شوفوا وش قال لها زوجها بعد 3 سنوات كتمان غلطة ايام الملكة

نسائم الود

24-01-2022 - 06:01 pm

يعني حماس وحب يواجه شك واحباط = ملل واحيانا كره

اختي المخطوبة المتملكة" في فترة الملكة انتبهي لهاالامرين المهمين :
اولا:
وانتي تتكلمين مع زوجك ومع السوالف ممكن تخلقين في زوجك شخصية ثانية محطمة غير اللي كنتي تتوقعينها..كييف؟
بس باسلوبك!!!وانتي ماتدرين
بعض البنات الله يهداهم تكثر تحقيق مع زوجها واسئلة مالها داعي واسلوب غريب لحد ماتطفش زوجها منها ويبدى شوي شوي يبعد عنها واحيانا يفكر انه اساء الاختيار...

يعني حماس وحب يواجه شك واحباط = ملل واحيانا كره

كمان انتبهوا تحسسو ازواجكم انكم ماتحبون الجنس والله مصيبة حتى لو كنتي تستحين من هالشي اسكتي افضل من اي كلمة تقوليها راح تحطمة طول حياته اعرف وحدة زوجها مااعترف لها الا بعد 3سنوات من الزواج وقال انا بصراحة ماحب الجنس معك وانتي السبب
كيف؟؟؟؟
انجنت...تقول: انا وشقلت له ذا ؟؟؟!!
قال يوم كنا متملكين كنتي تحسسيني ان هذا الشي سخيف وماله داعي على الرغم انو فطرة انتي ترغبينها ...
بس هذا احساسك وتحملي كلماتك الجارحة اللي كنتي توجهينها لي مع انك ماكنتي تقصدين تحطيمي بس صدقيني مع الوقت كبرت و قتلتي الرجل اللي بداخي من اسلوبك
واليوم انتي تحملي
يالله يابنات
والله حرام نخلي هالايام زعل ومناقرات اذا ماانبسطتوا هلايام قولوا لي بالله متى بتنبسطوا؟
شيلوا من روسكم الافكار السخيفة والوساوس الشيطانية والاسئلة التافهة المحبطة ...
احيانا يستحقرك زوجك بسبب اسئلتك التافهة اللي توجهينها وكأنك ترمينه بسهام بس شفافة...
فأنتي يالغالية فكري قبل اي سؤال توجهينه بجد لزوجك باستثناء المزح وبعض المزح بعد ثقيل
فكري زين ترى الرجال جمل ...ماينسى !!!
واسأليني ..
الحاجة الثانية اللي ودي انبه لها :
لاتحسسي زوجك بعدم ثقتك به ..والله خطر يهددك انتي مو هو ...
شلون؟
يعني مثلا تحسسيه انو مو قد الشي اللي جالس يسوية او مثلا تقولي له ايه اليوم تدلعني وبكرة اسد علي
يابنات انتو كذا تصنعون شخصيات ازواجكم هوا ايش بيقول؟
بيقول ايه احسن مدام هذا احساسها فيني رغم حبي لها هذا اللي راح يصير ترى احيان كثير حنا يالبنات اغبياء نخرب على انفسنا
والله الرجل سهههل بس انتي امشي واللي براسك خليه براسك انتبهي تقوليه له ومع الوقت راح تصنعي رجل اخر ماتوقعتيه
بس الكلام يخرب كل شي ..صدقيني ..
افكار مرت علي قلت اذكركم فيها ...ويارب تعجبكم عاد بالتوفيق ياحلوات

التعليقات (9)

ونــــاســــه

24-01-2022 - 09:44 pm

كلامك مية مية ..

_أنوثه طاغيه_

24-01-2022 - 10:45 pm

الله يسعدك ..

ضي عمري

24-01-2022 - 11:46 pm

مشكوره على النصايح الحلو
الله يسعدك

كيان جدة2009

25-01-2022 - 12:47 am

تسلمي ياعسل وما قلتي الا الصح

نسائم الود

25-01-2022 - 01:48 am

هلابكم يالغلا
ويارب استفدتوا عاد ادعولي تكفون

لحن الوئام

25-01-2022 - 02:49 am

يسلم الك كتير خيتى على النصائح
والله هالكلام بنطبق عليا يافرحة ماما فيا
ماكنت بعرف انه هالشي راح يأثر لقدام
بدي اروح احكي معه وارقع الى عملته طول الشهور الماضية
واغير كلامي معه

b0-b0

25-01-2022 - 03:50 am

مشكوره ع النصايح

نسائم الود

25-01-2022 - 04:51 am

حلو يالحن انك حسيتي بغلطتك
يالله الحين روحي لزوجك وقولي انا مجنونتك وابيك بكل مافيك خليه يكبر راسة وينبسط
الله يوفقك يالعلا

(نورالبدر)

25-01-2022 - 05:52 am

يعطيك العافية
مشكوره ع النصايح

حبيباتي ابغى مساعدتكم←
ابي رايكم يا فراشات→