شوربة دايت والطعم جنان

بنات
اظن كل وحده تسوي دايت تعاني لما يجي في رجيمها شوربة خضار
صلحتها مره والله يكرم النعمه حامت كبدي كأنه اكل اطفال حالي
المهم اختي قالت لي عن شوربه الجزر ... اول ما قالت لي المكونات قلت لا ما احبه
قالت انتي جربيها اول وبعدين قولي لي رايك
المهم اني جربتها وطار عقلي بها
وتفضلوا
المقادير
جزر
بصل
فص ثوم حسب الرغبة
حبة ماجي او اكثر حسب الكمية
قليل من زيت الزيتون
اخر شي .. ماء ساخن
الطريقة
نسلق الجزر بمويا لين يلين ويستوي
ونجيب مقلى ونحط فيها قطرات من زيت الزيتون مانكثر ونخرب الدايت
بعطين نحط البصل وفص ثوم ونحمسهم لين يتحول لونهم للذهبي ... وكل ماكثرنا البصل صار الطعم احلى
نسخن المويا ونخليه جاهز
بعدين نصفي الجزر من مويته ونحطه في الخلاط مع البصل والثوم والمويا وشوي فلفل وحبة ماجي ((الماجي حسب الكمية يعني اذا قليله نحط نص واذا كثيره للعايله كلها نحط حبه او حبه ونص ماجي))
ونضربهم بالخلاط لين يختلطون مع بعض وينطحنون كويس
بعدها نصبها بقدر ونحطه على النار ومانطول بالكثير ثلث او نص ساعه
وبالهناء والعافيه على قلوبكم
ملاحظة : للي مايسوون دايت ممكن يبدلون الجزر بالبطاطس ... ياحظهم خ