شمعه تايئه وحيرانه

حبيبتي اذا انتي تستخدمين زبدة لازم ما تذوبينها عالنار لأنها بتخلي الاكلة قاسية
واحلى واسهل طريقة معمول سويتها بنفسي هي:
2 أصبع زبدة ذايبة من حالها يعني طلعيها من الثلاجة وخليها تذوب من حالها بجو المطبخ
6 حبات جبن كيري
2 ملعقة كبيرة سكر مطحون
2 كاس دقيق ويفضل انك تنخليه
أنا احط المقادير كلها بالعجانة حقت براون اللي هي محضرة الطعام العادية واخليهم ينخلطون
بتصير معي عجينة وطبعا اكون مجهزة التمر واسهل طريقة لتجهيز التمر انك تنزعين منه النوى
وتحطينه بالخلاط برضو حق براون أو اي خلاط يناسب عندك.. وتحطين معه شوي زيت او زبدة شوي بس
وتخلينه يخلط وبيصير معك التمر زي العجين..
خلاص خذي العجينة واحشيها وشكليها ثم دخليها الفرن على حرارة متوسطة.. ولين يحمر شوي من تحت
بعدها افتحي الفرن من فوق وخليه برضو يحمر شوي بس ثم طلعيه وانثري عليه سكر مطحون
وبالعافية على قلبك ان شاء الله..
وإذا بتقللين الكمية حطي نصف المقادير اسهل واسرع بعد.. هذي الطريقة اسويها وتنجح معي