شعرك جاف متضرر من الصبغات او افريقي ما يطول ادخلي وادعيلي

هلا بالغاليات زي ما وعدتكم انزل وصفه للشعور الجافه والمتقصفه واللي لعبت فيها الصبغات الله لا يبارك بهالصبغات خ ..
هالوصفه تطول الشعور المستعصيه ما تطول وانا اقصد الافريقيه بشكل ادق + تعيد الصحه والحيويه للشعور التالفيه المتقصفه والمتضرره من الصبغات وغيره وتناسب جميع انواع الشعور للي تعجبها الوصفه .. وهي تستخدم من قبل الامريكيات من اصول افريقيه يعني مجربه من شعب كامل خ لا تخافون
المكونات تكفي شعر قصير وانتي زيدي على طول شعرك
ملقه زبدة شيا<< تلاقونها بالgnc او اطلبوها عن طريق النت من شركات عالميه معروفه او تاجرات ثقه
+ ملعقه زبدة مانقو<< تلاقونها بالgnc او اطلبوها عن طريق النت من شركات عالميه معروفه او تاجرات ثقه
+ ملعقتين زيت فيتامين E << من الgnc او الصيدليه او عطار ثقه .. زيت او كبسولات
+ملعقتين زيت العنب+ 14 قطره من زيت اكليل الجبل + 4 قطرات من زيت النعناع
جميعها من العطار من معاصر وادي النحل او من المعصره مباشرة
+ جل الصبار (طبعا الجل الموجود بالصبار تقصينه اربع اقسام وتطلعين الجل اللي فيه بالسكين )<< من المشاتل تلاقونه ينباع فيها
ملعقتين زيت فاتيكا بالحنا + ملعقه زيت الخروع + 3 ملاعق زيت زيتون + ملعقه زيت الصويا
جميعها من العطار من معاصر وادي النحل او من المعصره مباشرة وزيت الزيتون يكون اصلي وافضل شي من مزارع الجوف
+ هاتي ملعقتين عسل طبيعي 100% وذوبيها في الزيوت فوق حمام مائي على النار بالملعقه حركيها يعني حطي الزيوت والعسل بزبديه فوق قدر فيه مويه على النار وحركي بالملعقه شوي لا تطولين الين يذوب العسل بس طفي النار زي الصوره بس بدال الزبده تكون جميع المكونات الصوره توضيحيه فقط
اتركيه يبرد شوي وسوي مساج لشعرك خمس دقايق باصابعك وابدئي وزعي الماسك على شعرك او الكريم اللي سويتيه سموه اللي تسمونه .. وزعيه زين على الجذور والاطراف خصله خصله بعدين لفيه بالكاب الخاص بالشعر واقعدي تحت الة البخار نص ساعه
.. او لفيه بفوطه ساخنه .. بعد النص ساعه اتركيه ساعه ونص ثانيه لا اكثر .. يعني ساعتين على راسك فقط وغسليه ..
يستخدم مرتين الى ثلاث مرات بالاسبوع ..
وتمتعي بشعر صحي قوي سهل التسريح وطويل ..
ادعولي الله يحقق لي اللي في بالي دنيا واخره << كالعاده خ