شعري فقد صحته وش اسوي

ياعمري2007

24-06-2022 - 06:53 pm

السلام ليكم
ياجماعه شعري خف كثير بسبب الرجيمات اللي كنت اسويها
الان شعري صار قليل وخاصة من المقدمه حتى جلدة شعري باينه
ونا رحت لدكتورة جلديه وعطتني علاج بس مايزال شعري قليل
هذا غير انه شعري من قمة الرأس دهني ومن تحت نافش وجاف
مع انه شعري ناعم بس بعد ماخف صار ينفش والكل يقولي قصي
شعرك هو واصل لنص شعري بس الواصل للنص خفيف عشان كذا
يقولون لي قصيه ونا عاد عشي الشعر الطويل وهو احلى بكثير علي
من الشعر القصير وكا مره قصيته عشان ابغاه يصير كثير بس مافي
فايده خفيف لدرجه خيال بس انا مصر ابغاه يطول والمشكله الان
انه صار مع خفته ينفش وحتى صرت كل شهرين او ثلاثه اصبغه لأن الشعر الأبيض
طلع براسي من يوم كنت بالثانويه خاصة واني عصبيه والان الشعر الأبيض بجوانب راسي
من جهة اذني وفي قمة راسي كثير شيب ابيض واللي يشوفن الشعر الأبيض
براسي يظنون اني كبيره في السن صحيح انا فوق ال 29 سنه بس كاشكل عادي ابان
بعمر العشرينات بس المشكله بالشعر الأبيض وخفته ولكل يظن اني كبيره م ان اأستشورته
طلع حلو علي لانه طويل بس المشكله خفته والكل يزن على راسي قصيه مع انهم شايفين
حلاوته على شكلي ومع كذا حتى لما طاوعتهم زمان وقصيته محد تكلم ولاقالولي حلو
وبس اطوله يزنون علي قصيه لانهم شايفين حلاوته علي طيب الان ابغاكم تساعدوني
ابغاه يكثر ويثقل ويصير حلو ويكون في لمعان وجاذبيه ونفسي يطول اكثر
اتمنى تعلموني كيف اعتني فيه بالترتيب الى ان يكثر واذا فيه غذاء معين يكثره
اوشئ مال ريحه احطه على راسي ولايخلي شري يتساقط لانه مره تساقط
الله يجزاكم الجنه ياربي ومشكورين

التعليقات (7)

إكليل

24-06-2022 - 10:11 pm

حبيبة البي
الله يساعدك أولا
وثانيا لازم تهتمي بغذائك كتير
عامله رجيم ....ماشي
بس كلي أكل صحي
روحي بيت الصحه ....في كتاب اسمو( التوازن سر الحياه ) ونظام الماكروبيوتيك نظام الفطره
رح تلاقي فيه شغلات صحيه رح تفيدك
مثلا فيه شغله عن شاي السمسم
ومن فوائدها....
للإمساك
مشاكل الدورة الشهريه
تساقط الشعر
الشيب المبكر
زيادة حليب المرضع
تعب العيون
النسيان والخوف
وجع المفاصل...
وكل هذا علاجه بكأس من شاي السمسم
آسفه رح طول عليكي بس إن شاء الله تستفيدي
الطريقه:
خدي 2 ملعقة سمسم كامل ودقيه في جرن خشبي وحمصيه شوي بطنجره ستيل على الناشف
أي بدون زيت
وبعدين حطي كأس ماء
واتركيه يغلي ربع ساعه
هلا اشربي الشاي وكلي السمسم
والله جربته ....طعمو طيب وفوايدو كتير ممتازه
ممكن تجربي بدل السمسم..
حبة البركه, بزر الكتان, بزر الخردل , الفالفا ( البرسيم) كل هاي بدائل لشاي السمسم

