شوفوا زوجي كيف يقارني بأخته بعد ما خربت عيشتي الله حسيبة ساعدوني ابغة اقهره

1. السلام عليكم ورحمة الله وبركاته


2. عزيزاتي الفراشات

السلام عليكم ورحمة الله وبركاته

عزيزاتي الفراشات

انا ابغى منكم رأيكم بصراحة في قصتي وزواجي من اربع سنين وانا آآآآآه كل ما اتدكر تولع بقلبي حريقة من حظي الردي أول شي ما ماعندي اولاد وما ادري اش السبب ما عندي ولا عند زوجي مشاكل بس من الله ثانيا ودا الأهم حياتي من اولها كان فيها تدخل يا بنات ما تميت شهر الا اخت زوجي جاية عندي بحجة انه عندها دوام وقبل الزواج المصيبة الي مقطعة قلبي انه ما عملوا لي لا شبكة ولا زفة زي بقية البنات مع اني تزوجت وانا صغيرة وكنت حالي حال الناس ما ناقصني شي بالعكس حسب ونسب وجمال بس حظ معدوم وبعدين جا الزواج وزاد الطيين بله انه اخوات زوجي معانا شهر العسل وبنفس الشقة كانوا معانا وكان زوجي قايل لي انه رح نسكن بفندق لوحدنا وبعدين صرنا ما يخلص الشهر الا اخته جايه عندنا تأخد اقل شي اسبوعين والله يا بنات انه في الثلاث سنين الأولى تأجلت دكرى زواجي لأنها عندنا وليته بين بعينها حسبي الله عليها سوت فيا سوات ما يسويها غير العدو عساها ب.....
آآآآه يا بنات كل ما اجلس مع البنات يقولون انتي كيف تأخدين راحتك؟؟مسكينه حتى في شهر عسلك ما ارتحتي؟؟؟ ويزيدون همي هم..وزاد الطين بله انه صار ما يحط لي اعتبار حطني حسودة وغيورة ولا يحكيني بالي يصير معاه مقفل جواله برقم سري ولا يهرج معاياه ولما نروح لأهلة واهلي يا بنات ينساني ينساني ولا يتصل ولا يكلم ولا يهتم ولما اسئله يقول انا واحد طول عمري كدا كيف اغير برنامجي؟؟ يا ناس متزوج كيف ينسى زوجتة ولا يحطني في جدوله؟؟؟
ودحين يبغى يسافر مع اصحابه في العيد وجاي يقولي ولا همه انها رح يقضي العيد بعيد عني؟؟والله مقهورة يا بنات ابغاه يهتم زي ما اصحابه يهتموا في زوجاتهم؟؟ ونفسي اروح معاه؟؟
قولوا لي كيف اتصرف معاه وكيف ارجع اعتباري ؟؟انا يا بنات اصلا ما احبه وهو كل الوقت احبك احبك؟؟بس حسيته كرهني لأني شكيت كثير من اخته كرهتني في عيشتي ..تصوروا يقارن بيني وبينها ويقول هي احسن منك وهي تقابله بوجه وتضحك له ومعاي كشره ومزاجيه الله يحاسبها وصار يقولي هي عمرها ما تشتكي منك اكرهها يا بنات نفي تموت واكرههة هو كمان ابغى افتك منه ماني قادرة اسوي له شي لأني ما احبه..يقهرني يا بنات يسوي ا ي شيء يقهرني ولا يهتم يفشلني قدام اخواته ..كيف اتصرف معاه ابغاه ينقهر ويموت سويت له اختبار بوصله الشخصية وطلع جنوبي شرقي وانا غربيه ...كيف الحل معاة مو عارفة...