شوفوا وش صار لي في مشغل نواعم الخليج

السلام عليكم يا أحلى فراشات ,,
شو أخباركم أن شاء الله تمام ؟؟؟
راح أقولكم الموقف الي صار لي لما رحت اليوم لمشغل ( نواعم الخليج )الدمام حي 91
المهم ,,
أقولكم رحت اليوم لهذا المشغل لغرضين ::
1- عشان أشقر حواجبي
2- عشان أحف وجهي بالشمع
وطبعا دخلت المشغل وما لقيت فيه أحد تقريبا مافي زباين ألا أنا ,,,
ومافيه ألا عامله جالسه تكنس وتطالع فيني لكل برود!!!!
وأنا متعودة أتعامل معهم بالخياطه بس ,,,
وجلست خمس دقايق أدور أحد يجي يسوي لي فاتوره أو أي شي وبعدين جتني بنت شكلها بنت صاحبة المشغل ,,
قالت لي آآمري وش بغيتي ؟؟
قلتلها أبي تشقير وحف وجه ,,
قالتلي حف الوجه 50 ريال ,,
قلت طيب أنا ما أبغى الوجه كله يعني ما أبيها تحف الخدود والي تحت الفم لان مافيني شعر بهالمنطقة ,,
يعني بس ابغى الشنب والجبهة والأنف ,,,<<< كلامي فيه شي غلط ؟؟
ويوم سمعت كلامي ,,
قامت وضحكت بصوت عالي تقولون أحد مدغدها ؟؟؟
قالت أول مره أحد يقولي كذا ,,
وتضحك وتضحك يا بنات بكل وقاحه ,,
وانا ساكته وجالسه انتظرها تخلص ,,
قالت خلاص اشيلك ب 30 هالمناطق ,,,
المهم جتني وحدة هنديه وحطت لي المشقر ,,
طبعا أنا جلست أسبوعين أخلي حواجبي تطلع عشان أشقرها مضبوط ,,,
وقلت لها أبيها تكون عريضه طبعا تشقير بدون صبغ ,,,
اقولكم حطت لي المشقر وهي تنافخ ومدري وشو ,,
وانا ساكته ,,
وحطت لي المشقر وراحت وجلست انتظر ,,
ولما خلص المشقر رحت ادورها وادورها المهم جتني بعد طول انتظار,,
ومسحت لي المشقر ,,
آآآآآآآآآآآآآآآآآآآآآآآآآآآآآآآآآآآآآآآآآآآآآآه يا بنات ,,
حواجبي نحفتهم مره ومو مرتبه ,,,
عاد أنا انصدمت وقلت خلاص انا بعدين اعدلها في البيت ,,
وبعدين قالت لي انتي كم عمرك ؟
ويوم قلتها عمري ,,
قالت انتي كأن عمرك 30 ,,
قلت لها ليش ؟؟
قالت عشان انتي قول سوي كذا وسوي كذا ,,,,,..,<<<يعني قصدها اني أتشرط
المهم سكت وكبرت عقلي ,,,
وجلست تحف وجهي بقوه كأني ما أحس ولا أتألم ,,
المهم خلصت وما شالت الشعر ألي بين الحواجب ,,
وانا مره سمعت الشيخ الفوزان يقول مابين الحاجبين ليس من الحواجب ,,
يعني بجوز ان احنا نشيله ,,
بعدين قلت لها شيلي الي بين الحواجب ,,
قالت لا مدام حرام بعدين ادخل نار
وتضحك كأنها تستهزء بالنار وزي كذا
عاد أنا قلت في نفسي ( مابقى الا هالهنديه تعلمني ديني )!!!
قلتلها لا مو حرام شيليه لي ,,
المهم جابت الخيط وشالته لي ,,,
وببعدين نادت وحدة فلبينيه وجلسوا يتكلمون بالأنجلش ويحشون فيني يحسبون أني ما أفهم أنجلش ,,
وانا فاهمه انهم يقولون :: كل السعوديين اأغبياء وما يفهمون!!! وتقول عني أني أنا مجنونه !!!!
عاد انا عصبت واتصلت على أخوي وجاء أخذني ,,
بس بعد أيش بعد ما تنكد مزاجي وعصبت وشغلهم خايس لأبعد حد ,,,
الله لا بوفقهم وحسبي الله عليهم ونعم الوكيل ,,,
والله هذا الي صار معي بالتفصيل وما بالغت أبدا ,,,
انصحكم يا بنات لا حد يروح لهم أبد والله ان المشغل مليان صراصير ويقرف ,,,,
وشغلهم جدا بشع ,,,
الله يعيني على حواجبي الي خربوها