هاد شغله من مليون شغله ممكن تفيدك
وهاذا بالنسبه للغذاء
اما بالنسبه للعنايه الخارجيه استخدمي حمامات زيت الزيتون لأنو أفضل مقوي للشعر بكفي انو مبارك
بس يكون نوع اصلي مو تجاري....
وطريقتو سهله ...دفي شوي زيت على النار
اعملي مساج لشعرك
لفيه هلا ببيونه نايلون
خليكي ساعه او ساعتين وخدي شور
ونعيما ....خلصنا
بالنسبه للقصه ....مو مشكله ياعيوني
خلي شعرك طويل وقصيه مدرج شوي أو استشيري كوافيره شاطره
المدرج بعطي للشعر كثافه
وممكن تحنيه أو تصبغيه ( مع اني ضد الصبغات الكيماويه ) عشان الشيب
بالنسبه لنفسيتك ....ضروري تريحي أعصابك
مصير شعرك يرجع حلو وأحلى من الأول إن شاء الله
لأن إزا نفسيتك تعبانه وبتفكري دوم بشعرك.....النتيجه عكسيه تماما
رح يتعب معاكي كل ما تعبتي
نصيحه مني مجربه ....لو شربتي شاي أو زهورات أو اي مشروب ساخن
حطي معاه شوي ميراميه بتعطي لمعه واضحه للشعر
وأعتذر جدا للإطاله
بالتوفيق لك يا قلبي

المجروحه؟؟

24-06-2022 - 11:12 pm

وانا مع كليل
وكمان اهتمي باالخضروات والفواكه وترى انها ماتسمن
وكل يوم خوذي ملعقه زيت زيتون مع كأس ليمون مره مفيد
للجسم واستخدمي شامبوا حلو مع بلسم واهتمي بتزييت الشعر يوم بعد يوم
واشربي حلبه مع حليب لنها مفيده جداً...
تقبلي تحياتي

أم عبد الاله

25-06-2022 - 12:13 am

الاخت اكليل جزاكي الله كل خير

إكليل

25-06-2022 - 01:14 am

أم عبد الاله
جميعا يارب
تسلمي يا أم عبد الإله

© جوري ©

25-06-2022 - 02:15 am

شامبو اسمه فيلا بور جيني فوليوم شامبو لتكثيف الشعر يمدحونه البنت للشعر الخفيف وتلاقينه بصيدليات النهدي
بس للامانه انا لسا ماجربته

