شريت سشوار عجيب على مزاجج صوره ينعم ويلفلف الشعر على كيف كيفج

عَروب

30-07-2022 - 03:47 pm

السلام عليكم بنات ورحمة الله وبركاته ...
بنات حبيت أعرض لكم منتج حق تصفيف الشعر شريته قبل جم اسبوع ...
بس الصراحه شي مو طبيعي ...
أنا شعري خفيف صار مثل الأسد لما لفلفته فيه ... لول
ولا تحاتين يرد شعرج طبيعي أو ينام بالحفله ...
لأني ليما ثالث يوم وشعري يهبل كشه على حده ...
والأحلى أنه ما يجعد الشعر ...
والأحلى أكثر ما تحتاجين حق سبراي أو جل عشان يثبت الشعر من البدايه ...
بس اللهم رشه بسيطه سبراي لما تفتحين شعرج الملفلف ...
ولا الأروع لازم يكون شعرج ناشف عشان تشتغلين بهذا المنتج ...
وهم فيه قطعه من تحتوي على السيراميك ...
وهذي بس عشان تسوي شعرج (ستريت ) يعني سيده ه ه ...
لكني ما جربتها ... وإنشاءالله بجربها ...
في أحلى من جذي ...
ما أعتقد ...
يعني من اليوم ورايح ماله داعي صالونات وخرابيطهم ...
شغلج في بيتج بس س س س س ....
وهذا موقع يبين أنواع المنتجات المشابهه
يمنع وضع روابط لغير الغراشه
وهذي صورة اللي شريته
تقدرون تحصلونه من محلات ( كليرز ) وبسعر حلو بعد 11 دينار كويتي
ويلا لا تبخلون بردودكم علي ...

التعليقات (8)

الغندرة

30-07-2022 - 06:32 pm

هل تلفي شعرك بقطعة الفير اللي معاه من غير استشوار وايش ماركته وهل هو من النوع اللي يفصل عند الاستعمال

*ملكةالليل*

30-07-2022 - 07:33 pm

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$$$$$$$$$
مشكوره خيتي على هاي المعلومه
بس وش إسم الماركه ووين ألاقيه بالرياض
&&&&&&&&&&&&&&&&&&&&&&&&&&&&&&&&&&&&&&&&&&&&&&& &

فراشة فرفوشه

30-07-2022 - 08:34 pm

هذا اللي شفته بمشن فاشن
مشكورة حبيبتي
بس اكتبي لي اسم الماركه لاهنتي

الغلاmln

30-07-2022 - 09:35 pm

مشكوره يا الغاليه على المعلومه

نبض الإمارات

30-07-2022 - 10:36 pm

مشكورة الغالية
هل تستخدمين معه سيرم أو اي نوع من الكريمات
و لابس سبراي ..
وجزاك الله خيرا

*الماسه*

30-07-2022 - 11:37 pm

ياليت تكتبين تجربتك مع كل القطع حقته ......................>>>>تتشرط