شفت صور لزوجي بمرقص

مرحبا بعطيكم نبذه عن حياتي انا متزوجه من ست سنوات ولله الحمد مرتاحه مع زوجي يعني على مدى الست سنوات ماشفت منه اي نوع من انواع الخيانه وعنده اهتمامات كثيره بالمشاريع ومع كذا دايما اراقبه يعني على طول ادور بجواله اشوف تصرفاته اراقبه اذا رحنا لسوق كيف نظراته ولله الحمد دايما عند حسن ظني 00000بس تعرفون الحريم اقول اكيد له ماضي لاتقولون اني فسقانه وقاعده ادور المصايب لاوالله بالعكس 000بس غصب عني وكنت اسأله عن حياته اول وكان يقول كنت اسافر مع الشباب بس والله عمري مااخطيت 000000
المهم اليوم الساعه عشره بالليل كان عند زوجي شنطه قديمه فيها اوراقه وفتحتها ولقيت صور لبنات لحالهم وصور لزوجي مع شلة شباب بمرقص وكانت الصور قديمه 0000طبعا ارتفع ضغطي وعرفت ان هذا ماضيه وقعدت اصبر نفسي واقول ماضي اهم شي الحاضر0000المهم دقيت عليه وقلت تعالي بلف انا وانت بالسياره وخذيت بنوتي معانا اول ماركبت سألته قلت ماضيك عباره عن ايش 000قال ليش السؤال وقلت له عن الي شفته 0000قال والله ماني ذاكر الصور اذا رجعنا البت اشوفهم واقولكم هما مين اما بالنسبه لسفراتي اول والله كنا نروح المراقص ونتفرج ونرجع وعمري ماسويت الحرام 000000000وودانا المطعم انا وبنتي وتعشينا 000ورجعنا البيت ووريته الصور 00واقصد صور البنات 0000قال ياه ذكرتيني هذي لقيناها بسيارة واحد من خوياني وبنسوي فيه مقلب وخذيتها ونسيتها قلت له احلف قال والله العظيم مالي دخل فيها ابد 0000وفيه صورة بنت ثانيه قلت طيب وهذي قال هذي كنا بدبي وكنا نستهبل على وحده تركيه ودخلنا غرفتها ولقيناها على التسريحه وخذيناها قلت له ليش تدخلون الغرفه قال كنا مراهقين وكنا نستهبل على البنات الي هناك00000000000000000000هذي السالفه وش رايكم انا بصراحه ماصدقته ولا ارتحت لكلامه 00صحيح انه ماضي وله سنين بس والله اثر على نفسيتي ماابي ردودكم انه ماضي واعقل واكبر راسي لالالا0000ابي ردود تحلل لي الموقف وكلام زوجي تكفون افزعوا لي
00000بس بجد حسيت بالغيره على زوجي بجنون وعلى فكره قطعت الصور قدامه واناظر له ويضحك 0000يقول والله مجنونه 00000وباسني على راسي