ماقررتوا متى العرس..؟
نواف:على حسب كلامها تبي بالصيف حق السنه الجايه
ابونواف:ليش؟!
نواف:يبه البنت ب3 جآمعه وتبي تكمل الدرآسه..
ابو نواف:بس هي مو محتاجه شهاده..!!
نواف:ادري..يبه بس الشهاده مو بس مصدر للفلوس..
ابونواف:مو مهم اختبص انت وياها ..,بس اسمع حطها فوق راسك ولا تسود وجهي قدام عمك
نواف:يبه من متى الله يهداك اسود وجهك قدام احد..؟!
ابونواف:ابد طال عمرك بس اليوم تأخرت عن الاجتماع..
نواف:لا بيه هذا ما ينحسب..
ابونواف:نعم!!
نواف:اي ما ينحسب احنا نقصد اخلاقيا..!!
ابونواف:اقول قم بس قم..دوخت راسي روح لشغلك يالله
نواف"ههه":ان شاء الله اوامر ثانيه
ابونواف:لا
نواف:طيب انا في مكتبي..
ابونواف:----------------
نواف:سفط
ابونواف:بتطلع ولا شلون؟!
نواف:خلاص خلاص بطلع
وطلع نواف وهو يضحك على ابوه..
وآتجه لمكتبه..
"نآئب المدير"
,‘
في مكآن بعيد كل البعد..
عن مملكتنآ..
تحديدآ..
"آمريكآ"
ولاية كالفورنيآ\لوس آنجلوس..
وفي آحد آحيائها المليانه بالحيآة والنشاط..
سوبر ماركت على طرف الشارع..
ومحل لاندري..
وجنبه..دآينير صغير..ومحل شاينيز فود..
وقباله عماره ..بيضه بنوافذا خشبيه..
في الطابق الثاني شقه رقم.."7"
شقه مكونه من صآله مفتوحه عالمطبخ..
وغرفتين نوم..صغآر..
وحمآم"الله يكرمكم"
يعني شقه بستايل امريكي ..ويغلب عليها البيج والوردي..
بالغرفه البينك ..
منسدحه عالسرير..وقبالها لاب توبها مآك..
وتكتب بسرعه ..
دخلت عليها امها..
:what are you doing sara at this time
(وش تسوين بهالوقت)
سآرآ:nothing mom I'm finshing my project
(ولا شي مآمآ آخلص مشروعي)
آم سآره"ميشيل" k try 2 take a rest i can see the blakness under youre eyes from here
(حاولي تاخذي راحه اقدر اشوف السواد تحت عيونك من مكاني)
سآره k mom
)طيب ماما)
طلعت ام ساره للمطبخ تجهز ابل باي..
وآستمرت سآره ..تكتب عالكي بورد ..بحماس..
الا يرن جوالها بنغمه مميزه تخليها غصب تبتسم..
سآره بهدوء:آلو
:هلا بقلبي..
سآره:هلا طلال..
طلال:كيفك حبي..؟
سآره:الحمدالله انت كيفك..
طلال:بخير دامني سمعت صوتك..
سآره:تسلم..
طلال:بس كذا تسلم ..مو العاده
سآره :تبي الصرااحه..
طلال:ايوا
ساره:انت مزعح قاعده اسوي البورجيكت ..
طلال:ههه,احسن عشان لا تصيرين اشطر مني
ساره:طلو اخلص علي
طلال:يالبا قلب هالطلو,آبد ما عندي شي بس كذآ..ودي اسولف مع حبيبتي..
سآره:طيب حبيبي حبيبتك مشغوله..
طلال:طيب طيب لك ربع ساعه وبدق طيب..
ساره:اوكي..
طلال:باي
ساره:باي..
"ابتسمت ساره وهي تناظر خلفية جوالها بعد ما سكرت ..الخلفيه كانت لها ولطلال في ممر بالجامعه.."
,‘
كآن هذا البارت الاول من الفصل الاول..
وهو بدايه يعرفكم على شخصيات روايتي..
وان شاء الله عجبكم من كل قلبي اتمنى يعجبكم..