شعرك متساقط متجعد مكسر مايطول رايح فيها ماهو غزير الحل بسيط

هلا حبايبي شنهي أخباركم وعلومكم ؟
المهم طبعا كلكم تعرفوا السدر حلو ........ قولوا حلو
تاخذوا ملعقة كبيرة سدر مطحون ومنخول وتذوبيها في كاسة ونص موية عادية موحارة ولا باردة
عادية (والكمية تزيد وتنقص على حسب شعرك وطوله) حلو ...... قولوا حلو
المهم وتمشطي شعرك بيها ممكن تزيد خليه عادي حلو ........ قولوا حلو
وتخليه لين ينشف شعرك وترجعي تعيدي الكرة قد ماتبغي حلو ....... قولوا حلو
وبعدين
كلكم عارفين زيت عافية والحلبة وللي ماتعرفها
(تجيبي زيت عافية الوسط مو الصغير وتنقصي منه على قد كاسة حلبة مطحونة
وتنقعيها في الشمس عشرة ايام كل يوم لازم ترجيها وتخليها في الشمس
واذا مافي مكان عندك توصله الشمس عادي مو مشكله)
ومن عندي اضفت للخلطة ***
كاسة محلب مطحون (وهو غير الحلبة)
وكاستين زيت جوز الهند (النارجيل \ النارجين)
ونقعتهم زي ماقلتلك حلو .......... قولوا حلو
ودحين ياحلوين لما نشف السدر على راسك قومي جيبي
( ملعقتين كبيرة من هذي الخلطة+ وملعقتين كبيرة زبادي +وملعقة كبيرة عسل +وملعقة صغير زيت زيتون) اخلطيهم مع بعض حلو ....... قولوا حلو
انا استخدم هذي الكمية عشان شعري طويل ويبغالوا ماشاءالله والله اكبر****

• * والكمية تزيد وتنقص على حسب شعرك وطوله ***

وحطيه على شعرك ومشطي شعرك وخليه لمدة تلاتة ساعات واتحممي عادي حلو ........ قولوا حلو
(انا اتحمم بشامبو ميتال الاندونيسي رهييب عجيب)
ولما تخلصي حطي في يدك شوية زيت بيبي جونسن العادي وامسحي فيه شعرك والاطراف اهم شي << هذا سري خوخلا ص بكده انتهينا
انا اسوي كده تلاتة مرات في الاسبوع من يوم يطلع زوجي الدوام احطه
وهاتك ياشغل في البيت لين قبل مايرجع بساعة
ماراح امدح في الطريقة ولاراح اقول شي . .
بس اتمنى وارجوا واطلب . .
من اللي راح تمشي على هذا البرنامج ماتوقف عنه لمدة شهرين متتابعة تلاتة مرات في الاسبوع
وارجوا انها تخبرنا النتايج اول بأول وتتحرى الامانة لاني راح اسألها عنها يوم الدين
وكمان ابغى من كل من يستفيد انها تدعيلي ولوالدي