شيش فطمطم برك الغريب واو بالصور

شيش فطمطم برك الغريب واو بالصور
شيش برك بالخلطه العجيبه والغريبة
قلت ما يصير ايب طبق حلو من غير ما ايب طبق من المقبلات
بما ان اختي الله يحفظها سوتلنا بجمعتنا وبصراحه طعمه عجيب
وغريب لاني اليي اعرفه ان شيش برك باللبن
بس هذا شكله وطريقته حيل غريبه بس يمي يمي والكل استانس عليه فقلت لازم اعطيه الطريقه لخواتي
يستاهلونه
فاليكم المقادير :
شيش برك ((( عجينه محشيه بحميسه لحم مفروم قليل وملفوفه مثل القطايف وثم تلف علي بعض ))
ملاحظه << العجينه عباره عن طحين ابيض يعجن يضاف اليه ملح وفلفل اسود قليل ويعجين بالماء حتي يسهل
تشكيلها وتحشيتها ويمكن تخزينها لوقت الحاجه من غير تخمير لانها ما تحتاج >>اصابع ضعيفه شوي من الجزر والملفوف الابيض والفلفل البارد والمشروم الطازج
شرايح من البصل
قليل من الملح والفلفل الاسود
حبه من الماجي وانا افضل ماجي ارض الطبيعه يكون بقرشه ( ملعقه طعام كبيره ))
الصلصه
2 علبه من الكريمه الحمراء كي دي دي
ا عليه من لبن المراعي + ملعقه جبن كلاص
قليل من الماجي
اليكم الطريقه :
1 نفوح عجينه الشيش برك عقب ما حشيناها تحتاج ساعه الي ساعه وربع حتي تستوي
2 نحمس بقليل جدا من الزيت بالبصل ثم الجزر والفلفل البارد والملفوف والمشروم نبيه يقرمش
3 نضيف عليه الفلفل الاسود وقليل من الملح والماجي
4 نضع الشيش برك مع الخلطه ونحمسه شوي عشان ياخذ النكهه
5 نضع الصلصه عليه ثم نضعه بالبايركس ثم ندخله الفرن لتتجانس مع بعض وتحمش من فوق نفس الصورة
[]
وهني شلت منه حتي يبين اشلون شكله من الداخل ترا حد عجيب
ولما يصير عندي عزيمه اول شي يطلبونه مني ومن اختي الله يحفظها تسلم ادياتها