* جــــــوري *

25-06-2022 - 03:16 am

حبيبت قلبي (( عمري 2007 )) ........
أولاً :: الله يعينك ويساعدك لأني بصراحة مريت بنفس مشكلتك ...!!
كان شعري لخصري وللأسف من إختبارات الثانوية العامة زدت مايقارب (( 10)) كيلو ..!!!!!!!!
كل هذا بسبب إختبارات العلمي " الله يهدهم " على أسئلتهم إللي تجيب الهم ...
المهم أضطريت أسوي رجيم وفترة سنة كاملة >> عشان إللي أنقصة مايرجع << ..
بعدها طاح نص شعري ووالله كان كثير وناعم وطويل ...
وصار من بعد الرجيم وبالذات من تحت عبارة عن كم شعرة بنفس الطول لخصري بس الباقي حت ...
طاح كله ... >> طبعاً أضطريت أقصة بعد مازنت علي التونسيه بالصالون ... حنت علي وحلفتلي بيرجعلك أحسن لقصيته..
ولما قصته (( حلت اللعنه على شعري ))... أستغفر الله والله للحين أدعي عليها > حسبي الله عليها <<
صار مستلعن ومايطول بسرعة ... سألت وأكتشفت أنها ماتصلي ؟!!
كل من شاف شعري تهول علي وش كان قبل وش صار بعد ماقصته ؟!؟!؟
يدها مافيها بركة .. فقعدت سنتين متعذبة مع شعري مايطول إلابالموت !!
والآن وبعد مشقه سنتين شعري ولله الحمد في قمة الروعه .. أحمده وأشكره على فضله ..
كثر وطول ونعم أكثر من أول وصار في لمعه حلوة وشوفته تبرد القلب لما أفتحه.. وبلا إستشوار بلا هم ...
وحتى لما أستشوره ماصار يعذبني ...مش زي أول من فوق كثير ومن تحت كم شعرة ... وعذاب بالإستشوار ,,,,
المهم ... إذا تبغين برنامجي إللي سويته في (( ^3^ )) شهور قوليلي ...
لأنك أنت تقولين ::
>>>ابغاه يكثر ويثقل ويصير حلو ويكون في لمعان وجاذبيه ونفسي يطول اكثر
اتمنى تعلموني كيف اعتني فيه بالترتيب الى ان يكثر واذا فيه غذاء معين يكثره <<<
أوكي طلبك لهنا متوفر ... وإنشالله بيصير مثل شعري وأحسن بعد ...
>>>>> اوشئ مال ريحه احطه على راسي <<<
لاكن هنا صعب ... بقولك شيء عن خبره ... علاج بدون ريحه مافيه فايده ...
مثل الدواء >> الشراب << الشيء إللي طعمه كريه يعالج المرض بسرعه لاكن إللي طعمه حلو ... >> يطول بعلاج المرض <<
خذي نصيحتي وحياك بموضوعي (( القسم الخاص للعناية بجمال فراشاتنا )) وإعتمدي على الله ثم علي في علاج شعرك ومن بعد أسبوعين راح تلاحظين تحسن بإذن واحد أحد ...ولواظبتي وكملتي للشهر بتدعينلي ..
ولايغرك كلام أطباء هالأيام سواء أستشاري أو أخصائي ويقولك هذا العلاج من أول مره بيحسن شعرك...
الأغلبيه منهم يروجون لشركات ومؤسسات هنا وبالخارج عشان يآخذون نسبة من وراهم ...
وتأكدي أنه مافي دواء أو علاج يعالج الشعر التالف والمتقصف من أول يوم > > هذا ولا السحر << ...
وحتى الكبسولات إللي تكسرينها بالشعر جربتها ماتطلع نتيجتها إلا بعد شهرين وبعدها ثلاث وياليت نتيجه عدله و تفرح القلب ... !!!
عالعموم ...
إذا حسيتي أنك معزمة وبتصبرين على البرنامج حقي .. حياك بقسمي وعيوني لك ..
ولا تخافين البرنامج مش صعب وبنصحك بالغذاء الداخلي (( للجسم )) والخارجي (( للشعر )) وحتى الزيوت مش مره ريحتها قوية بس فيه زيت فوق الممتاز ونتائجه توب ريحته لك عليها بس والله يستاهل ...
والماسك بعد >> شوي ريحته بس مش مره قوية ... ومدته شهر ولازم تواظبين عليه لما تكملين الشهر ..
وبعدها بإذن واحد أحد بتدعينلي .. وبيصير شعرك غير ....
ومع المواظبه على الماسكات والزيوت والتغذية المناسبة وماتأثر على وزنك بتشوفين تحسن مش طبيعي إنشالله...
على العموم .. فكري بالموضوع وأنسي الريحة ترى شعرك أهم .. وإذا وافقتي على البرنامج أوعدك ماتجي العطله إلاشعرك في قمة قوته ولمعانه وطوله بيزيد عن أول ... والتكل بيسألك أيش سويتي ...
بنتظر ردك .......
** جوري **

$نبض الحياه$

25-06-2022 - 04:17 am

مرحبا قلبي
فيه طريقه وهي الحلبه+زيت عافيه او اي زيت يناسب شعرك تخلينهم بعلبه ينقعوون لمده 10 ايام بعدين تستعملينه على شعرك
مره يمدحونها وتكثر الشعر وتطووله بعد واذا على الريحه حطي بلسم فاشكول بالصبار
وبعدها تبخري هذا بعد ماتغسلين شعرك
وان شالله تروح الريحه
ويارب يرجع شعرك مثل اول واحسن يارب

وش اخبار اليوكو يابنات البحرين←
بنات اللي استخدمت التونيك هير الماليزي بليز تدخل→