شوفي مطبخي بعد التجديد فكره روعه

•¦რѕнọάr ε

23-12-2022 - 03:14 pm

السلام عليكم ورحمة الله وبركاته
اخواتي الفراشات
انا اليوم جايبه موضوع مره حلو ومفيد لستات البيوت واللي ملت من منظر مطبخها المعتاد
قبل اسبوع جاتني طفش وضيقه من منظر مطبخي
دولاب عادي تبع البيت يعني اول ما سكنت لقيته فيه نظيف وجديد عادي بس منظره مو حلو
لونه ابيض والجدار لونه رصاصي سيراميك والارضيه كمان لونها رصاصي
المهم ...
جاتني فكره ابي اغير فيها المطبخ لانه تبع البيت وما اقدر اغيره
رحت للبشوات محل كبير وفيه كل احتياجات البيت ومن ريال الى 10 ريال بس اكثر من كذا مافيه
اخذت من عنده تجاليد على شكل حجاره وشريط حائط لونه اخضر وحاجات كثيره للمطبخ
المهم
جيت البيت انا ومقصي وعدتي
وبديت اقيس على الدولاب واقص
بالعربي جلدت الدولاب كله من تحت لفوق
واخذت الشريط الاصق حق الجدار اللي زي الاسواره
وبديت الصق جداري حزام كامل من الى
ورحت السوق اخذت طاوله صغيره وحطيتها
وركبت نجفتين صغار حلوه للمطبخ
وعملت لوحات وحركات
المهم المطبخ تغير 180 درجه
والكل شافه وعجبتهم الحركه وقالوا انه فعلا اللي يشوفه قبل ما يعرفه الحين
وكلها لمسات جماليه من ايدينك انتي
يطلع بيتك اشيك بيت
وهذي صور لمطبخي بعد التعديل الرهيب
والا كان كئيب وحالته حاله
هنا صوره واضحه للحزام الاصق واللي الكل يعرفه وكانه من نفس الجدار
وهنا صور للدولاب بعد ما جلدته وكانه جديد
حتى الكبس حق الفيش جلدته عشان يدي منظر
اتمنى اكون افدتكم بفكرتي البسيطه
احترامي وتقديري
.

التعليقات (8)