الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
التعليقات (8)
ياعمرى استخدمى الزيت الامريكى تونك الازرق احسن شى والله على ما اقوله شهيد
بنات الرياض نخيتكم→
انا الان باستخدم خلطه زيوت
و المفترض باذن الله انها حتطوللي شعري
اليوم تاني مره باحطها
بس شوفي ..
الخطله انا ماخداها من موضوع للافعى الحنونه
وهدي الحنونه عاد مايحتاج اقول فيها شي ماشاء الله عليها
اي خلطه لها ممكن اسويها وانا مغمضه عيني ومافي اي مشاكل
يعني بعد الله مشيئه الله طبعا ف خلطاتها مضمونه ميه بالميه
.......
الخلطه هيا :
زيت سدر + زيت جوز هند + زيت لوز حلو + زيت خروع
احسن شي انك تروحي عند العطار و تقوليلو ابغاه معصور مو تشتري الي فالقوارير
انا كذا سويت الزيوت تجيكي صافيه و فرش
طبعا جيبي نفس المقدار من كل زيت منهم .. انا اخدت ربع كيلو من كل زيت
بعدين خلطتهم بالبيت ف علبه و قفلت عليه
.......
نيجي للاستخدام :
حطي شوي من الزيت << الي يكفي شعرك
ف كاسه او زبديه صغنونه << انا احطها ف الكاسه تبع القهوه التركي
بعدها تحطي الكاسه على زبديه اكبر من الكاسه ب شوي
وحطي فالزبديه مويه حاره
يعني بالعربي تسخني الزيت شويتين
بعدها تحطي الزيت ف شعرك و تلفيه ب قصدير الي هوا الالمنيوم
وتنامي بيه او تقعدي من النهار لليل او الليل للنهار
<< ممكن حتقولي يالهوي كيف انام بالزيت و القصدير و اسيبو كل دا الوقت و حاله
بس صدقيني .. انا اول مره اجربها
وربي مره عادي نمت مع اني ماقد نمت بزيت فراصي
و لمن اتحممت يوه ياشيخه لو تشوفي كيف النعومه الي بشعري ماشاء الله
و قعدت طول اليوم شعري فيه رطوبه و حيويه تبارك الرحمن
طبعا تقدري تسويها كل يوم << واذا سويتي كدا من ثالث يوم راح تشوفي نتيجه
أو اذا كنتي مره مشغوله ف تقدري تسويها مرتين أو ثلاثه بالاسبوع << وبكدا حتشوفي النتيجه من تاني اسبوع
طبعا كلو باذن الله و ارادته ..
.......
ودحين ابغى اقولك انا كيف احط الزيت
اروح الحمام الله يكرمك .. و احط الكاسه على الحوض
بعدها ارفع شعري كلو على فوق بيدي اليسار ماعدا خصله من تحت نهايه الشعر
اغمس اصابيع يدي اليمين فالزيت
بعدين افرك شويتين بشويش الزيت على الجذور
و احط منو كم نقطه على كف يدي وامسحها على كل الخصله من الجذر لنهايتها
بعدها انزل خصله ثانيه واسوي نفس الشي
و كدا الين ما اوصل للغره وبدايه الشعر من فوق ونفس الشي
بعدها ارفع كل شعري على فوق و اغرق نهايه الشعر و الاطراف
لان اطراف الشعر دايما مسكينه و ماتاخد حقها من الزيوت والله عشان كدا دايما تتقصف بسرعه احس
الموهيم ..
بعد ما ارفع كل شعري على فوق الفو كعكه و اربطو
بعدها اغلف شعري مضبووط بالقصدير و اعطف نهايات القصدير حولين شعري
عشان ينحكم تقفيل القصدير و عشان لايتحرك وانا نايمه
طبعا بعدها احط المنشفه على مخدتي و انام
ولمن اصحى احاول اقعد بيه كمان كم ساعه وبعدها اغسلو
.......
قبل امس حطيت الزيت الساعه 2 و ربع الفجر .. و غسلتو 11 الصباح
يعني تسع ساعات تقريبا ~
اما امس ف حطيتو الساعه 11 الليل .. و الى الان ماغسلتو .. افكر اغسلو على عشره او 11 ان شاء الله ^_^
وصدقيني لو نتايج ترطيب الشعر و احساسو الروعه ماجاتني من اول مره
ماكان رجعت سويتو اليوم و دحين ناويه اسويها كل يوم لان نتايج امس مره عجبنتي
وطبعا ان شاء الله مع الاستمرار راح يطول شعري بسرعه =)
.......
الشامبو الي انا استخدمو هوا شامبو فاتيكا بالزبادي و الحنا و اللوز
ومره مرييحني ..
بس امس اشتريت شامبو نونو تبع بيبي جونسون
لانو مره خفيف .. و قلت بما اني راح اتحمم كل يوم ف احسن يكون معايا شامبو خفيف
ويسير مرتين فالاسبوع استخدم الفاتيكا و باقي الايام على البيبي جونسون (^.^)
......
اعذريني لاني طولت عليكي
بس حبيت اني افصل لك كل شي عن تجربتي و كدا ^_^
بالتوفيق يارب
و في حقظ الرحمن