شوفوا ايش اشتريت من ميك اب فورايفر بالصور

اهلين فروشات احب القسم هذا احسه قسم الشياكه اللي تهتم بالميك اب احسها ذوق مرره ...
كيفكم ان شاءالله كلكم يا رب باحسن حال ...
امس اشتريت من ميك اب فورايفر كم حاجه مو حاجات كثير ..
انا عندي من اول كريم اساس بس اشتريت بودره لانها خلصت
بصراحه كانت عندي وخلصت ورحت اشتريت زيها انا دايما احب اغير من ماركه لماركه
لكن هذي المره ابدا ميك اب فورايفر وبس
كريم اساسهم وبودرتهم جنان وكل اشيائهم جنان ودمج الالوان عندهم شي خيال
انا لو علي اسكن عندهم شي يجنن انا ما قد شفته عند غيرهم بصراحه ..
هذي الاشياء المهمه اللي اخذتها ..
طبعا اخذت اشياء ثانيه بس ما صورتها وعندي من اول اشياء كمان حلوه بس ما قدرت اصورها ...
الكريم الاساس خطير مع البورده تبعه يجننوا يخلي بشرتك موحده وكانها طبيعيه ما كانك حاطه اساس ما شاء الله ..
هذي صورة الكحل ولونه على ازرق بس زراقه صراحه مو زي اي لون ازرق اخدته في حياتي عشان انا احب الازرق مره لكن هدا جي على لون حلو ولمن ينحط في العين واو
وهذي الماسكرا مره حلوه تعطي تكثيف للرموش مره مره رائعه انا بس حطيت منها شويه تجربه وصارت ماشاء الله روموشي تجنن وكثيفه وطويله ..
وعندهم ماسكرا بيضا تحطيها قبل اي ماسكرا يخلي الرموش مره طويله انا انفجعت لمن حطيت منها في المحل ما صدقت انه هذي رموشي صارت مره طويله ماادري صراحه كيف يعني انا حطيت في عين وعين لا في فرق بين الاثنين اللي حطيت فيها اطول من الثانيه بكثير انا عارفه راح تفكروني ابالغ حتى انا مو مصدقه ..
بس انا مااشتريته لاني الحمدلله مااحتاجه وانا عارفه نفسي ما راح استعمله وخصوصا اذا كنت مستعجله
بس اي وحده عندها ماسكرا وما تبغى تغيرها بس تبغى تطويل للرموش تاخذ الماسكرا البيضا من عندهم وتحطها قبل ماسكرتها وتخليها دقيقتين وتحط ماسكرتها تجنن تصير الرموش واو .. بس انا ما عندي صوره لاني زي ما قلتلكم ما اشتريتها ..
وعنده بلاشرات يالله كلمة رائعه قليله فيها ...
بس الشي الوحيد اللي لا تاخذوه من عندهم الكونسيلر العادي اللي زي المعجون هدا مو حلو لكن الكونسيلر اللي يجي علبة الوان هدا يقولوا ممتاز ..
انا بصراحه جربت كونسليرات قليل وكثير ما في ماركه ما جربتها بس ما شفت زي كونسيلر اف سان لوران يعطيكي تغطيه متازه فوق الخيال وانا نزلت قبل كذا موضوع عنه ...
وميزته انه عملي وتقدري تاخذيه اي مكان
وهذي صورته وهو ينضغط من تحت وسهل مره واهم من هذا كله انه يغطي العيوب بشكل تام بس استعمليه بطريقة الطبطبه مو المسح ..
وشكرا للجميع ...
عملت تعديل للموضوع ....
انا انتبهت لشي يا بنات وذكرتني فيه الاخت حنين انثى الله يعطيها العافيه .. وراح اعمل تعديل للموضوع ..
شوفو بودرتي في الصوره الاصليه الاولى باينه غامقه وهذي صوره ثانيه
فيه فرق بين الاثنين في الصوره حقتي باينه غامقه ...
لكن انا اخذتها من المحل كذا >>شوفو الفرق بين اضاءة البيت واضاءة المحلات ..
كثير مرات نختار اشياء ما تناسبنا ..
طبعا انا مناسبتني لاني عارفه درجة لوني وعندي البودره قبل كذا فخلاص عارفه الدرجه اللي ابغاها .
فكل وحده لا تغلط وتروح المحل مع الاضاءه تاخذ شي اغمق من لونها وتفكره يناسها ..
وانا اشوف انه كل وحده تاخذ معاها الدرجه اللي تناسبها عشان تقارنها في المحل ولا تغلط ولا تتعب نفسها
بس حبيت افيدكم بشي انا عارفه انه اكثركم عارفين الشي هذا ومعروف من زمان بس يمكن تكون معلومه اخذ الاجر منها ..
موفقين يارب للجميع .....